أحببت زوج أختي 🩸مكتملة🩸

🩸الجزء 78🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 78 📿

يونس هبط يدو الثانية لخصرها وجرها لعندو كثر وكثر بينما يدو الأخرى بقات محطوطة على عنقها ومنساجمين فعالمهم لثواني معدودة حتى حس بيها اتخنق عاد بعد عليها شوية وجبهتوو على جبهتها ...

ليلى حيدات يديها من مورا عنقو ... وهي ما عارفة شنو تقول ... واش تقول ليه بخصوص زواجهم لي بان ليها مستحيل يكون ولا تسكت وتسناه حتى يهضر هو ويقول ليها اشنوو كاين ... وفراسها كتقول بلي يمكن هاد اللقاء يكون الاخير بيناتنا داكشي لاش ما شعراتش حتى رجعات كتبوس فيه بشغف كبير لا يعلى عليه ودماغها كتحاول تمحي منو اي فكرة تقدر تبعدها عليه ... ولكن تفكير يونس كان منحاصر غير عليها هي وكيفاش كتأثر فيه وتلعب على كيانوو وروجولتوو بالو كاع ما مشى نهائيا لموضوع الزواج ...

كيف كملات قبلتها ليه وبعدات ... يونس سحب يديه من على خصرها وبدا كيدوزها على سائر وجهها وقال : علاش كديري فيا هاكا ؟؟

ليلى بدات كترمش بشفارها بعدم فهم عند بالها عرف اشنو كيضور فراسها من بعد قالت بارتباك : ا شنو درت ؟؟

يونس : ديتي ليا شيء حاجة كتخصني ولي ما من حق حتى واحد تكون ملكوو ولكن نتي خديتيها

ليلى بدات دخل وتخرج فالهضرة ... قالت سيد باينة عمراتوو أمو عليا وكذبات عليه بشيء لعبة وباينة من هضرتوو اتكون نيت هي سرقات ليه شيء حاجة غالية و تسبات فيها ... وباش دارك الموقف وتقلب اللعبة على ماليها بدات تغبن وضور فعينيها : والله ايما شفرت ليك شيء لعبة راك عارف انا حوايجك ماعمرني شفتهم ولا حاديثهم ...

يونس شافها غير كتخور وهو يحط صبعوو على شفايفها وقال بحدة : لا راكي شفرتيني وديتي ليا حاجتي

ليلى لا رد ...

يونس دوز دوك الصبيعات على شفايفها بجوج غير بالمهل وهي كتهز معاه فكل لمسة وكمل كلاموو بصوت هادئ : نحسب ليك شحال من حاجة ديتي ليا

باسها جنب فحنكها مطول وقال : عقلي ...

زاد باسها فالجيهة الأخرى وقال : وتفكيري ...

هبط عيونو لشفايفها لمدة قصيرة عاد هز عينو نيشان لعيونها وقال : واخر حاجة لي عزيزة عندي بزاف ديتيها ...

ليلى ما جاوباتووش غير كتشووف فيه وكتقول هادا مالو ...

يونس باسها بوسة سطحية فوق شفايفها عاد بعد ومن بعد قال بهمس : قلبي ...

مع كمل ديك الكلمة نزلات عليه بدقة لكتفوو وهي كتنهج خلعها ديال المعقوول من بعد بدات كدوي بهستيرية وبزربة : كنتي اتسكت ليا القلب ... من صباح ونتا عليا شفرتيني ... شفرتيني ... تسحاب ليا غير لصق فيا شيء باطل وبلي اتخلا عليا ومابقيتيش اتزوج بيا ...