ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 15

လင်းဖန်က ၁၀နာရီမှာ Sleepless Night လို့ခေါ်တဲ့ဘားတစ်ခုကိုရောက်လာခဲ့တယ်။

ဘားပုံစံက အလွန်ရိုးရှင်းတယ်။
ချုးရှောင်နှင့်သူ့လူတွေက မကြာခင် ထိုနေရာတွင် တွေ့ဆုံမယ်ဆိုတာ လူအနည်းငယ်သာသိသည်။

ချူးရှောင်မကြာခဏသွားတတ်တဲ့နေရာတွေကို ရှာဖွေနိုင်တယ်ဆိုတာ အံ့ဩစရာပါပဲ။
ဒါပေမဲ့အဲ့တာက လော့လိ , လင်းဖန်မဟုတ်ဘူး။

"ဒီမှာလော့လိပေးခိုင်းလိုက်တဲ့ဆေး "
လင်းဖန်က အရပ်ရှည် နှဖူးပြောင်ပြီးသန်မာပုံပေါ်တဲ့အမျိုးသားအား ဆေးပုလင်းကိုပေးလိုက်သည်။

ထို့နောက်သူထွက်သွားဟန်ပြင်လိုက်သည်။

ထိုလူက စီးကရက်တစ်လိပ်ကို ထုတ်လိုက်ပြီးခက်ထန်တဲ့အမူအရာဖြင့်

"ဟေ့ ကောင်လေး ,ထွက်သွားဖို့အတွက်မင်းငါ့ဆီက ခွင့်ပြုချက်တောင်းမှရမယ်"

လင်းဖန်သည် အရင်ဘဝကထိုလူ၏ကြမ်းတမ်းတဲ့အသွင်အပြင်ကြောင့် ကြောက်လန့်ခဲ့ရတာကို ဝန်ခံပါတယ်။ ဒါပေမဲ့ထောင်ထဲမှာ လူမျိုးစုံနဲ့ တွေ့ပြီးနောက်မှာတော့ထိုလူကိုသူမကြောက်တော့ဘူး။

လင်းဖန်ကမျက်ခုံးတစ်ချက်ပင့်လိုက်ပြီး

"ဘာဖြစ်လို့လဲ...မင်းကငါ့နဲ့အတူသောက်ချင်လို့လား"

" fuck! မင်းကငါ့ကိုဒီလိုပြောရဲတယ်ပေါ့ ငါမင်းကိုသုံးနာရီလောက်စောင့်လိုက်ရတယ်။အခုပဲငါမင်းကိုရိုက်သတ်ပစ်မယ်"

ထိုစကားနှင့်အတူ ထိုလူက လင်းဖန်ဆီသို့လက်သီးဖြင့်ထိုးချလိုက်သည်။ သူ့အရင်ဘဝက အတွေ့အကြုံအရဆိုရင် ထိုသို့ထိုးချက်မျိုးကိုရှောင်တိမ်းရန်ခေါင်းကိုလက်ဖြင့်အုပ်ထားပြီးမြေကြီးထဲတွင် ဝပ်နေလောက်သည်။

ဒါပေမဲ့ယခုလင်းဖန်ကတော့ ထိုသို့လုပ်မည်မဟုတ်တော့ပါ။

ထိုလူ၏ထိုးချက်ကိုကာကွယ်ရန်တုံ့ဆိုင်းမနေပဲ လက်ကိုမြှောက်လိုက်သည်။

အသံတစ်ချက်မြည်သွားပြီးသူ့၏နာကျင်မှုကြောင့် အော်ဟစ်လိုက်သည်။ ထိုးချက်ကြောင့်ဟန်ချက်ပျက်သွားကာသူ့၏လက်များထုံကျင်သွားသည်။ ကံကောင်းစွာနဲ့သူ့ကိုယ်သူတော့ကာကွယ်နိုင်ခဲ့တယ်။