ခေတ်ဟောင်းရောက်foodieတစ်ယောက်၏ရှင်သန်ခြင်း

chapter 136

Chapter 136 [Extra]
ကြေးနီဟော့ပေါ့

နှစ်သစ်ကူးအကြိုနေ့တွင် မိသားစုညစာစားပွဲသည် နှစ်တိုင်းနီးပါးအတူတူဖြစ်သည်။မြို့စားရှဲ့အိမ်တော်လို မိသားစုကြီးမှာ အစားအသောက်က စိတ်လှုပ်ရှားစရာ မရှိပါချေ။နှစ်သစ်ကူးအကြိုည၌ပင် ညစာစားပွဲမှာ စည်းကမ်းရှိရသည်။

သို့ပေမဲ့ ဤနှစ်က မတူပေ။မြို့တော်ကနေ ထွက်ခွာရန် ဆုံးဖြတ်ထားသည့် ကျိုးရှီပဲဖြစ်စေ၊ ဘယ်လိုစိတ်ဖြေလျှော့ရမလဲ မသိသည့်ရှုရှီပဲဖြစ်စေ အားလုံးက အနည်းငယ် ပြောင်းလဲသွားလေပြီ။ ယခင်နှစ်ကနှစ်သစ်အကြိုညစာစားပွဲကို မည်သူမျှ ထပ်မပြောချင်ကြပါချေ။

ကျန်းရှုယောင်က ကိုယ်ဝန်ရှိနေပြီဖြစ်သောကြောင့် ချက်ပြုတ်ခြင်းမပြုနိုင်သေးလေရာ သူမညွှန်ကြားချက်အတိုင်း ရိုးရှင်းသော နှစ်သစ်ကူးညစာစားပွဲများကို ပြင်ဆင်ပေးရန် စားဖိုမှူးအားခိုင်းခဲ့ရသည်။

၎င်းကို တွေးပြီးသည့်အခါ သူမကြေးနီဟော့ပေါ့ အိုး(၃)အိုးလုပ်ခိုင်းလိုက်သည်။

ကြေးနီဟော့ပေါ့သည် ရိုးရာဟော့ပေါ့နှင့်မတူပါချေ။ အရသာက မပြင်းပေ။ သိုးသားပေါင်းဖြစ်ပါစေ၊ ချဉ်ဖတ်နှင့်အဖြူရောင်အသားဖြစ်ပါစေ ​ပေါ့ပါးပြီး အသက်အရွယ်အားလုံးအတွက် သင့်လျော်သည်။

အိုးလုပ်ပြီးသည်နှင့် ပုံတွေကို ယူပြီး အလုပ်ပြီးသည်နှင့် သွားယူလိုက်၏။ကျန်းရှုယောင် မသွားနိုင်ခဲ့သောကြောင့် ကုန်ပစ္စည်းစစ်ဆေးရန် သူ့ကိုသာ အားကိုးနိုင်ခဲ့သည်။ ကံကောင်းစွာနှင့်ပဲ လင်မိသားစု၏ လက်သမားဆရာက အလွန်တော်သည်၊ ဘာအမှားအယွင်းမှ မရှိပါချေ။ မှန်ကန်ကြောင်း သူသေချာသိပြီးနောက် အိုးကိုရှဲ့အိမ်တော်ပြန်ယူခဲ့သည်။ တူညီသောလမ်းပေါ်တွင်လျှောက်နေသော လင်းချန်က မလွှဲဧကန် စပ်စုနေလေသည်။

သူ ဟော့ပေါ့အကြောင်း တွေးနေသည်ကကြာပြီဖြစ်သည်။ သို့ပေမဲ့ သူတို့ နောက်ဆုံးစားခဲ့သည့် ဟော့ပေါ့က အဝဖွင့်အိုးအကြီးကြီးကို သုံးခဲ့သည်။ ဤကြေးနီအိုးသည် ပိုမိုအနုစိတ်ပြီး အလယ်တည့်တည့်တွင် ဒေါင်လိုက်ပြွန်နှင့်၎င်းပတ်လည်မှာ အဝိုင်းတစ်ခုပါရှိကာ အသားပြုတ်သည့်နေရာ ဖြစ်နိုင်သည်။