အမြောက်စာမိသားစုကို ငါရလိုက်တယ်

Chapter 158

Chapter 158

သူတို့ အချိန်အကြာအကြာကြီး အတူရှိနေနိုင်သည်ကို ရှင်းရှင်းလင်းလင်း ခံစားခဲ့ရပေမဲ့ မျက်စိတစ်မှိတ်အတွင်းမှာပဲ အချိန်​တွေကကုန်ဆုံးသွာခဲ့သည်။ ဧပြီလ 13 ရက်နေ့တွင် အန်းရန်က ကတိပြုထားသည့်အတိုင်း ချီရှင်းချန်ကို လာခေါ်သည်။ တစ်ချိန်တည်းမှာပင်၊ပိုင်ရဲ့ကလည်း ဆယ်ရက်ကြာအောင် ဆိုင်းငံ့ထားသည့်အလုပ်ကို ပြန်လည် စတင်ခဲ့သည်။

"နေဝန်းနီနီ" ဇာတ်ကားကို 15 ရက်​နေ့တွင်စတင်ရိုက်ကူးခဲ့ပြီး ရာသီအကူးအပြောင်းကြောင့် 13ရက်​နေ့တွင်ထွက်ခွာရန်ရွေးချယ်ခဲ့သည်။ ချီရှင်းချန် ရာသီအတွက် အဝတ်အစားများထုပ်ပိုးရန် အိမ်ပြန်ခဲ့ရပြီး သူ့မိသားစုနှင့် အချိန်ဖြုန်းခဲ့သည်။ရိုက်ကူးရေးထဲဝင်ပြီးနောက် သုံးလေးလကြာအောင် နေခဲ့လျှင် သူ့မိသားစုက သူ့ကို လွမ်း​နေမှာကို စိုးသလို သူ အိမ်ကိုလွမ်းနေမှာလည်းစိုးသည်။

မီးလောင်မှုပြီးကတည်းက အဖေချီက ကောင်းကောင်းအိပ်မပျော်ပေ။ချီရှင်းချန်က သူ့အိပ်ရန် ခေါင်းအုံးတစ်စုံ မှာလိုက်သည်။ H City ကိုရောက်သည့်အခါ ခေါင်းအုံးတွေယူရန် စတိုးဆိုင်ကိုသွားပြီးနောက် ကုမ္ပဏီဆီကို တန်းတန်းမတ်မတ်သွားခဲ့သည်။

ဥက္ကဋ္ဌရုံးခန်းတံခါးကို တွန်းဖွင့်လိုက်သောအခါ ချီယွမ်ရှောင်နှင့် ချီရှောင်မင်က မျက်နှာချင်းဆိုင် ထိုင်နေကြသည်။ သားအဖနှစ်ယောက် စာရွက်တစ်ရွက်ကိုကြည့်ကာ တစ်စုံတစ်ခုကို ဆွေးနွေးနေပုံရသည်။

"အဖေ...ကော"
ချီရှင်းချန် ဝမ်းသာအားရနှင့်ဆိုလိုက်သည်။
"ကျွန်တော် ပြန်လာပြီ"

သူ့သားငယ်၏ အသံကိုကြားသောအခါ ချီရှောင်မင်က ခေါင်းမော့လာပြီး ချက်ချင်းပြုံးလိုက်သည်။
"ဘာလို့ ကြိုမပြောတာလဲ...ငါတို့ မင်းကို လေဆိပ်မှာ လာကြိုလို့ရတယ်"

"သူ မပြောရဲတာဖြစ်နိုင်တယ်"
ချီယွမ်ရှောင်က ခါးသီးစွာပြောသည်။ "ချန်​နော်ရာက သူ့အလုပ်ပြီးတာကြာပြီလို့ကျွန်တော့်ကိုပြောတယ်... သူ အိမ်မပြန်ဘဲ G Cityကိုသွားပြီး လဝက်လောက် ပိုင်ရဲ့နဲ့ ကမြင်းကြောထနေတာလေ"