Chapter 68
ချီရှင်းချန်၏နေရာရှိ ပျော်ရွှင်စရာ အငွေ့အသက်တွေနှင့် ဆန့်ကျင်ဘက်၊ ရှုရှန့်၏အဖေ ရှုချန်လင်းက H City ထိန်းသိမ်းရေးစင်တာရှိ ခုံတန်းလျားမှာ ထိုင်နေသည့် သားဖြစ်သူကို ကြည့်လိုက်၏။ ဒေါသထွက်လွန်း၍ လက်တွေတုန်ပြီး သူ့မျက်နှာက ဝက်အသည်းရောင်ပြောင်းသွားသည်။
"အဲ့တုန်းက မင်းဘာတွေတွေးနေတာလဲ ငါ့ကိုပြောစမ်း...မိန်းမတွေ အများကြီးရှိတယ်...တခြားတစ်ယောက်ယောက်ကိုပဲ ရွေးလို့မရဘူးလား...မင်းသမီးကို ဘာကြောင့် အနိုင်ကျင့်ရတာလဲ"
ရှုရှန့်က သူ၏တံတောင်ဆစ်များကို ဒူးပေါ်တင်ကာ ဆံပင်နက်နက်ထဲသို့ လက်ချောင်းများကို ထိုးဖောက်လိုက်သည်။ သုံးရက်ကြာ ချုပ်နှောင်ခံထားရခြင်းကြောင့် ကိုယ်အလေးချိန် အများအပြား ကျဆင်းသွားပြီး မုတ်ဆိတ်မွှေးငုတ်စိများက မိုးရွာပြီးနောက်ထွက်လာသည့် မျှစ်စို့များကဲ့သို့ပေါက်နေသည်။
သူ့အသံက အတော်လေးကြမ်းရှနေသည်။
"မသိဘူး...အဲဒီနေ့က နည်းနည်းပဲသောက်ခဲ့တာ...ကျုပ် မလုပ်ချင်ဘူး... ဒါပေမဲ့ ထိန်းလို့မရဘူး"
သားဖြစ်သူ၏ ချီတုံချတုံပုံစံကို ကြည့်ပြီး ရှုချန်လင်း သူ့ကို ကန်ပစ်လိုက်သည်။
"ယီးသရမ်းတာကို မထိန်းနိုင်ရင်တောင် မင်းပါးစပ်သရမ်းတာကိုတော့ ထိန်းနိုင်ရမယ်လေ...မင်းဘယ်သူကို စော်ကားခဲ့တာလဲ"
"မသိဘူး...ကျုပ်ဘာမှမသိဘူး"
ရှုရှန့် ကြမ်းပြင်ပေါ်သို့ ကန်ချခံခဲ့ရသည်။ သူ့ဗိုက်ကို တင်းတင်းဆုပ်ထားရင်း မျက်နှာက နာကျင်မှုကြောင့် ရှုံ့မဲ့နေသည်။
"ကျုပ် သူ့ကို မုဒိမ်းကျင့်ဖို့ ကြိုးစားတာက ဘာကြောင့် လိမ်လည်မှု ဖြစ်လာတာလဲ...ဘာကြောင့် ထောင်ဒဏ် ငါးနှစ် ဖြစ်သွားရတာလဲ…"
သူထရန် ရုန်းကန်ရင်း ရှုချန်လင်း၏ခြေထောက်ကို ပွေ့ဖက်လိုက်သည်။
"အဖေ ကယ်ပါဦး... ကျုပ် ထောင်ထဲငါးနှစ်လောက် မနေချင်ဘူး...မနေချင်ဘူး"
မုဒိမ်းမှုကျူးလွန်ရန် ကြိုးပမ်းမှုအား မုဒိမ်းမှုအဖြစ် စီရင်ချက်ချမှတ်ပြီး မုဒိမ်းမှုပြီးမြောက်သည့် ပြစ်ဒဏ်ထက် ပိုမိုပေါ့ပါးသည်။ရှုရှန့်၏ ကိစ္စက မဆိုးရွားပါချေ။ပုံမှန်ဆို ထောင်ဒဏ် တစ်နှစ်ကျော် ချမှတ်ခံရပြီး တစ်နှစ်ခွဲ ဆိုင်းငံ့ခံထားရမှာဖြစ်သည်။ သူ့အဖေ၏ အဆက်အသွယ်တချို့ဖြင့်ဆိုလျှင် သူ ထောင်ထဲသွားနေစရာ မလိုပေ။
YOU ARE READING
အမြောက်စာမိသားစုကို ငါရလိုက်တယ်
Randomပြန်သူမရှိတော့ဘူးဆိုလို့ ယူပြန်လိုက်ပြီ ဟီးဟီး ဖတ်ပေးကြပါဦး
