ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 12

Part 12.
စာမေးပွဲရလဒ်။

"Ohh god!! ဒီနေ့စာမေးပွဲရလဒ်တွေ ကြေညာတော့မှာပဲအရမ်းစိတ်လှုပ်ရှားနေပြီ"

"စိတ်လှုပ်ရှားမနေနဲ့ ငါထင်တယ် ငါတို့ထပ်ကျခဲ့ရင်တောင်ဘာမှဖြစ်မှာမဟုတ်ဘူး လင်းဖန်က အတန်းရဲ့ အောက်ဆုံးမှာလေငါတို့အောက်ဆုံးတော့ရမှာမဟုတ်ပါဘူး"

"ဟားဟား မင်းပြောတာမှန်တယ်"

"ရှူး...ထပ်မပြောနဲ့တော့ သူလာနေပြီ"

လင်းဖန်စာသင်ခန်းထဲသို့လမ်းလျှောက်လာတာမြင်တော့ ခုနက စိတ်လှုပ်ရှားစွာ ပြောဆိုနေကြတဲ့ မိန်းကလေးအများစုကတိတ်ဆိတ်သွားကြတယ်။

လင်းဖန်ကပြိုင်ပွဲတစ်ခုကနေ ပြန်လာသလိုမျိုး ပါးပြင်မှာချွေးတွေစီးကျနေတယ်။ အရင်တုန်းကတော့ လင်းဖန်ကသူတို့ရဲ့ပုတ်ခတ်စကားတွေကို ဂရုမစိုက်ခဲ့ဘူး။

အဲ့ဒီ့အချိန်တုန်းကလင်းဖန်ကပျော့ညံ့တဲ့သူတစ်ယောက်ဖြစ်နေခဲ့လို့။

သို့သော် အခုတော့သူတို့ လင်းဖန်ကိုအနည်းငယ်ကြောက်သွားကြတယ်။

ဘာလို့လဲဆိုတော့လွန်ခဲ့တဲ့ရက်အနည်းငယ်က လင်းဖန်က သူ့ကိုရန်စတဲ့ကျောင်သားတွေကိုကြောက်လန့်စေခဲ့တယ်လို့ သူတို့ရဲ့ ကျောင်းနေဖက်သူငယ်ချင်းတွေဆီကနေကြားခဲ့ရတယ်။

အဲ့ဒီအချိန်တုန်းတော့က ကြည့်ရှု့သူမရှိပေမဲ့ စောင့်ကြည့်ရေးကင်မရာကပြခဲ့တဲ့ သူ့ခေါင်းကို သူအုတ်ခဲနဲ့ ရိုက်ပြီး မျက်နှာမှာသွေးတွေ ဖုံးနေတာကအရမ်းကိုကြောက်စရာကောင်းခဲ့တယ်။
အဲ့တာက တကယ့်ကိုထိတ်လန့်စရာကောင်းတဲ့အဖြစ်အပျက်တစ်ခုဖြစ်ခဲ့တယ်။

ဒါကြောင့်သိပ်မကြာခင်မှာပဲသူ့အတန်းဖော်တွေက ဒီအကြောင်းကို ကြားလိုက်ရတယ်။
ဒီမတိုင်ခင်တုန်းကသူတို့ထင်တာ လင်းဖန်က ထိုင်းမှိုင်းတယ် တုံးတယ် ပြီးတော့ဆင်းရဲတယ်ပေါ့။

အခုတော့သူတို့ကလင်းဖန်ကိုရူးနေတဲ့လူတစ်ယောက်လို့ ပြောလိမ့်မယ်။
သူတို့အမြင်မှာတော့ကိုယ့်ကိုယ်ကို နာကျင်အောင်လုပ်တဲ့သူဟာ လုံးဝကိုရူးနေတဲ့လူမို့လို့။