ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 84

ကျားသစ်နှင့်စားသောက်နေရင်း နောက်ဆုံးတွင်အသိတရားကြောင့် လမ်းတစ်ဝက်တွင်ထွက်သွားသော်လည်း သူ့အိမ်နှင့်လုဟေးခရိုင်သည် နီးမနေပေ။ လင်းဖန်ပြန်ရောက်ချိန်တွင် ၁၁နာရီထိုးနေပြီဖြစ်သည်။

"မင်းဘယ်သွားနေတာလဲ?"

အခန်းထဲရှိ ဆိုဖာပေါ်တွင်ထိုင်နေသော ချုးရှောင်သည် တံခါးဖွင့်သံကိုကြားပြီးနောက် မေး လိုက်သည်။

ချုးရှောင်၏ အသံကိုကြားသောအခါ လင်းဖန်၏လက်သည် တံခါးပိတ်လိုက်ပြီး ထိုနေရာတွင် အေးခဲသွားသည်။

ဒါ...သူ့ကိုဂရုစိုက်နေတာလား.... ဒါမှမဟုတ်
အပြစ်တင်နေတာလား?

"ငါ သူငယ်ချင်းအချို့နဲ့ ထမင်းသွားစားနေလို့"

လင်းဖန်၏ အဖြေတွင် ချုးရှောင်တိတ်ဆိတ်နေပြီး လင်းဖန်ကလည်း ဘာမှပြန်မပြောတော့ပါ။

တခဏချင်းမှာပဲ သူတို့နှစ်ယောက်ဟာ သွေးအေးတိုက်ပွဲကိုပြန်ရောက်သွားကြသည်။ သို့သော် သူအခန်းထဲသို့ ဝင်လာပြီး ချုးရှောင်အနားက ဖြတ်သွားသောအခါ သူသည် ချုးရှောင်ကို မကြည့်ပဲ မနေနိုင်တော့ပေ။

လင်းဖန်သည် ကော်ဖီစားပွဲပေါ်ရှိ အစားအသောက်ပုံးများကိုမြင်သောအခါ အံ့အားသင့်သွားသည်။

အရင်က သူစားပွဲပေါ်မှာ ပိုက်ဆံချန်ထားခဲ့သည်။ အဲ့တာကြောင့် ချုးရှောင်အစားအသောက်မှာတာနဲံ ပတ်သတ်ပြီး သူမအံ့ဩမိပါ။

သူတကယ်မမျှော်လင့်ထားတာက စားပွဲပေါ်က အစားအသောက်သေတ္တာတွေကို မဖွင့်ထားသလို ပန်းကန်နှစ်လုံး တူနှစ်ချောင်းရှိနေတာပါပဲ။

ဒါဆို..ချုးရှောင်က ညစာစားဖို့သူပြန်လာတာကို စောင့်နေတာလား?

ဤအရာက လင်းဖန်ကိုပျော်ရွင်စေသော်လည်း မကြာမီ ပြင်းထန်သောအပြစ်ရှိမှုတို့ကိုက အစားထိုးဝင်လာသည်။

"အဟမ်..အဲ့တာတွေ..သူတို့ကိုအပူပေးဖို့ ငါမင်းကိုကူညီပေးမယ်"

လင်းဖန်၏ စကားကိုကြားသောအခါ ချုးရှောင် ၏ အုံ့မှိုင်းနေသော မျက်လုံးများသည် နောက်ဆုံးတွင်တောက်ပသွားသည်။