ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 62

Part 62.
စစ်ဆေးချက်အဖြေ.

VIPအခန်းထဲတွင် ချုးရှောင်ကိုစစ်ဆေးမည့်သူမှာ ဆေးရုံ၏လက်ထောက်ဒါရိုက်တာဖြစ်ပြီး
ချန်းလို့အမည်ရသည်။

လင်းဖန်အနေဖြင့် ချုးရှောင်အားဆေးစစ်ခန်းထဲကိုပို့ပြီးနောက် ချုးရှောင်၏ထွက်သွားလို့ပြောတာကိုပင် မစောင့်တော့ပဲ ထွက်သွားလိုက်သည်။

"ကောင်းပြီ..ရှောင်.., မစ္စတာရှောင် ကျေးဇူးပြုပြီး,"

ဒါရိုက်တာချန်း၏ပုံစံသည် အရမ်းသတိထားနေပုံပေါ်သည်။ ဖုန်းလက်ခံရရှိချိန်တွင် သူအံ့အားသင့်ခဲ့တယ်ဆိုပါက ချုးရှောင်ကိုတွေ့လိုက်ရသည့်နောက် သူအရမ်းကြောက်ရွံ့သွားသည်။

သူ့မှာရွေးချယ်စရာပေ။မစ္စတာရှောင်သည် သူတို့၏ဆေးရုံ၏အဓိကဌာနများစွာ၏ ရင်းနှီးမြှပ်နှံသူဖြစ်ရုံတင်မက သူတို့နောက်ကွယ်ရှိ တကယ့်ဘောစ့်လည်းဖြစ်သည်။

သူသည် လက်ထောက်ဒါရိုက်တာဖြစ်တယ်ဆို
ပေမယ့် သူ့ဝင်ငွေအနည်းငယ်က သူနှင့် သူ့ချစ်သူ၏အသုံးစရိတ်အတွက် မလုံလောက်ပေ။ချုးရှောင်သည် သူ့ကိုငွေပိုပေးနိုင်သည်။ ထို့ကြောင့် သူအလုပ်လုပ်ဖို့ဆန္ဒရှိသည်။

အဲ့တာထက် သူ့တွင် ချုးရှောင်ကိုထောက်ပံ့ပေးစေလိုတဲ့ ပရောဂျက်အနည်းငယ်ရှိသည်။
သူတို့တွေအားလုံးက သုသေသနနဲ့ပတ်သတ်တာဖြစ်ပြီး စားပွဲပေါ်တင်ပြဖို့အထိတော့ သူမယူဆောင်နိုင်ပေ။ မစ္စတာရှောက်က ပုံမှန်ဆိုလျှင် ဒီလိုနေရာမျိုးတွင်မလာတတ်ပေ။

ထို့ကြောင့် ဒီအချိန်မှာ သူဘာကြောင့်ဒီလိုနေရာကိုရောက်လာသနည်း? ဒါရိုက်တာချန်းက ဒီမေးခွန်းရဲ့အဖြေကိုအရမ်းသိချင်ပေမယ့် မမေးသင့်ဘူးဆိုတာသူသိပါတယ်။

ထို့ကြောင့် အနည်းငယ်တုံ့ဆိုင်းပြီးနောက် ဒါရိုက်တာချန်းသည် ချုးရှောင်ကို ဆေးခန်းထဲသို့ခေါ်သွားသည်။

သွေးယူခြင်း စမ်းသပ်ခြင်းနှင့်တခြားကိစ္စအားလုံးကိုသူကိုယ်တိုင်ကိုင်တွယ်ခဲ့သည်။

.....

တစ်နာရီကြာပြီးနောက်.....

"အဖြေကိုတိုက်ရိုက်ပဲပြောလိုက်ပါ"
ချုးရှောင်သည် ချီတုံချတုံဖြစ်နေသော ဒါရိုက်တာချန်းကိုကြည့်ပြီးအေးစက်စွာပြောလိုက်သည်။