🩸أحــبــبــت زوج أخــتــي🩸
بقلم: ✍🏻 YOUSRA ANGEL ✍🏻
#مــاذا__لــو__أحـبـك__سجين__وأصبحت__أنت__حريته🔥🕊️
📿 بارت 24 📿
عند رانيا ...
بدات كتحل عينيها وهي حاسة بذاتها باردة ومنملة عليها من قوة ما بقات ناعسة على ظهرها لداك الوقت كولو ... شافت فالسقف لمدة وهي كسترجع ذكرياتها مع ختها وكاع داكشي لي عاشتووه بجوج ... كانت بالنسبة ليها الأخت المثالية والام الثانية ...
نهار تبغي شيء حد يستر زبايلها والمشاكل لي كانت كدير فالمدرسة كتكون خديجة هي هاد الشخص ... ونهار كتمرض ومكتبغيش تشرب الدوى لي حار ... خديحة هي الشخص لي كيهنيها منو باش تبقى على راحتها .. وفاش كتبغي شيء حد يخرح معاها ويمشي معاها على قد كانتها ... خديجة هي الشخص لي كيدير هادشي كولو لدرجة حياتها ولات غادية بهدف انها تكبر وتخدم وتبين لختها علاش قادة وتعوضها وتعيش معاها داكشي لي مزال ماعاشوهش ... ولكن هادشي كولو تبخر ومابقى منو والو ...
هاد الشخص لي كان واقف قدامها وكيحميها وكان ليها صديق قبل كلشي مشى ومبقاش ليه وجود فالدنيا وهاد الحقيقة هي مقدراتش تقبلها وتعايش معاها فالوقت الحالي ...
هزات يديها بهدوء ومسحات وجهها من دوك الدموع لي كانو كينزلو بدون شعور من بعد تمات نايضة تبقى مع ختها لاخر مرة ولكن لي جاها غريب فالامر هو البلاصة لي نعسات فيها ... ماشي غرفة فالسبيطار كيفما كضن وانما دار ديالمن هي وكيفاش وصلات ليها هادشي لي بدا كيضور فدماغها حاليا ...
وبسرعة خشات رجليها فواحد بانطوفة كانت محطوطة حدا سرير وتمات خارجة كتقلب على شيء حد كتعرفوو ... وكيف خرجات من داك البيت شافت ديك الظلمة من السرجم وعرفات بلي نعسات نص نهار كامل ...
بلعات ريقها لي نشف وزادت نازلة مع دروج للطابق السفلي ... قشعات الصالون لي خاوي والكوزينة وهي ضور راسها فجيهة أخرى وهي تبان ليها واحد الخزانة عامرة بالكتوبة ملاصقة مع الدروج ...
عقدات غوباشتها وهي كتلاحض ادق التفاصيل فديك الخزانة وغير بان ليها واحد الكتاب مايل شوية قربات لعندو باش تقادو ولكن مع حطات يديها عليه ديك الخزانة الكبيرة تفتحات فنص وبان قدامها باب حديدي بحال شباك ... مدات يديها بخوف وحلاتوو بشوية وهي ماعارفة كاع اشنو كدير مهم متبعها حدسها وعقلها الباقي كاع ما كيهمها ...
ومع ديك الفتحة لداك الباب لقات داخلو سانسور ... دخلات ليه وبركات على الزر الوحيد لي تما طبعا من بعد ما سدات الباب الحديدي ورجعات الخزانة لوضعها الاصلي ...
بقى سانسور هابط بيها لثواني معدودة من بعد وقف وتفتحو ابوابوو لعالم ثاني عمرها حلمات تشوفو والغريب فالامر هو سماعها صوت رضيعة كتصدر اصوات طفولية ماتسخاش من سماعهم ... ولا اراديا لقات راسها مبتاسمة ورجليها كيقربو لمصدر الصوت ولكن الشخص لي جا من مورها ونطق بصوتو الخشن خلا جسدها يتنمل عليها وتوقف بلهلا يطريه ليها وخصوصا ديك النبرة باش ردد كلامو
أنت تقرأ
أحببت زوج أختي 🩸مكتملة🩸
Roman d'amour💎مكتملة💎 قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥 بينما فالجانب الاخر مراتو كتكون عايشة معاه مع...
