အမြောက်စာမိသားစုကို ငါရလိုက်တယ်

Chapter 121

Chapter 121

မြောက်ဘက်ပိုင်းဒေသတွင် ဆောင်းရာသီအစဖြစ်သည့်အတွက် လေထုမှာခြောက်သွေ့အေးခဲနေကာ အေးစက်စက်လေများမှာ ချီရှင်းချန်၏ကိုယ်ကိုဖြတ်၍ တိုက်ခတ်လာခဲ့သည်။ အောင်အောင်မြင်မြင် ဝိတ်ချနိုင်သွားပြီဖြစ်သော ချီရှင်းချန်မှာ နွေးထွေးစေရန်အတွက် သူ့ကိုယ်သူအနွေးထည်အထူကြီးဖြင့် ထုတ်ပိုးထားရပြီး လိုက်ပို့သောမိသားစုဝင်များကို နောက်ဆုံးအကြိမ်တစ်ခေါက်လှည့်ကြည့်ကာ စစ်ဆေးရေးဂိတ်စီသို့ လျှောက်သွားလိုက်သည်။

သူ ဘတ်ဂျက်ခရီးသွားကြမယ်အစီအစဉ်ရိုက်ကူးစဉ်အခါကလည်း ချီမိသားစုဝင်များမှ ထိုကဲ့သို့လိုက်ပို့ခဲ့ကြသည်။ သို့သော်လည်း ထိုအချိန်တုန်းက ချီရှင်းချန်မှာ ကူးပြောင်းလာပြီးပြီးချင်း ဖြစ်နေသည့်အတွက် မူလကိုယ်၏မိသားစုဟုပင် ခံစားနေရကာ သူ၏မိသားစုဟု မမှတ်ယူထားခဲ့ပေ။

ယခုအချိန်တွင်မူ ကွဲပြားသွားလေပြီ။ တစ်ရက်ပြီးတစ်ရက် အတူရှိနေကြပြီးသည့်နောက်တွင် ချီရှင်းချန် ကြင်နာသနားတတ်ကာ ရိုးသားသောသူ၏မိသားစုဝင်များအပေါ် သံယောဇဉ်တွယ်သွားခဲ့သည်။

ထို့ကြောင့် အိမ်မှထွက်သွားရမည့်အချိန်တွင် ယခင်ကကဲ့သို့ ပြတ်ပြတ်သားသားထွက်မသွားနိုင်တော့ပေ။ ဆိုရိုးရှိသည့်အတိုင်း သင့်တွင်ဒိုင်းကာရှိသွားပြီဆိုသည်နှင့် အားနည်းချက်လည်း အတူပေါ်လာပြီဟူသော အဓိပ္ပါယ်မျိုးပင်ဖြစ်သည်။

သို့သော်လည်း ကံကောင်းစွာဖြင့် ရိုက်ကူးရေးအပြီးတွင် သူပြန်လာနိုင်သေးသည်။ ချီရှင်းချန် မိသားစုဝင်များကို မမြင်ရသည့်နေရာသို့ရောက်သည့်အချိန်၌ သူ့ကိုယ်သူစိတ်ငြိမ်အောင်လုပ်ကာ ပိုင်ရဲ့ထံလုံခြုံကြောင်းစာပို့လိုက်သည်။

ရှင်းရှင်း : [ စစ်ဆေးရေးဂိတ်စီကိုသွားနေပါပြီ…]

ယွဲ့ : [ အင်းး လိုက်ပို့တဲ့ဖန်တွေကော များလား..]

ရှင်းရှင်း : [ ကျွန်တော်က ဗီအိုင်ပီဂိတ်ကသွားတာဆိုတော့ ဖန်တွေတော့ မမြင်မိဘူး… နောက်ပြီး အန်းရန်ကိုလည်း ဖန်ကလပ်တွေကို အသိမပေးခိုင်းထားတာမလို့ သူတို့လိုက်မပို့ကြလောက်ပါဘူး…]