Chapter 21
ကျိုးယွီကို ရိုက်ကူးရေးထဲမှ ဖယ်ထုတ်ထားနိုင်ဖို့ သူများစွာညှစ်ထုတ်၍ ကြိုးစားထားခဲ့ရသော်လည်း သူတားဆီးချင်သည့်အရာများမှာ ကျရှုံးနေမြဲဖြစ်ကာ ဖြစ်လာရမည့်အရာများမှာ ဖြစ်လာနေဆဲပင်ဖြစ်သည်။
သူဘယ်လိုပဲလုပ်လုပ် မူရင်းဇာတ်ကြောင်းကို မပြောင်းလဲနိုင်သည်မှာ ဖြစ်နိုင်မလား…
ကျိုးယွီ သူ၏ဘယ်လက်လက်တွင် အနီရောင်ရီမိုဝတံဆိပ်လက်ဆွဲသေတ္တာကိုဆွဲလာပြီး ညာဘက်ပုခုံးတွင် ဂူချီအိတ်ကိုလွယ်ကာ ခေါင်းအစခြေအဆုံးဘယ်လန်စီယာဂါ၏အမျိုးသားဝတ်များကို ဝတ်ဆင်ထားပြီး သူ၏ခြေထောက်တွင် ညစ်ပတ်နေသည့်ရှိုးတစ်ရံဖြင့် လိုက်ဖက်ညီစွာတွဲစပ်ထားခဲ့သည်။
ကျိုးယွီ၏ရုပ်ရည်နှင့်ကိုယ်ဟန်မှာ မဆိုးလှကြောင်း ချီရှင်းချန် ဝန်ခံရပေမည်။ မဟုတ်ပါက ချီယွီကျီးတစ်ယောက် ကျိုးယွီကို ကြွေသွားလိမ့်မည်မဟုတ်ချေ။
ကျိုးယွီ ခြံဝန်းထဲသို့ဝင်လာပြီးနောက် ပြုံးနေသည့်ဒါရိုက်တာကျောက်နှင့် ရိုရိုသေသေလက်ဆွဲနှုတ်ဆက်လိုက်သည်။
ဒါရိုက်တာကျောက်မှ " သူ့နာမည်ကတော့ ကျိုးယွီတဲ့… နော်ရာအင်တာတိန်းမန့်က မော်ဒယ်တစ်ယောက်ပဲ ပိုင်ရဲ့နဲ့ရှင်းရှင်းကတော့ သူ့ကိုသိတယ်မလား…"
" အိုးးး ဟုတ် ဟုတ်တာပေါ့…"
ပိုင်ရဲ့မှာ ပြန်မဖြေခဲ့ပေ။ ချီရှင်းချန်သည်သာ စက်ရုပ်တစ်ရုပ်ကဲ့သို့ ဝတ်ကျေတန်းကျေပြန်ဖြေပေးလိုက်ရသည်။
" တစ်ချိန်တည်းမှာပဲ သူက ချမ်ကျိုးကလာတဲ့သူတစ်ယောက်ဖြစ်နေတယ်လေ…" ဒါရိုက်တာမှဆက်ပြောလိုက်သည် " သူကနိုင်ငံရဲ့ဒီဘက်အပိုင်းနဲ့ပိုရင်းနှီးတာမလို့ ဒီကဓလေ့ထုံးတမ်းတွေကို နားမလည်တဲ့သူရှိရင် သူ့ကိုမေးလို့ရတယ်…"
" ဒါပေါ့ ဒါပေါ့… ကျေးဇူးပြုပြီး ဒီတစ်ပတ်အတွင်း ကြည့်ရှုစောင့်ရှောက်ပေးကြပါဦး…" ကျိုးယွီမှ သံယောင်လိုက်ကာ ပြောလိုက်သည်။
ပရိုဂရမ်၏ပထမအပိုင်းတွင် ပရိသတ်များမှ ဧည့်သည်များကို သေသေချာချာသိသွားချိန်တွင် ဒုတိယအပိုင်းတွင် ထိုဧည့်သည်များကိုထပ်ခါတလဲလဲမြင်နေရခြင်းကြောင့် ကြည့်ရှုသူများမငြီးငွေ့နိုင်စေရန်အတွက် လူသစ်များထည့်ကြစမြဲပင်ဖြစ်သည်။
YOU ARE READING
အမြောက်စာမိသားစုကို ငါရလိုက်တယ်
Randomပြန်သူမရှိတော့ဘူးဆိုလို့ ယူပြန်လိုက်ပြီ ဟီးဟီး ဖတ်ပေးကြပါဦး
