أحببت زوج أختي 🩸مكتملة🩸

🩸الجزء 61🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 61 📿

الام طلقات أدم بجهد حتى جا طايح فالأرض وقالت وهي كتنهج تقول كانت فسباق : شد عليا هاد البعلوك ولا اندير فيه شيء مصيبة ...

الاب : واش حماقيتي ... راه حنا ماشي فالمغرب ... دابا جيرانا ايكون عيطو للبوليس يتسحاب ليهم غير تعدى علينا شيء حد ...

الام شافت فادم عاطياه خبطة للراس بيديها : كنقول ليك ديما فاش تاكل العصى سد فمك ...

الاب نوض أدم من الارض وقال : اش دار ثاني ... اش دار ...

الام بعصبية : جالس يقلل عليا الحياء وسط داري مع واحد لمونيكة اش سميتها بابخي ...

أدم وهو كيشوف فباه بشوفات حزينة زعما راني مظلوم : كنت كنلعب فبابجي وهي تسحاب ليها كندوي مع شيء نصرانية ...

الاب دار يديه على رااسو ... صافي هاد العائلة عندو غادي تحمقوو وما يصلاح ليهم غير المغرب يتجاراو فيه كيف بغاو اما بلدان الناس مايقبلووش على هبالهم ...

الام : ومزال زايد فيه اراس العزافة ...

أدم رجع مور باه مخبي وسكت حتى كيقفزو كاملين من دقان وسونيط لي فالباب ... الاب شاف فمراتوو وقال بسخرية : يالاه الفاهمة هبطي عندهم وقولي ليهم علاش سمعو الغوااات ...

فجهة أخرى ...

من بعد ما سالاو الحصة الثانية ... رانيا جرات سارة بدون ما يشوفها ريك وتمو خارجين بزربة وسارة ما فاهمة والو : علاش كنجريو تقول هاربين من شيء حد ...

رانيا وهي كتشوف من موراها : وراه هاربين بصح ...

سارة بتساؤل : علاش؟؟

رانيا : غادي يبغي ريك يمشي معايا ... وانا مبغيتش اللهم نعلق انا وياك ...

سارة : واش طرات شيء حاجة فاش مشيت ندوموندي الغداء ...

رانيا : لهلا يوريك اش طرا ...

سارة مع شدات فيها وبغات توقف شيء طاكسي كلاكصونات عليهم طونوبيل موسى لي كان بقات تما ...

رانيا صغرات عينيها عند بالها عيسى مي غير شافت صاحبوو وهي تزيد جارة معاها سارة : زيدي زيدي نركبوو ...

سارة وهي مخلوعة غير بوحدو : اويلي على زيدي نركبوو ... شكون هاد المسندر ياكما شيء رئيس مافيا بغى يخطفنا ...

رانيا ضرباتها لراسها بخفة وقالت : وزيدي ركبي وهنينا ...

كيف طلعو بجوجهم لور ديمارا موسى محرك وساكت وبدون ما يدوي قالت ليه رانيا عنوان سارة باش يحطها هي الاولى عاد يتحركو للدار وداكشي لي كان داير فراسوو اصلا ... وفطريقهم كاملة كانت جامعة يديها عندها وكتقرا فالقران عند بالها هادا شيء مافيوزي كيتاجر فبنادم ... ورانيا جنبها كتشوف فيها بشوفات ديال الله يهديك ...