أحببت زوج أختي 🩸مكتملة🩸

🩸الجزء 33🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 33 📿

ما غاديش تكذب على راسها وتقول مكرهاتش راسها وداك الولد لي فكرشها فاش عرفات راها حاملة لدرجة خرجات تحرر روحها وتموت هي وياه حيث صافي الصبر سالا ... ما مشاتش عند واليديها ولا شيء حد اخر وانما مشات لبلاصة موتها فديك الليلة ولكن القدر كان عندو كلام اخر لدرجة سيفط ليها شخص غريب عتقها وعاونها فبزاف ديال الحوايج منهم طلاقها ومنهم قرايتها ومنهم ولادتها حتى للحال لي واصلين دابا وهاد الشخص هو يونس لي متقدرش شيء نهار متفكرش فيه لاما كانش حداها ....

فالاول كانت كتقول يمكن كيعتابري بحال ختوو داكشي لاش كيعاوني وكونات معاه صداقة زوينة معاودة ليه على كاع اش واقع بينما هو كان غير كيسمع وكيقدم فالمساعدات بدون ما يتشكى ... ونهار تسيف عليها فاش شاف اسامة باسها فالاوطيل وشافت داك الوجه الخايب منو تفكرات غير العذاب ديال شحال هادي وبلي حتى هو بحالو ولكن لي ماعارفاهش بلي يونس شخص مكيبغيش شيء حاجة ديالو يقرب ليها  شخص اخر واخا يعرف يدمرها ويغبرها ولا يشوفها فيد شخص ثاني ... وطبعا هادشي ناتج من هوسو بها من اول لقاء حيث فكراتوو فراسوو فواحد الوقت حيث ماشي غير اجي وجرب تنتاحر ... راه تقدر تموت ديك ساعة وماينفعك حتى حاجة درتيها حيث كتبقى قتلتي " روح " ماشي ديالك وانما ديال لي خلقك وهي امانة فرقبتك حتى لليوم لي تخرج من جسدك وترجع لخالقها ❤

شريط حياتها كامل كيدوز قدام عينيها وهي كتشوف فيها كيجر فيها باغي غير يقرب منها وهي كتغووت وتشهق بالبكى ولا بغى يطلق منها ... على برا كان واقف سعد وكيتسنى امتا يبدا فخطتوو طبعا هادي كانت فكرتوو من الاول ... يجيب راجلها الاول ويخليه يبغي يتعدا عليها وهو يجي بحال شيء فارس ويعتقها باش يكبر فعينيها وتبغيه هو وتبعد على يونس ولكن لي ماضربش ليه الحساب هو يونس وعمران لي رجعو وهوما ناشطين ... وقبل ما يتفرش ديمارا خاوي البلاصة وفنفس الوقت كيصوني على اسامة باش يهرب ... ساعة خونا كاع ما مزك للتيليفون بمرة فبالو فديك اللحظة غير ليلى ...

يونس طالع فالدروج شاد لعمران فيديه وكيهضر معاه بحال شيء صاحبوو حيث ولف عليه منين كان صغير لدرجة هو اول واحد هزو فاش تزاد ... كيحسبو بحال ولدو ولا كثر وماباغيهش يتضرر بالتخربيق ديال ناس الكبار ...

وهوما طالعين بداو يسمعوو فغوات ليلى غادي وكيجهاد ... دغيا يونس حبس عمران يبقى فبلاصتوو وهو مشى كيجري يشوف شنو واقع ... مع الدخلة كيتصدم من داك المنظر لي تكرر فدماغوو لمرات عديدة ...كانا  طايحة فالارض وحالتها حالة بالبكى واسامة فوق منها باغي غير فوقاش يتكرفس عليها وربي كبير ما مسوق لحد ...