أحببت زوج أختي 🩸مكتملة🩸

🩸الجزء 59🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 59 📿

عيسى شد ليه يديه وحطها على يد لكروسة : بنتي أمانة عندك علاما نرجع ...

موسى : فين غادي ؟؟

عيسى طبطب على كتافوو وقال : سوارت خليتيهم فلوطو ...

موسى : عندك عشرة ديال دقائق راك عارفني معنديش مع دراري صغار ...

عيسى تبسم ليه وزاد مخليه كيدوي بوحدو وغير عطاه بالظهر ديك الابتسامة اختافات وظهر وجه ثاني ليه بينما سنانو كانو كيتقرقبو بقوة ما كارز عليهم وفمو كيردد سمية وحدة ولي باين نهارها كيف ايدوز وطبعا اتكونو عرفتوو شكون هي ...

طلع فالطونوبيل وهو باين فيه ناوي على شيء حاجة اصلا منين علمو موسى بلي طونوبيل مكايناش ديريكت مشى بالو بلي شيء حد سرقها داكشي باش دخل يشوف لكاميرات واذا به كيتصدم فاش كيشوفها هي بشحمها ولحمها طالعة فيها لا و الواعرة كتسوقها كاع وهي ماعندهاش بيرمي بمرة ...

ومجرد فكرة انها دير بها حاذثة كتخليه يحماق اولا يشدوها البوليس ديك ساعة اتخلص حيث قوانين بلد أجنبي كتكون صارمة شوية وبالخصوص فهاد الفرع تاع قوانين سير بربي لا زهق شيء واحد لا مشى حتى حصل ...

ودقائق معدودة دازت حتى بلاصى قدام مدرستها ومن بعيد بانت ليه طونوبيلتوو سطاسيوناتها فاخر الصف ... هبط من لوطو وهو زادح ديك الباب بجهد وتم غادي باتجاه سيارتوو وكيف وصل طل لداخل ما بان ليه حد عرف بلي هي باقا لداخل وهنا ولاول مرة جبد تيليفونو كيصوني عليها ...

عند رانيا ...

جالسة وسط المحاضرة وحداها ريك لي كل شوية هز فيها العين وينغزها باش يخرجو ... وباش تسكتو كضربوو فرجليه أما سارة كانت جالسة لور وضارباها بنعسة كونها مكتحملش هاد الاستاذ وحصتو المملة ...

الاستاذ كيلقى فالمحاضرة كيف العادة ومرة مرة يضور لعندهم ويسولهم شيء سؤال بخصوص شيء محور عاد يكمل بينما رانيا كانت واحلة غير مع صايتها لي غير كتجلس كتولي قصيرة ... بزربة نسات بلي هاد صاية جمعاتها مع لحوايج لي مبقاتش اتلبسهم مي العقل وما يدير ...

ريك شافها فشكل وهو يقرب لعندها هامس فوذنيها بالانجليزية : مالك مغوبشة هاد نهار ...

رانيا بعدات شوية وشافت فيه بحدة : بديتي عاوتاني ... ربي لاما سكت خليني نتبع مع هاد لخليقة ...

ريك : ياك قلتي ليا فاهمة هاد المسألة ...

رانيا تفكرات عيسى لي شرحها ليها لبارح فليل وقالت : ايوا الله يخلف على لي شرحها ليا ...