أحببت زوج أختي 🩸مكتملة🩸

🩸الجزء 15🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 15📿

خيم ليل وفدار عيسى ...

جالسة فالبيت الفوق وكتجي وتمشي بلاصتها ... عارفاه فاش ايرجع غادي يتحاسب معاها على دوى لي شفراتوو ليه من بيتوو ولايني هي ماعارفاش كاراكطيرو كيف داير وقررات تصوني على ختها طلبها تدوي معاه ... ناسية بلي يمكن خديجة مافخبارهاش بلي راجلها جا عندها ...

هزات تيليفونها كدوز المكالمة وهي كتنقز فبلاصتها بغات غير شيء سبة وكذبة بيضة تقولها ليها باش توسط ليها مع داك لمعقد ديال راجلها ساعة وقع ما لم يكن في الحسبان وجاوباتها الخدامة ...

رانيا غير سمعات شيء صوت غريب وماشي ديال ختها ... بدات تاكد من نمرة واش بصح ديال خديجة ولا غلطات ساعة لقاتها هي نيت داكشي باش رجعات تيليفون لوذنيها وقالت بتساؤل : هادا تيليفون خديجة ... شنو كيدير عندك ... وشكون نتي ؟؟

الخدامة بقات كتسكت فألاء لي كتبكي وكدوي معاها فنفس الوقت : انا الخدامة ديال مدام خديجة ...

رانيا قاطعاتها وهي داوية باسلوب حاد : واشنو كيدير عندك تيليفون ختي ... ألاء هادي لي كتبكي ...

الخدامة وهي مغددة جاوباتها بصوت مرتافع شوية : اه هي ممكن نعرف شكون نتي ؟؟؟

رانيا بدات كتسوط بجهد وسنانها لوبيا على هاد خيتي : انا ختها نتي لي شنو كديري تما وفين هي خديجة ؟؟؟

الخدامة خلات ألاء فالبيت كتبكي وخرجات لبرا لبيت كدوي بميوعة : المدام خديجة راه طاحت سخفانة وداها ميسيو يونس للصبيطار ولحد الان ماعارفين عليها والو ... وانا بقيت فالبيت مقابلة ألاء ...

رانيا غير سمعاتها شنو قالت طيحات تيليفون للارض وهي ماواعياش باشنو كدير ولا اشنوو سمعات وبدون وعي منها هبطات كتجري حفيانة وبملابس الدار وفبالها باغا تمشي غير عند ختها تشوفها ... وفطريقها ما تجي غير مزدوحة فعيسى لي كان يالاه دخل وعاقد غوباشتوو ...

عيسى هز فيها عيونو المغوبشين وهو يلاحض دوك الدموع لي مجموعين ليها فعيونها اللامعة بداك اللون الرهيب ولي مستحيل تشوفو وماتسهاش فيه : علاش كتبكي ...

رانيا بدون شعور شدات ليه فيدو والدموع شاقين طريقهم فوق خدها : ديني من هنا ... بغيت نشوف ختي ... ديني عند ختي ...

عيسى تسحاب ليه غير توحشات خديجة وبغات تشوفها داكشي باش تخطاها وزاد داخل للدار يرتاح وفنفس الوقت ناطق بحدة : ما ناقصنيش فشوشك فهاد ليل دخلي نتفاهموو على داكشي لي درتي ...

ومع ضورة لي ايضور باش يشوف شنو كدير لقى غير الريح وباب دار محلولة على الجهد وغير تفكر الحالة باش خرجات وشنو لابسة سمح فداكشي لي كان ناوي يدير وزاد كيجري تابعها وناوي اليوم يحط معاها النقط على الحروف باش تعرف راسها معامن ...

كتمشى بالحفى فوسط الزنقة ودموعها نازلين على خدودها ... ومع الجو بارد دغيا بدات تقفقف ولكن الالم لي فقلبها ما خلاش مجال لعقلها تفكر فهادشي ... باغا غير تشوف ختها والسلام ...

