ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 68

ဘယ်သူက ဖန်းမင်လဲ?

သေချာတာပေါ့ လင်းဖန်ဘယ်သူလဲဆိုတာ သိတယ်လေ။ ဒါပေမယ့် လင်းဖန်သိချင်သည်က
ချုးရှောင်မျက်လုံးထဲမှာ 'ဖန်းမင်'က ဘယ်လိုမျိုးလဲ?

ချုးရှောင်က သူ့ကို အင်တာနက်မှာကော စီးပွားရေးအသိုင်းအဝိုင်းမှာပါ ဖိနှိပ်ခဲ့တာကို လင်းဖန် နားလည်နိုင်သည်။ သို့သော် ဘယ်အချိန်ကမှန်းမသိ ချုးရှောင်က သူ့ကို မဖိနှိပ်တော့ပေ။

ငွေကြေးရင်းနှီးမြှပ်နှံမှုဆိုင်ရာ ဂိမ်းသည်လည်း ပူးပေါင်းဆောင်ရွက်မှု၏ မရေမတွက်နိုင်အောင် အဓိပ္ပာယ်ရှိ၍ ရှင်းပြရန် မလွယ်ကူပေ။ အဲ့ဒီနေ့က သူချုးရှောင်ကို စောင့်ကြည့်နေတဲ့အချိန်မှာ ချုးရှောင်စားပွဲပေါ်မှာ သူတွေ့ခဲ့တဲ့ဖန်းမင် အကြောင်းတွေကကော ဘာကိုဆိုလိုတာလဲ။

အတိုချုပ်ပြောရရင် ထိုအခိုက်အတန့်တွင် သူက ဒီမေးခွန်းကို အဖြေကိုသိချင်ပေမယ့် တမင်တကာ လျစ်လျူရှု့ခဲ့သည်။

တကယ်တော့ ယောင်ဝါးဝါးအဖြေတစ်ခုရှိပေမယ့် သူ့ရဲ့အခြေအမြစ်မရှိတဲ့ နှိုင်းယှဉ်ရင် လင်းဖန်သည် ချုးရှောင်ကိုယ်တိုင်ပြောတာကို ပိုကြားချင်ခဲ့တယ်။ တစ်ဖက်တွင် ချုးရှောင်သည် ထိုစာလုံးနှစ်လုံးကို လင်းဖန်ထံမှ ကြားလိုက်ရသောအခါ အလွန်အံ့အားသင့်သွားသည်။

"ဖန်းမင်?"
ချုးရှောင်၏ လေသံသည် ရပ်တန့်သွားသော်လည်း နောက်စက္ကန့်တွင် သူ့မျက်နှာပေါ်တွင် အဆင်မပြေသည့် အမူအရာတစ်ခုပေါ်လာခဲ့သည်။ သေချာတာကတော့ သူတစ်ခုခုကို သတိရသွားသလိုပဲ......

ဆေးအာနိသင်ခံနေရတာတုန်းက တစ်ခုခုကို ပြောလိုက်သလိုပဲ.....

လင်းဖန်သိချင်နေတာ အံ့ဩစရာမဟုတ်တော့ပါဘူး။သူက တစ်စုံတစ်ယောက်ရဲ့ နာမည်ကို ခေါ်မိတာပဲ။ သူမသိဘူးလို့ ပြောရင် ယုံမှာမဟုတ်ပေ။

ထို့သို့တွေးပြီး ချုးရှောင်မျက်မှောင်ကြုံလိုက်သည်။ ချုးရှောင်က ထူးဆန်းတဲ့အမူအရာနဲ့ မျက်မှောင်ကြုံပြီး စကားတစ်ခွန်းမှ မပြောသော်လည်း လင်းဖန်က အရှုံးမပေးပဲ ဆက်မေးလိုက်သည်။