أحببت زوج أختي 🩸مكتملة🩸

🩸الجزء 106🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 106 📿

ومن بعد مدة طويلة وهوما فديك الوضعية قدرات سارة تبعد هي الاولة وفنفس الوقت كترد النفس لي تقطع فيها بينما موسى كان كيشوف فيها ببرود وماتعرف شنو تحت راسو ولا فاش كيفكر ... سارة بدات ضور فعينيها وقالت بارتباك مبدلة الموضوع : خاصني نمشي ...

موسى : ياك قلتي ماخاصكيش دخلي للدار فهاد الوقت حيث كذبتي عليهم ...

سارة : ماشي قضية كذبت ولكن غير ...

موسى بتساؤل : غير شنو ؟؟

سارة : مبغيتهمش يتخلعو عليا فاش يعرفوني خدامة بليل ...

موسى هز حاجب ونزل لاخر وقال بهدوء : هاديك هي الخدمة لي باغا ؟!

سارة شافت فجنابها والبرد بدا كيتحرك لدرجة بقات غير كتحرك فرجليها بتوتر : دابا خاصني ...

موسى طلع فوق سكوتر واشار ليها بعينيه طلع وبدون ما تزيد معاه فالهضرة طلعات موراه وهي كتسولو حيث قاتلها الفضول : فين انمشيو ؟؟

ما رد عليها بوالو بالعكس خلاها بلاكة الشيء لي خلاها ضربو لكتفوو بقوة الشيء لي خلاه يشوف فيها ديك شوفة ديال كلاوك عظامك ولكن هي ماخافت ماحشمات ... بقات كتشوف فيه بتحدي ... وهادي هي أكبر حاجة كتجذبو فيها من غير طبعا زينها وتصرفاتها مي ديك طريقة باش كتحداه ... كتبقى محفورة فدماغوو ومكيقدرش يدوز شيء نهار وميتفكرهاش ولكن بطبيعة الحال بدون مايبين ليها بلي راه طايح فيها ...

غير تحرك السكوتر بجهد شدات فيه بزربة حيث غفلها ... وهي مضورة يديها على كرشو جاها نعاس ومكرهاتش تنعس ولايني بقات صابرة ومبرقة عينيها مي غير شافتوو شد الطريق السريع حطات راسها على ظهرو وغمضات عينيها وغفات ...

نرجعو لعند يونس ...

من بعد ما سمع هضرة واليديه ضرب ضورة بحالو خارج من ديك الدار فمرة ... ونوعا ما مصدوم حيث هو واخا كان عارف الفلوس جابتهم ليه ختو الا ما قالش فراسو يمكن يكونو ديالها هي ولكن ديال راجلها لي طلباتهم منو وعطاهم ليها ... مي دابا فاش كلشي تكشف زاد الندم كياكل فيه كثر من قبل ...

وبهدوء ركب فطونوبيلتوو وديمارا محرك من تما وفطريقوو عيط على ليلى باش يتلاقاو وحدد معاها يتلاقاو فالجردة ... مكاملاش بزاف باش وصل ولقاها كتسناه حيث جردة قريبة لدار باها ... كلاكصونا عليها وهي تجي كتجري بديك الجلابة الكحلة والشال الأبيض ... كيف طلعات سلمات عليه بالوجه وهي كتقول : خلعتيني فتيليفون ياك لباس ...

يونس وهو كيديماري : غير نوصلو واتعرفي ...

ليلى بتساؤل : اشنوو غادي نعرف ؟؟ وفين غنمشيو ؟؟