Chapter 5
ချမ်းသာသောမိသားစုမှသက်ဆင်းလာပြီး သူ့ကိုသူသက်သေပြရန်အတွက် ကြိုးစားပုန်ကန်နေခဲ့သောမူလကိုယ်နှင့် နှိုင်းယှဉ်ပါက ချီရှင်းချန်မှာ ငယ်ရာမှကြီးလာသူဖြစ်သောကြောင့် တုလန်ရှင်းပြောနေသည့် အရွယ်ရောက်သူများ၏စည်းမျဉ်းများကို သိရှိနေခဲ့သည်။
သို့သော်လည်း ….
" အစ်မရှင်း…"
ချီရှင်းချန် ဒေါသကိုဖိနှိပ်ကာ သူ၏အသံကိုတည်ငြိမ်အောင်ကြိုးစားလိုက်ပြီး " ဆင်းရဲတာက အပြစ်မဟုတ်ဘူး…ပြီးတော့ ကိုယ့်ရဲ့ကျင့်ဝတ်နဲ့ခန္ဓာကိုယ်ကို ရောင်းစားဖို့အကြောင်းပြချက်လည်း မဟုတ်ဘူး… အောင်မြင်ဖို့အတွက် ဒီလိုမျိုးအိပ်ရာပေါ်တက်သွားတဲ့ဖြတ်လမ်းနည်းတစ်ခုပဲရှိတာမှမဟုတ်တာ…"
ဆယ်ကျော်သက်ကလေး၏စကားများကို နားထောင်ပြီးနောက် တုလန်ရှင်း ယမန်နှစ်ပါတီမှထွက်ပြေးသွားသည့်အချိန်၌ သူ့ထံဖုန်းခေါ်ကာပြောခဲ့သည့်ချီရှင်းချန်၏စကားများကို ပြန်လည်သတိရသွားသည်။
ချီရှင်းချန်မှ သူ့ကို " အနံ့ထွက်နေတဲ့ခွေးမ၊ သေနေတဲ့ပြည့်တန်ဆာခေါင်း ၊ ကားတိုက်သေပါစေလို့ဆုတောင်းပါတယ်…" စသည်တို့ဖြင့် ကျိန်းမောင်းခဲ့လေရာ ယခုဖုန်းမှာ တစ်စုံတစ်ယောက်မှ ဉာဏ်ဆင်ထားသည်ဟုပင် သူမအလွန်သံသယဖြစ်မိသွားသည်။
တုလန်ရှင်း နှုတ်ခမ်းကိုကိုက်ကာ လှောင်ပြောင်လိုက်သည် " ဒါဆိုရင် မင်းမှာဘယ်လိုလမ်းကြောင်းတွေများရှိနေတာမလို့လဲ…"
" ဝင်ခွင့်ဖြေဖို့ အစ်မကူညီနေသေးသရွေ့…" ချီရှင်းချန် အပေးအယူလုပ်ဟန်ဆောင်ကာ " ကျွန်တော် ဒီနှစ်ရသစုံရှိုးကရသမျှ လစာတစ်ပြားမှမယူဘဲ အကုန်အစ်မကိုပေးမယ်…ဘယ်လိုလဲ…"
အကုန်ပေးမှာလား…
သူမသာပိုက်ဆံမလိုချင်ဘူးဆိုပါက ၎င်းမှာအလကားဖြစ်သွားပေလိမ့်မည်။ ထို့အပြင် ၎င်းမှာ ချီရှင်းချန်၏အချက်အလက်များကို ထုတ်ဝေသူထံပို့ပေးရန်သာဖြစ်သောကြောင့် တုလန်ရှင်း၏စိတ်မှာ ချက်ချင်းဆိုသလို တက်ကြွလာကာ သူမအလွယ်တကူသဘောတူလိုက်သည်။
YOU ARE READING
အမြောက်စာမိသားစုကို ငါရလိုက်တယ်
Randomပြန်သူမရှိတော့ဘူးဆိုလို့ ယူပြန်လိုက်ပြီ ဟီးဟီး ဖတ်ပေးကြပါဦး
