စင်ဂယ်လ်ခွေးအဆုံးသတ်စနစ် [စင္ဂယ္လ္ေခြးအဆံုးသတ္စနစ္] Mm Translation

(33.1)မင်းချက်သမျှဟင်းပွဲတိုင်း အရသာရှိတယ်/မင္းခ်က္သမွ်ဟင္းပြဲတိုင္း အရသာရွိတယ္

(Unicode)

Chapter (33.1)–မင်းချက်သမျှဟင်းပွဲတိုင်း အရသာရှိတယ်

ယန်ဟန်သည် ချင်းလောင်ကို ကုန်းပေါ်သို့ ပြန်ခေါ်လာသည်။

program team က လူတွေလည်း ထိတ်လန့်တကြားဖြင့် အခြေအနေကို စစ်ဆေးရန် ပြေးလာကြပြီး နှစ်ယောက်လုံးအဆင်ပြေကြောင်း အတည်ပြုပြီးကာမှပင် သက်ပြင်းရှည်ကြီး ချမိကြတော့သည်။

— နောက်ထပ် အံ့အားသင့်စရာ ထိခိုက်မှုဖြစ်လာခဲ့ရင် ဘော့စ်ရဲ့ အခန်းတံခါးရှေ့မှာ သွားပြီးကိုယ့်ဘာသာ သတ်သေရလိမ့်မယ်။

ယန်ဟန်သည် စိုရွှဲနေသော ဘောင်းဘီနှင့် ဖိနပ်ကိုကြည့်ကာ သက်ပြင်းရှိုက်လိုက်ပြီး ချင်းလောင်ကို မပြောဘဲ မနေနိုင်တော့ပေ။

"မင်းက ကံကောင်းမှုစက်ကွင်းထဲကနေ လွတ်နေတဲ့သူဆိုတာ ကိုယ်အခုတော့ ယုံသွားပြီ"

"....."

ချင်းလောင်ရှက်သွားရပြီး စိုရွှဲနေပြီဲဖြစ်သည့် သူ့ဘောင်းဘီကို ငုံ့ကြည့်လိုက်သည်။

သူတို့သည် ငါးဖမ်းထောင်ချောက်ကို ဘေးမှာချလိုက်ပြီး အရင်ဆုံးအ၀တ်အစားလဲဖို့ ခြံ၀င်းဆီ ပြန်လာခဲ့ကြသည်။

ဒီခြံ၀င်းဟာ အရင်တုန်းက ဒေသခံ ရွာသားတစ်ယောက်ရဲ့ အိမ်လို့ပြောခဲ့ပေမဲ့ တည်ဆောက်ထားပုံက တစ်ကယ်တော့ ယာတောအိမ်တစ်လုံးလိုသာဖြစ်သည်။

အခန်းတိုင်း၏ အကျယ်အ၀န်းက ညီတူညီမျှရှိသည်။ ဟုတ်တာပေါ့။ ကျေးလက်ဒေသရဲ့ သဘာ၀အတိုင်း သေးငယ်ပြီး သန့်ရှင်းလတ်ဆတ်စေသော ပုံစံမျိုးဖြစ်သည်။

အ၀တ်တွေလဲပြီးနောက် နှစ်ဦးသား ခြံ၀င်းထဲမှထွက်လာသည်။ နောက်ဆုံးတော့ ရွာသားတွေနှင့် ဆုံမိပြီမို့ ချင်းလောင် သက်ပြင်းချလိုက်သည်။

"မင်းက တစ်ကယ့်ကို ကံကောင်းမှုတွေနဲ့ ပြည့်နေတဲ့သူဆိုတာ ငါလည်း အခုတော့ ယုံသွားပါပြီ။ ဒီတော့ အခု... ငါတို့ ဇာတ်ညွှန်းကို ခလုတ်နှိပ်မိသွားပြီလား။ မင်း NPC ကို အလုပ်တာ၀န်အကြောင်း မေးနိုင်မလား"

ယန်ဟန် မရယ်မောဘဲ မနေနိုင်တော့ပေ။

ချင်းလောင်သည် ခံစားချက်များကို တဖြည်းဖြည်း လွှတ်ချနိုင်လာပုံပေါ်သည်။