ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 97

"ဘောစ့် အားလုံးအဆင်ပြေသွားပါပြီ"

လင်းထျန်းချန်သည် နောက်ငါးမိနစ်အကြာတွင် ချုးရှောင်ထံ လျှောက်လာ ခဲ့သည်။ ချုးရှောင်၏ လက်အောက်ခံလူများသည် အလွန်အသုံးဝင်သော်လည်း... အရင်က ဌာနခေါင်းဆောင်များ နှင့် လက်ထောက်ဌာနမှုးတွေက အခြားသူများကို ကိုင်တွယ်ဆောင်ရွက်ခဲ့ကြသည်။

ဒီအချိန်မှာတော့ သူတို့ကို ထိရောက်စွာပြန်ကိုင်တွယ်ရတော့မည်ဖြစ်သည်။ အဲ့ဒီလူတွေနဲ့ ပတ်သတ်လို့ကတော့...

"မိုင်းတွင်းကို လက်ထောက်ခေါင်းဆောင် ဆယ့်သုံးယောက်ကို လွှတ်လိုက်ပါပြီ။ ချန်ဖုန်းကလည်း အဲ့ဒီမှာရှိနေပါတယ် ဌာနခေါင်းဆောင်တွေကိုကတော့ သူတို့အားလုံးကိုစစ်ဆေးမေးမြန်းခန်းထဲကိုပို့လိုက်ပါပြီ။ သူတို့ရဲ့ပတ်သတ်နေ တဲ့အရာတွေကိုကတော့ မနက်ဖြန်နေ့လည်မတိုင်ခင်သိရမှာပါ"

"အင်း.."

"သွားရအောင် ဒီနေရာကိုရှင်းလိုက်"

ချုးရှောင်ကပြောပြီး ထွက်ခွာရန်ပြင်လိုက်သည်။

ဒါပေမယ့်...

သူထလိုက်တဲ့အချိန်မှာ သူခန္တာကိုယ်ရဲ့နာကျဉ်မှုက သူ့ကိုမျက်မှောင်ကြုံစေသည်။ ဒီကောင်က မနေ့ညက စိတ်ကြွဆေးတွေစားခဲ့တာလား ဒါမှမဟုတ် တစ်ခုခုစားခဲ့တာလား..
သူ့ကိုဒီလိုတောင်လုပ်နိုင်တယ်ဆိုတော့..

"ကောင်းပါပြီ"

လင်းထျန်းချန်က ချုးရှောင်၏ ထူးခြားမှုကို သတိပြုမိပြီး

"ဘောစ့် နေမကောင်းဘူးလား?"

လင်းထျန်းချန်က စိုးရိမ်စွာဖြင့်မေးလိုက်သည်။

"မဟုတ်ဘူး ငါအဆင်ပြေတယ်"

လက်အောက်ငယ်သားတစ်ယောက်ရဲ့ရှေ့တွင် ထိုအရာကြောင့် နေလို့မကောင်းဘူးလို့ ဝန်ခံဖို့ ဆိုတာ ဘယ်လိုလုပ်ဖြစ်နိုင်မှာလဲ။

ချုးရှောင်၏စကားနှင့်ပတ်သတ်ပြီး လင်းထျန်းချန်သည် ၎င်းကိုငြင်းဆိုခြင်း မပြုဝံ့ပဲ..အထူးသဖြင့်သူသည်ဘောစ့်၏ကြောက်မက်ဖွယ်ကောင်းသောအရှုပ်တော်ပုံတွင်ပါဝင်မိနေမှာစိုးရသည်။ အဲ့တာကြောင့်.. ဘောစ့်ပြောတာအမှန်ပဲ။