🩸أحــبــبــت زوج أخــتــي🩸
بقلم: ✍🏻 YOUSRA ANGEL ✍🏻
#مــاذا__لــو__أحـبـك__سجين__وأصبحت__أنت__حريته🔥🕊️
📿 بارت 80 📿
عند عيسى ....
وصل للبلاصة المعلومة لي دايرها فراسو ولي كانت شقة إفنان ... اتسولو علاش مشى ... من بعد التهديد المباشر لي كيتوجه لرانيا ديريكت اول شخص جا فبالو بلي يكون مستهدفها هي إفنان حيث نهار عاود لباها وقال ليه بلي تزوج هي تقرصات حيث ضاعت ليها خطتها فأنها تعمر باها ضدو ... وهادشي مكيعنيش بلي غادي تسستلم وهادشي عيسى كان عارفو ومتأكد منو ...
وقف قدام باب الشقة وهو صاعر وعيونو حمرين بالغضب ... فيديه ديك الرسالة لي فيها التهديد واليد الاخرى كدق بجهد فالباب حتى كيزعزعها ... تسمع صوتها من الداخل وهي متقدمة تحل ....
- l'm coming ... wait
حلات الباب وهي عاقدة غوباشتها من هاد دقان وجسمها الفاتن باين كونها كانت لابسة غير شوميز دونوي توبو حريري بين طايتها بوضوح ....
عيسى بدون ما يشوف فيها دخل فيها بكتفوو وزاد للداخل ...
إفنان دارت إبتسامة عريضة وبدات كتهبط فداك شوميز حتى بان صدرها وتبعاتوو من بعد ما سدات الباب : كون تسحاب ليا اتزورني كنت غادي نوجد ليك شيء حاجة خفيفة ...
مع كملات هضرتها لقاتوو هازها من عنقها بقجة قوية وقبضة قاصحة خلاتها ضهشر وما تعرف شنو دير ... عيسى وهو كيشوف فعينيها بشرارة من الغضب همس بصوت كفحيح الأفعى : كتلعبي بالعافية عندك بالك أنا ناعس على وذني ...
إفنان وهي كتفركل برجليها وحاطة يديها على يدو كتحاول تبعدو باش تلقى منين تنفس ...
عيسى كمل هضرتو بنفس النبرة : ولكن نسيتي راسك معامن كتلعبي ... (وهو ضاغط على سنانو) كنت نقدر نخليك كتلعبي فساحتي وما نديرش فيك يدي على وجه بااك ولكن (طول كلمتوو) مرااااتي خط أحمر ... سمعتي ...
إفنان خسرات ملامحها وهي ماعارفاهش علاش كيدوي أصلا ومع تقطع فيها النفس ولا وجهها حمر بزاف كيف ماطيشة وماقدراتش حتى تحرك لسانها وتقول ليه يطلقها ...
عيسى كيف شافها فديك الحالة وقربات تموت طلق منها بعجرفة لايحها فالارض ... إفنان بسرعة بدات كتنفس بجهد وتكحب حتى كيبغي قلبها يسكت من بعد نطقات بصعوبة ...
... : وا ...ش حم... اقي...تي
عيسى هز سبابتو فوجهها من بعد نطق بحدة : هاد المرة شفتي غير شوية ... لو فكرتي ديري شيء حاجة من بعد غادي ندفنك فبلاصتك ... وحتى واحد ما يسيق ليك الخبار ...
إفنان بدات كتحاول تنوض فاش التاقطات انفاسها ودخلات الاكسيجين الكافي لرئتيها : اشنو هادشي كدير فيه ... راك كنتي اتقتلني ...
أنت تقرأ
أحببت زوج أختي 🩸مكتملة🩸
Romance💎مكتملة💎 قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥 بينما فالجانب الاخر مراتو كتكون عايشة معاه مع...
