ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 80

တစ်ချိန်က သူကြိုက်ခဲ့ဖူးတဲ့ လော့လိအကြောင်းကို တွေးရင်း လင်းဖန်၏ နှလုံးသားထဲတွင်
မကျေမနပ်ဖြစ်ခြင်းနှင့် မထိမဲ့မြင်ပြုခြင်းတို့သာ ရှိနေတော့သည်။

လော့လိသည် လေးလေးနက်နက်တွေးခေါ်တတ်ပြီး သူ့ပန်းတိုင်ကို ရောက်အောင် မည်သည့်နည်းလမ်းမဆိုအသုံးပြုသည်။

သို့သော် တစ်ချိန်က ဒီလိုလူဆီမှာ ချုးရှောင် အဘယ်ကြောင့် ရှုံးနိမ့်ခဲ့သနည်း။

သူကတုံးလို့ အလိမ်ခံရတာက အဆင်ပြေပါတယ်။ ဒါပေမယ့် ချုးရှောင်ရဲ့ သမိုင်းကြောင်းအရ လော့လိက အတုအယောင်ဆန်နေတယ်ဆိုတာ သူမသိဘူးတဲ့လား!

အမှန်တကယ်မှာတော့ အရင်ဘဝတုန်းက သူတို့ကလက်ထပ်ခဲ့ပြီး တော်တော်လေးအဆင်ပြေတဲ့ အိမ်ထောင်ရေး ဖြစ်ခဲ့တာပဲလေ။

အဲ့တာတွေကြောင့်လည်း လော့လိ၏လှည့်ကွက်တွေကို မြင်ပြီးနောက် လင်းဖန်အရှုပ်ထွေးဆုံး ဖြစ်နေသည့်အရာဖြစ်သည်။

ဒါမှမဟုတ်...ချုးရှောင်က..အဲ့ဒီလူကို တကယ်ချစ်သွားတာလည်း ဖြစ်နိုင်ပါတယ်။ ဒီဖြစ်နိုင်ချေကိုတွေးပြီး....

သေစမ်း!
သူ့ ဘာလို့ ဒေါသထွက်နေသလိုခံစားနေရတာလဲ..

အထူးသဖြင့် သူတို့ကော်ဖီဆိုင်မှာ နောက်ဆုံး အကြိမ်တွေ့တာကို ပြန်တွေးကြည့်လိုက်သောအခါ...

အဲ့ဒီအချိန်တုန်းက ချုးရှောင်နဲ့လော့လိက တော်တော် ရင်းနှီးပုံရတယ်...

ဒါဆို သူထင်တာမမှားနိုင်ဘူးမို့လား ( နင်ထင်တာ မှားနေပြီ )

ဒါကိုတွေးရင်း လင်းဖန်ရုတ်တရပ်သူ့လက်သီးတွေကို ဆုပ်လိုက်ကာ မမျှော်လင့်ထားတဲ့ ဖုန်းခေါ်ဆိုမှုတစ်ခု ကြောင့် သူတော်တော်မပျော်မရွင်ဖြစ်နေတယ်ဆိုတာ ထင်ရှားပါတယ်။

ချုးရှောင်သည် လင်းဖန်မျက်နှာက မပျော်ရွင်ဖြစ်နေတဲ့ အမူအရာကို မမြင်နိုင်သော်လည်း လင်းဖန်၏ တိတ်ဆိတ်မှုကို သတိထားမိသွားသည်။

"ပြသာနာတစ်ခုခုဖြစ်လို့လား?"

ချုးရှောင်၏ လင်းဖန်ကိုယ်ပေါ်က ဖိအားကို ခံစားရသောအခါ မျက်မှောင်ကြုံ ကာမေးလိုက်သည်။ လင်းဖန် အရင်ကလို ဒဏ်ရာတွေနဲ့ပြန်လာတာကို မမြင်ချင်ဘူး။