أحببت زوج أختي 🩸مكتملة🩸

🩸الجزء 65🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 65 📿

حبيبة شافت فمحمد والفرحة باينة فعينيها وقالت بعدم تصديق : حلف بلي هي ؟؟

عيسى : واش دابا حنا دراري صغار ...

محمد بتساؤل : وهي موافقة اولدي ...

عيسى بهدوء : موافقة ... بقات غير خاصنا نعلمو عائلتها بالموضوع ...

حبيبة : ما ضرب حسبة لهادي اولدي ... ماماك اتكلف ليك بكلشي غير نعس على جنب الراحة ...

عيسى صغر عينيه وقال بحدة : واش متأكدة ؟؟

حبيبة : راك ما زال ماعارفني شنو كنسوى ... هادي راه حبيبة وأجرك على الله ... لا مشيت حتى درت شيء حاجة فراسي ما نمشي حتى نوصل ليها وخير دليل هاني اليوم مزوجة من باك ...

عيسى : هههه اك هاد الموضوع يبقى على حسب ولا لقيتي شيء مشكل صوني ليا ...

حبيبة : مكاين حتى شيء مشكل ... يالاه سلم على رانيا وبوس ليا ألاء حتى ترجعو (قطعات )

محمد : قطعتي على الولد فوجهو ... تسناي حتى يقول ليك بسلامة ...

حبيبة جمعات الوقفة وهي باينة فيها ما قاداها فرحة : خلي عليا هادشي ... يالاه نووض تبعني راه باقي تابعنا شلا حوايج ...

محمد : اشمن حوايج ...

حبيبة قربات تنذب حناكها : كيفاش اشمن حوايج ... راه خاصنا نمشيو نشوفو نسابنا ونرصيو معاهم الامور ...

محمد بعدم تصديق : مالكي على هاد زربة راه يالاه علمنا الولد خلي حتى نرصيو الامور ...

حبيبة قاطعاتوو بزربة : مكاين ما نرصيو هانا نمشي نلبس عليا ... شوية وتبعني ...

فالجهة الأخرى ...

كيف شافها قطعات عليه لاح تيليفون فوق الناموسية وهز بنتو خارج للصالون يجلس تما باش  يعطيها وقت ويلعب معاها كيف الناس ... مع دخل بانت ليه جالسة مجبدة فالارض ومضورة بها شلا وراق وبيسي لي مكيخطاهاش ...

طلعها وهبطها ... لقاها لابسة بيجامة طويلة ساترة لحمها وشعرها جامعاه سفنجة الا بعض الخصلات المتمردة هوما لي بقاو نازلين على عنقها ... جلس مقابل ليها وشد عندو ألاء وعينيه ماشي فالبنت وانما فيها هي ...

كيفاش كتقاد النظاظر ديال شوف لي لابساهم بصباع يديها ... وكيفاش كتهز شيء ورقة وتقراها وتعاود ترجعها لبلاصتها ...وكيفاش طتخطط فالكتاب لي جنبها ... وكيفاش تكتب فالبيسي بكل ثقة ...

لي يشوفها من بعيد يقول سيدة غير مديرة ديال شركة ... وهنا فكراتوو براسو فاش كان ديما ضاغط على راسوو بالقراية حتى ما بقاش كاع عندو مع البشر ... كيبغي غير يعزل راسوو ويتهنى لدرجة بقوة داك الضغط رجع ليه دابا مرض منين كثرو عليه المشاكل والضغوط النفسية ...