أحببت زوج أختي 🩸مكتملة🩸

🩸الجزء 84🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 84 📿

تبعات ليه العين حتى داز من جنبها بطونوبيلتوو نفسها وكيف لمحات بلاصة الخدوش ما بقاتش ضحكات بإستهزاء وزادت راجعة لدارهم وهي كضور فراسها خطة جهنمية تردهم بجوج بهم غالطين قدام مهم لي باينة فيها قاصحة معاهم ... وبعد مدة دخلات للدار وهي كتسمع صوت الضحك والتكركير فالصالون ... حنات راسها للأرض وقالت بنبرة مصطنعة فيها شوية من الحزن والخذلان : السلام وعليكم ...

كلشي رد عليها السلام وهوما كيشوفو فيها بقلق ومنهم مينة أم موسى لي مقدراتش تمشي لدارها حيث أم سارة أصرات عليها تبقى حتى تعشى معاهم ... إستأذات منهم تحت نظراتهم ومشات للكوزينة ... بغات تمشي مها من موراها باش تعرف مالها مي حبساتها مينة وقالت ليها غير بالاشارات بلي هي اتكلف ...

دخلات سارة للكوزينة وجبدات تيليفونها دغيا حاطاه على وذنيها زعما راه كدوي وغير بانت ليها من المراية مينة جاية رققات صوتها بحالا اتبكي وقالت : مافهمتش أصاحبتي انا علاش كيطرا ليا هاكا تخيلي مشيت غير على قبل واليديا وخالتي مينة لي مقدرتش نرفض ليها شيء طلب باش فلخر نتعرض للإهانة ... صبرت وصبرت مي عييت والله ... راه بنت بحالا شيء وحدة مدلولة لاصقة فولد خالتي بزز ... ماعرفتش شكون هاداك ... لي قال ليا هو هاداك لي ايخطبني كيبغي بنت وحدة أخرى وماباغيش يتزوج ... عرفتي قالها ليا بواحد طريقة ضراتني ...

هبطات جوج دميعات من عينيها بزز حيث من صباح وهي كتعصر فراسها باش طيحهم من بعد كملات على تمثيلها : مي الحمد لله ... صافي ماكتابش ... دابا حسن نديها فمستقبلي راك عارفة بلي عاد خديت ديبلومي وخاصني نشد فشيء خدمة وبحال والو نهبط هاد سيمانة للمغرب هاد البلاد ماعرفتش علاش كتفكرني فداكشي لي كرا وكنتخنق ... اك زين حتى نديرو وقت ونقول ليك امتا نزل ونتلاقاو بسلامة ...

دارت راسها قطعات الخط ودغيا مسحات دموعها بزربة وغير ضارت باش تخرج لقات بلي مينة مكايناش ... عرفاتها بلي اتكون مشات للصالون ... تبسمات بخبث وجابت فيديها بلاطو فيه الماء والكيسان وحطاتوو وهي دايرة ابتسامة حنونة ...

مينة بقلق : كيف دايرة ابنتي ؟؟

سارة ابتاسمات ليها وقربات لعندها بايسة راسها وقالت : لباس اخالتي ... فرحت منين شفتك ... عفاك باتي معانا ...

مينة ضحكات بعفوية وعنقاتها بحب من بعد بعدات وقالت : لا بت معاكم الحاج ايجري عليا ...

أم سارة جلسات جنبهم وقالت بتساؤل : شفتك دخلتي قبيلا طايرة ليك ابنتي ياك ما كاين باس ؟؟

سارة هبطات عينيها وهي كتفرك فيديها وقالت بنبرة مبينة فيها بلي كتكذب : والو ا ماما غير واحد لكونكور كنت كنوجد ليه من شحال ودابا منين جا الوقت ندوزو لقيت لكار مشى عليا (زعما الكونكور سالا)