စင်ဂယ်လ်ခွေးအဆုံးသတ်စနစ် [စင္ဂယ္လ္ေခြးအဆံုးသတ္စနစ္] Mm Translation

(13.2)အိပ်ယာပေါ်ကနေတောင် ထမရပါလား/အိပ္ယာေပၚကေနေတာင္ ထမရပါလား

(Unicode)

Chapter (13.2) အိပ်ယာပေါ်ကနေတောင် ထမရပါလား

နောက်တစ်နေ့မှာတော့ ချင်းလောင်သည် သူ့မျက်လုံးများကို အားနည်းပင်ပန်းစွာပဲ ဖွင့်လိုက်သည်။ ဖွင့်လိုက်သည်နှင့် မြင်လိုက်ရသည်က ယဲ့ချန်၏ ချောမောခန့်ငြားသောမျက်နှာဖြစ်သည်။

"အချိန်ကျခဲ့ပြီကွ.... ပထမဆုံးအနေနဲ့ ငါ့ကိုကူညီပေးသလို ဖြစ်သွခဲ့တဲ့ အတုအယောင်ချန်းကို ကျေးဇူးတင်ရမယ်။ သူ့ကြောင့်ပဲ ငါ့ရဲ့ အထက်ပုဂ္ဂိုလ်ကြီးနဲ့ အိပ်နိုင်သွားတာလေ"

ချင်းလောင်သည် သူ့နှုတ်ခမ်းများကို အသံမြည်အောင် လုပ်လိုက်သည်။

- ရှောင်ယဲ့ရဲ့နည်းလမ်းတွေက သိပ်မကောင်းပေမဲ့လည်း သက်လုံကတော့ ကောင်းချက်ပဲ။ အဲဒါရဲ့ ဆိုဒ်ကလည်း ရှယ်ပဲ။ သူသာကြိုးကြိုးစားစားလေ့ကျင့်မယ်ဆိုရင် သူ့ရဲ့ sex ပိုင်းဆိုင်ရာ ပျော်ရွှင်မှုက အနီးကလေးမှာပဲကွ....

System: "... အရမ်းပျော်နေတယ်ပေါ့။ ငါနာကျင်မှုအကာအကွယ်ကို ဖယ်ပေးမယ်လေ..."

ချင်းလောင် ဘာမှပြန်မပြောရသေးခင်မှာပဲ နာကျင်မှုနှင့် စပ်ဖျင်းဖျင်းဖြစ်မှုတွေက အာရုံကြောတွေအားလုံးဆီ တိုက်စားတိုး၀င်လာသည်။ သူအသက်ပြင်းပြင်းရှူလိုက်သော်လည်း ပို၍သာ နာကျင်လာသည်။

- -ဖာ့ခ်ပဲဟေ့.... အိပ်ယာပေါ်ကနေတောင် ထမရပါလား။

ချင်းလောင်သည် ကြံရာမရဖြစ်ကာ မျက်နှာကြက်မှ ပုံစံကွက်များကိုသာ စူးစိုက်စွာကြည့်ပစ်လိုက်သည်။ သူဟာ ထွက်ပြေးရန် အစီအစဉ်ချထားတာဖြစ်သည်။

သူ့ရဲ့အရင်ဇာတ်ကောင်စရိုက်အရ ယဲ့ချန်နှင့် sex လုပ်မိမှန်း သိရှိသွားပြီးနောက် စိတ်‌ထဲရှုပ်ထွေးကာ ထွက်ပြေးမှာက သေချာသလောက်ပင်။

ချင်းမိသားစုနှင့် ဖန်းမိသားစုတို့၏ ရန်ငြိုးရန်စတွေကြား ပထမဆုံးသူတွေးမိမည့်အရာက ပွင့်ပွင့်လင်းလင်း ၀န်ခံပြီး ယဲ့ချန်နှင့်အတူတူရှိရန်မဟုတ်ဘဲ သူတို့နှစ်ယောက်အတွက် ရှေ့ဆက်ရန်ဆိုတာ မဖြစ်နိုင်လောက်ဘူးဟု ခံစားရခြင်းသာ ဖြစ်ပေလိမ့်မည်။