ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 16

Part 16.
စွမ်းဆောင်မှုနဲ့အတူ ပူးပေါင်းဆောင်ရွက်ခြင်း။

အခန်းကဒ်နဲ့ လင်းဖန်က အချိန်မရွေးထွက်သွားလို့ရပြီ။

ဒါပေမဲ့ သူဒီလိုလုပ်မှာမဟုတ်ဘူး။

သူ့ရဲ့အတန်းပိုင်ဆရာလော့လိက ခနနေကျရင် သူ့ကိုလာကယ်လိမ့်မယ်။ ဒါကြောင့် သူက လော့လိရဲ့ သရုပ်ဆောင်မှုမှာ ပူးပေါင်းပေးဖို့ဆုံးဖြတ်လိုက်တယ်။

လော့လိအကြောင်းပြောရမယ်ဆိုရင်.....

အတိအကျပြောတော့
သူ့နာမည်က လန်လော့လိ။

သူကလန်ရန်ရှင်းရဲ့ တရားမဝင်သားတစ်ယောက်ဖြစ်တယ်။
လန်ရန်ရှင်းက N မြို့တော်ရဲ့ တတိယအကြီးဆုံးစီးပွားရေးလုပ်ငန်းရဲ့ ဥက္ကဌဖြစ်တယ်။
လော့လိရဲ့မိခင်ဟာ လန်ရန်ရှင်း၏ဇနီးတစ်ယောက် ဖြစ်ခဲ့ဖူးသည်။

သူကလော့လိကို မွေးပေးခဲ့ပေမဲ့ အဲ့တာက သူ့ကိုအမြင့်ကိုရောက်အောင် မကူညီနိုင်ခဲ့ဘူး.။
နောက်ပိုင်းမှာတော့သူမသေသွားခဲ့တယ်။
သူမကိုယ်သူမ သတ်သေတာလား။ လန်ရန်ရှင်းရဲ့ တရားဝင်ဇနီးက သတ်လိုက်တာလားတော့မသိပေမဲ့ပေါ့။

"ကိုယ်စိုက်တာ ကိုယ်ပြန်ရိတ်ရတယ်"
လို့ပြောကြသလိုပဲ တတိယလူဖြစ်သွားတဲ့ မစ္စတာလန်ရဲ့ ဇနီးက သဘာဝကျစွာပဲ လော့လိရဲ့အမေကိုမုန်းခဲ့တယ်။

သို့သော် သူ့မိခင်သေဆုံးပြီးနောက် လော့လိသည် မစ္စတာလန်တို့တစ်မိသားစုလုံးကိုရန်ငြိုးထားခဲ့တယ်။ အပေါ်ယံတွင် လော့လိသည် သာမာန်ကျပြီး ရည်ရွယ်ချက်မရှိသည့်ကျောင်းဆရာတစ်ဦးဖြစ်သည်။

ဒါပေမဲ့ လော့လိက လန်မျိုးနွယ်တစ်ခုလုံးကို ပစ်မှတ်ထားနေတာဖြစ်တယ်။ သူ့အဖေဆီက အာဏာသိမ်းဖို့ တစ်လျှောက်လုံးကြံစည်ခဲ့တယ်။

ထို့ကြောင့် မြေအောက်ဘုရင် ရှောင်းချူက သူ့ရဲ့လက်တွဲဖော်အဖြစ် ပထမဆုံးရွေးချယ်မှုဖြစ်လာခဲ့တယ်။ လော့လိရဲ့အကြံအစည်က မည်သို့ပင်ဖြစ်ခဲ့ပါစေ အရင်ဘဝတုန်းကတော့ သူအောင်မြင်မှု ရခဲ့တယ်။

သူထောင်ကျခဲ့တုန်းက တီဗီသည် လော့လိအကြောင်းလေ့လာလို့ရတဲ့ တစ်ခုတည်းသောအရာဖြစ်ခဲ့တယ်။