أحببت زوج أختي 🩸مكتملة🩸

🩸الجزء 77🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 77 📿

وبيديها لي كيترعدو هزات دوك تصاور لي فازكيين بالماء لي تكب عليهم وبقات كتشووف فيهم ... وعقلها ماشي معاها وانما مع الشخص لي ايكون شافهم ودار هاد ردة فعل ... الجاج لي مشتت فوق الطبلة خلاها تزيد تخاف من تصرفو معاها كيف ايكون هاد المرة وخصوصا بالنسبة ليه هو لي ماشي كاي واحد لي اتجيه عادية يشوف شيء ميخي حاط صباعوو على حناك مراتوو ومقرب ليها بوجهو ... واخا هي غفلها بداك التصرررف وبعدات دغيا من هادا لي صور ما بينش ديك اللقطة وعلى إثر هاد الاخيرة دماغها بدا كيفكر فشكون دار ليها هاكا وعلاش ... وبدون ما تزيد تصبر مشات هزات تيليفونها مدوز الخط لعيسى باش تعرف فينوو ...

ونرجعو شوية لوور وبالظبط فاش كانت رانيا لفوق باقا فالحمام وعيسى لتحت كيوجد فديك المفاجاة بخصوص التخرج  .... وهو منغامس فخدمتو صونى شيء حد فالباب ... استغرب من الوضع وخصوصا وانه عمر شيء حد كيجي عندو فهاد الوقت وحتى موسى ما كيجيش الا ولا علمو فالتيليفون ... حط داكشي كولو لي فيديه ومشى يحل الباب ...

مع ديك الحلة بانت ليه دنيا كتصفر ومكاين حد ... عقد غوباشتوو كثر وضور راسو فجنابوو و والو دنيا خاوية ... خسر سيفتوو كيف العادة وجا راجع بأدراجو للداخل مي قبل ما يسد الباب بشكل نهائي عينيه نزلو للأرض وشاف شيء جوا فالأبيض ... نزل للارض وجلس على شكل قرفصاء وهزو بين يديه كيشوف فيه بشك وكيحاول يقلب على شيء سمية لا تكون مكتوبة فيه باش يعرف من عندمن جا مي والو من برا كان خاوي ...

شدو فيدو بإحكام وتم داخل للدار من بعد ما سد الباب من موراه ... تمشى جيهة الطبلة لي مقاد فيها الطباسل والكيسان ديال الماء .... وهز واحد الكاس جغم منو شوية وحطو عاد حل داك الجوا وريقو غير كيبلع فيه حتى نشف ليه الحلق ...

غير بانوو ليه دوك التصاور وشكون فيهم ... خسر سيفتوو كثر وهو كيشوف تصويرة بتصويرة حتى كمل لاخر وحدة لي ما كان فيها والو مي كان مكتوب فيها بالخط العريض ...

" تراااااااجع ... ولا غتموووت "

لاح دوك التصاور لي فيهم رانيا وايريك فوق الطبلة مخلي غير ديك طوف الاخيرة ولي الرسالة فيها كانت واضحة بالنسبة ليه ... ولكن الشخص لي سيفطها مزال ما معروفش ولكن داير فراسو بلي ايعرفوو ... حاليا عندو بزاف ديال الشكوك حول أشخاص كثار مي اليوم حالف حتى يعرف طال زمان ولا قصار ...

وبعصبية هبط على كاس ديال الماء دقة وحدة مخلي فيه شيء جغمة عاد حطو فوق طبلة وهو مزير عليه  بقوة ... وبديك القوة الجاج تهرس ليه بين يديه وديك الجغمة ديال الماء تزلعات ليه على دوك تصاور ...