ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ်

Part 113

နောက်တစ်နေ့တွင် လင်းဖန်သည် တံခါးကိုပြောင်းရန်တစ်စုံတစ်ယောက်ကိုခေါ်ခဲ့သည်။

ဘာလို့မပြင်ပဲပြောင်း တာလဲ?

ချုးရှောင်ကအရမ်းချမ်းသာလွန်းလို့မဟုတ်ပဲ အရင်တံခါးသည်ချုးရှောင်ကျေးဇူးကြောင့်ပျက်စီးသွား သောအဆင့်သို့ရောက်သွားပြီဖြစ်သည်။ လဲ့လဲ့အတွက်ကတော့..

လင်းဖန်သည် သူ့ကိုသူငယ်တန်းကျောင်းမှာ ပစ်ထားဖို့စိတ်ကူးထားခဲ့သည်။ ဒါပေမယ့် ချစ်စရာကလေးလေးရဲ့မျက်လုံးမှာမျက်လုံးမှာ မျက်ရည်တွေပြည့်ပြီး ခွင့်တောင်းနေတဲ့အောက်မှာတော့ လင်းဖန်ကဘယ်လိုမှမနေပေမယ့် ချုးရှောင်ကတော့ပထမဆုံးအကြိမ် ပါးစပ် ဖွင့်ခဲ့သည်။

ထို့ကြောင့် လဲ့လဲ့ကဆက်နေခွင့်ရသွားခဲ့သည်။ လဲ့လဲ့ကသူ့ရဲ့အကိုချုးက သူ့ကိုဘာလို့စိတ်အနှောက် အယှက်ဖြစ်နေလည်းဆိုတာမသိပေမယ့် သူ့ရဲ့ကောင်းမွန်နေတဲ့စိတ်အခြေအနေကိုတော့ မထိခိုက်ပါဘူး။

ဒီတစ်ပတ်မှာတော့ လဲ့လဲ့အရမ်းပျော်နေသလို ခံစားရတယ်။ သူကစားကွင်းကိုလည်းမသွားသလို အရသာရှိတဲ့ အစားအစာတွေကိုလည်းမစားရပေမယ့် အိမ်မှာနေပြီး ကာတွန်းကားကြည့်တဲ့အချိန်မှာ သူ့အကိုလင်းနဲ့အကိုချုပါ ရှိနေတဲ့အတွက် သူအရမ်းပျော်နေတယ်လို့ခံစားရတယ်။

အင်း..အကိုလင်းနဲ့အကိုချုက သူမကြားအောင်တိတ် တိတ်လေးပြောနေကြပေမယ့်.အဆင်ပြေပါတယ်။ လွန်ခဲ့တဲ့နှစ်ပတ်ကအကိုချုမရှိတော့တာကြောင့် သူအရမ်း ပျင်းနေသလိုခံစားရပေမယ့် အခုအကိုချုပြန်ရောက်လာတော့ အရင်ကလိုပြန်ခံစားရသည်။

သို့သော် လဲ့လဲ့က အရမ်းပျော်ရွင်နေပေမယ့် လင်းဖန်ကတော့မပျော်နိုင်ပေ။ တံခါးပြောင်းပြီးနောက် လဲ့လဲ့ကိုဆိုဖာပေါ်ပြန်ပြီး နေရာချခဲ့ပေမယ့် ချုးရှောင်၏ခုခံမှုကြောင့် သူတို့နှစ်ယောက်အိပ်ရုံသာအိပ်ခဲ့ရသည်။

သေချာတာပေါ့ အဲ့ဒီအချိန် မှာတစ်ယောက်ယောက်က ထိန်းသိမ်းနေခဲ့သည်။ တကယ်တော့ ချုးရှောင်လည်း ထိုသို့ဆန္ဒမရှိပေမယ့် သူတို့ နှစ်ယောက်အရှုပ်အထွေးတွေကနေ အပြန်အလှန်ဖြေရှင်းပြီး သေချာတဲ့ဆက်ဆံရေးတစ်ခုကိုရောက်သွားတဲ့ အချိန်မှာတော့ ထိုနေ့မှလွဲ၍ လင်းဖန်နဲ့မျက်နှာချင်းဆိုင်နေရတာက သဘာဝမကျသလိုခံစားရသည်။