وقبل ما تزيد خطوة ثانية للقدام تشدات من يديها بكل قوة حتى ضارت مزدوحة فصدرو العريض ولي زاد اكد ليها هوية شكون شادها غير صوتو العصبي ولي باين غير من نبرتوو وعيونو لي كيناظروها بشكل حاد : اش مخرجك فهاد ليل ... واش مريضة فراسك ولا مالك ...

رانيا بغات تنتر منو ولكن شدة ديالو ماخلات ليها فين تزعزع : طلق مني نمشي عند ختي طلق ...

عيسى غمض على عيونو مزير عليهم والنفس طالعة نازلة بعنف كبير : راه غادي نخشيك فشيء حيط لاما جلستي الارض ...

رانيا بدات تدفع فيه باش تفك وفنفس الوقت كدوي بصوت عالي وتغووت : وااااش ختي طاحت كتمووت ونتا حابسني هنا ... طلق مني بغيت نمشي فحالي ... وماسوقكش فيا ...

عيسى زير على فكوو بعصبية أكثر من الاولى ويدو الثانية كيقلب بها على تيليفونو ولي غير شعلو بانوو ليه بزاف ديال ليزابيل من حراس ديالو لي حاطهم فدار ... بلع ريقوو لي نشف ودوز الخط لاول نيم طلعات ليه ويدو الثانية باقا شادة فيد رانيا ...

غير تفتح الخط نطق بصوت الرخيم كيف العادة مردد كلماتوو بحدة : شنو كاين ؟؟

الحارس : موسيو عيسى كنعتاذرو على الازعاج ولكن راه وقعات حاجة خايبة وخاصك ضاروري تعرفها ...

عيسى وعيونو ساهيين لبعيد وخاطرو مزير عليه : نطق شنو كاين ...

الحارس بلع ريقوو بصعوبة وقال بصوت منخفض : مادام خديجة طاحت اليوم بسبب نوبة عصبية وداها موسيو يونس للسبيطار ...

عيسى ماردش البال لديك ميسيو يونس داها للسبيطار   قد ما داها فكلمة طاحت بنوبة عصبية ولي هو فقط عارف معناها ... وخصوصا فاش تعلق الامر بشخص قريب ليه وما دوزش معاه القليل ... راه واخا يكون قوي لدرجة كبيرة ميقدرش يصبر وعقلو ديجا حط ليه فبالو شنو العواقب والنتائج لي كتسناه يحضر ليها ...

وبهدوء قطع الخط مرجع تيليفونو فبلاصتوو وجار معاه رانيا لي مبغاتش تسكت ووجهتهم كانت هي الدار ... وكيف حط رجليه داخلها هز فيها عيونو بواحد النظرة غريبة ومخيفة وقال : جمعي حوايجك غادي نمشيو ...

رانيا مسحات دموعها بزربة وطلعات كتجري دير داكشي لي قال ليها وهنا عرفات بلي عاد عرف شنو وقع بينما هو دوز الخط لموسى وعلمو  بلي وقع ليه بلان وخاصوو يرجع وكيف العادة موسى ايتكلف ليه بالطيارة لي ايمشي فيها وشكون ايتلقى ليه فالمغرب ...

وغير رصى أمورو دخل لبيتوو وهو مرون فدماغوو حيث اخر حاجة كانت تقدر تجي ليه فالبال هي خبر بحال هادا ...ولي خلاه مشطون كثر هي حالة بنتو فهاد اللحظة وكيف اتكون ... حيث بطبيعتوو ما كيأمن عليها حتى شيء شخص اخر من غير أمها وهو فقط ...

ودابا مها منشورة فالسبيطارات وهو بعيد هي معامن اتكون وكيف دايرة حالتها وهي باقة يالاه طفلة صغيرة عاد مؤخرا حلات عينيها فهاد الدنيا ...

#يتب...ع
اين انتم 🤭🏃‍♀️🏃‍♀️