أحببت زوج أختي 🩸مكتملة🩸

🩸الجزء 79🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 79 📿

زادت توغلات فوسط داك الصالون من بعد ما قالت ليهم السلام وكلام ديك السيدة الكبيرة كيتردد فمسامع وذنيها لحد الان ... أم سارة ابتاسمات فوجه ديك المراة وجاوباتها على كلامها وهي كتشوف فسارة : ايوا القرار كيبقى ديالها وديال الولد لا هوما موافقين حنا ما نزيدوهم غير الخير وعاد حنا راه عائلة وحدة نتوما ولاد بلادنا وحنا كذلك ...

السيدة ضحكات بفرحة وقالت : ايوا  يا الحاجة ما نبغي عروستي تكون ليا شيء نصرانية بغيتها مغربية حرة عارفة التقاليد والاصول على حقها وطريقها ... أما بخصوص الولد عندي راه موافق من دابا ما ضربي ليه حسبة ...

أم سارة : ايوا الله يكمل بخير ...
سارة نغزات مها وقالت تحت سنانها : كيفاش الله يكمل بخير ... شكون هادو ولاش سايرين يخطبو فيا ...

السيدة شافت فسارة كدوي مع مها وما فاهمة والو وهي تنادي ليها بحنية : بنيتي سارة اجي جلسي حدايا ...

أم سارة نغزات بنتها ودارت ليها بعينيها باش تمشي ... بينما سارة وكلات أمرها لله وزادت عندها وهي مبتاسمة فوجهها ... وكيف جلسات حداها حسات بيد ديك السيدة كدوزها على شعرها بحنان وبهدوء وفنفس الوقت كدوي معاها ...

السيدة : تبارك الله ما شاء الله نوارة وتفتحات ... باقا زينة كيف كنتي صغيرة ...

سارة اشارت ليها بصبعها لنفسها وقالت بتساؤل : كتعرفيني ا خالتي ...

السيدة ضحكات بخجل وقالت : وعلى شكون ما يعرفكش كنعقل فاش كنت كندخل للمغرب فالصيف كنلقاك كتلعب بالتراب نتي وخووك أدم حتى كتبقى تغووت عليكم الحاجة ...

أم سارة ضربات يديها مع بعضهم وهي كضحك : ويلي يا الحاجة باقا مفكرة دوك الأيام ...

السيدة : وراه أيام مكتنساش ... دابا بنتك كبرات ودارت عقلها موحال تعرفني ...

أم سارة شافت فبنتها وقالت وابتسامة على ثغرها : هادي لالة مينة صديقة قديمة وعزيزة وجيران وحباب من أيامنا فالمغرب ....

سارة شافت فمينة وقالت : متشرفين اخالتي ... غير سمحي ليا راه ماعقلتش عليك ...

مينة طبطات على كتفها وقالت : ياودي يا بنيتي انا وكنسى عساك هاد الجيل ... ايوا قولي ليا اشنو  رأيك ؟؟؟

سارة بإستغراب : فاش ا خالتي ؟؟؟

مينة : هاااكيلي هاكاااوااا على فاش ... على زواجك بولدي ...

سارة ضارت ديريكت شافت فمها باش تعتقها حيث ما تقدرش تهضر وترفض طلب وفنفس الوقت ما تقدرش توافق ...