كنا بنحاول نوصل لطرف الخيط اللي ممكن يرشدنا أو يعرفنا عن أصل الكارثة اللي حصلت هنا في الأوراق والملفات لحد ما سمعنا صوت صرخة عالية جت من الاوضة اللي ورانا..؟!
مكنتش أعرف أنهم هيظهرولنا بسرعة كده، وجهت كشافي ناحية الغرفة اللي طلع منها الصوت وأنا بأكد على ريم اللي اتنفضت من الخضة أنها متخافش وتخليها معايا حركة بحركة هي وصحبتها.
فتحت باب الاوضة واضح انها أوضة كشوفات عادية، ابتدينا نوجه كشافات النور في كل مكان لكن ملقيناش حاجة موجــ...
-ألحقوني؟؟؟!
الكلمة دي اترددت في الغرفة اللي احنا واقفين فيها وكلنا سمعناها فجأة، أنا وريم وأم مدثر بقينا نبص لبعض نتأكد أن الصوت ده مش مننا إحنا ؟؟
كان في خزانة حديدية مقلوبة على الأرض وسرير الكشف مش واضح من الأتربة والغبار.
كنت حاسس بقوة المكان والروح المتملكة منه، لكن عزيمتي كانت ضعيفة لاني في موقف صعب وخايف على اللي معايا أكتر من نفسي.
ام مدثر شكت أن الصوت ده جاي من الخزانة وقالتلي "خليكوا واقفين على الباب عشان ميتقفلش علينا.. وانا هفتح الخزانة دي لأني شاكة أن الروح بتتكلم تجاه الحاجات اللي عيزانا نشوفها"..
مكنتش قادر امنعها واروح بدالها لأن ريم مربوطة في أيدي بسلسلة ومش حابب اخاطر بيها، ووقفنا احنا نراقب الغرفة لحد ما قربت أم مدثر من الخزانة وحاولت تفتحها بالقوة وتعافر معاها لحد ما وقعت على الأرض والاوكرة اتشدت في أيديها وبردو باب الخزانة مفتحش..؟؟!
سمعنا صوت قوي جاي من صالة الاستقبال برا وكأن في ناس كتير بتتخانق ودوشة غريبة..!
ريم سندت أم مدثر وخرجنا نتسحب نشوف الصوت ده جاي منين؟ لكن الاصوات كانت في الجو كأن في شياطين في الهوا بيتعاركوا سوا.
حسيت إننا بنغامر بروحنا ومفيش فايدة م اللي بيحصل، وطلبت منهم نخرج من المكان ده دلوقتي حالاً.
أم مدثر اعترضت في البداية وحبت تكمل لكن طمنتهم وقولتلهم "خلينا نخرج دلوقتي، وانا هرجع تاني لكن لوحدي.. لأن اللي بيحصل دلوقتي ده بيقول أن في عشيرة جن مش مجرد روح مؤذية واحدة.. ووجودكم معايا حمل وخطر علينا كلنا"
اقنعتهم بصعوبة إننا نخرج وسط أجواء بشعة عارف نهايتها هتكون أي كويس.. وأحنا خارجين وخلاص على السلم سمعنا صوت طفل جاي من جوه بصوت مفزع بيستغيث وبيقول "ماما".
الصوت ده أول ما سمعته أم مدثر صرخت وقالت "ابــنــي"..!؟
مكنتش فاهم أي جاب مدثر جوه المستشفي واحنا سايبينه برا في العربية مع أحمد ؟؟!
حاولت اقنعها أن الصوت ده مفتعل من الشياطين وأنه مش أبنها، وأننا لازم نخرج نتأكد الأول مدثر مع احمد ولا فعلاً مش موجود؟!
أنت تقرأ
الثانية عشر بتوقيت شوكي
Horrorقصص قصيرة رعب بالعامية المصرية، حكاية جديدة كل يوم اتنين و خميس
