ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 9

ကာစီနိုယူနီဖောင်းက သူနဲ့သိပ်ပြီး အံ့ဝင်ခွင်ကျမဖြစ်ပေမဲ့
သူ့ရဲ့တည်ငြိမ်တဲ့ အမူအရာကြောင့် သူ့ကိုကြည့်ရတာအရမ်းကြီး ထူးဆန်းမနေတော့ဘူး။

သူ့ကိုကြည့်နေတဲ့ မျက်လုံးတွေကို လျစ်လျူရှု့ရင်းနဲ့ လင်းဖန်က ကာစီနို တံခါးဝဆီသို့တန်းတန်းမတ်မတ်သွားခဲ့တယ်။

သူကထောင့်တစ်နေရာမှာ ထိုင်ပြီးတော့ သူ့လက်ချောင်းတွေကို တစ်ခုနဲ့တစ်ခုချိတ်နေခဲ့တယ်။

သူတစ်ရာထိ ရေတွက်ပြီးတဲ့နောက်မှာတော့ သူ့မျက်လုံးထောင့်ကနေ ဇိမ်ခံကားတစ်စီးရောက်လာတာကိုတွေ့လိုက်တယ်။
နောက်ဆုံးတော့ သူစောင့်နေတဲ့လူ ရောက်လာပြီ။

လင်းဖန်သည် သူ၏နှုတ်ခမ်းများကိုကွေးကာ အပြုံးတစ်ခုနှင့် မတ်တပ်ရပ်လိုက်သည်။

ထိုဇိမ်ခံကားရဲ့ပိုင်ရှင်က ကျူချန်းရှန်။

သူကNမြို့တော်ရဲ့ အကြီးဆုံးသံနှင့် သံမဏိလုပ်ငန်းရဲ့ ဥက္ကဌတစ်ဦးဖြစ်တယ်။
သူက စက်ဆုပ်စရာကောင်းလောက်အောင် မူးယစ်သောက်စားခြင်းတွေနဲ့ လောင်းကစားမှာ အလွန် ဝါသနာပါသူဖြစ်သည်။
သူ့ရဲ့ အကြီးမားဆုံးဝါသနာကတော့ အသက်မပြည့်သေးတဲ့ ကလေးတွေနဲ့ ကစားရတာဖြစ်တယ်။

နောက်နှစ်အနည်းငယ်ကြာပြီးနောက် ,
ကျူချန်းရှန်သည် ကောင်လေးနှစ်ဉီးကို လိင်ပိုင်းဆိုင်ရာစော်ကားခဲ့ပြီး သူ၏ကိုယ်ပိုင်ဗီလာတွင် မတော်တဆ သတ်ခဲ့သည့် သတင်းများထွက်ပေါ်လာသည်။

ထိုမှသာ သူလျှိုဝှက်ထားတဲ့ ဝါသနာကိုလူအများက သိလာခဲ့သည်။

လင်းဖန်က သူ့လျှိုဝှက်ချက်ကိုသိသောကြောင့် ထိုအရာနဲ့ အခွင့်ကောင်းယူဖို့ ဆုံးဖြတ်လိုက်သည်။

ဒါပေမဲ့သူက Masochistတစ်ယောက်မဟုတ်ပါ။ (Masochist - သူတစ်ပါးဒုက္ခရောက်ခြင်းမှ သာယာမှုကိုခံစားသူ) ။

သူဖြစ်ချင်တာက ကာစီနိုထဲကို ဝင်ခွင့်ရဖို့ပါပဲ။

ကားရပ်သွားတဲ့ အချိန်မှာ လင်းဖန်က
ဆွဲဆောင်မှုရှိတဲ့ ပုံစံများဖြင့် ရပ်နေကြသော သူများနှင့် မတူပဲ ကားဆီသို့ တိုက်ရိုက်သွားကာ ကားတံခါးကိုဖွင့်ပေးလိုက်သည်။