ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 37

Part 37.
မင်းရဲ့ပြိုင်ဘက်။

လဲ့ဝူသည်  လက်ကြောမတင်းပဲ တည်မြဲတဲ့အလုပ်မရှိခဲ့ဘူးဆိုပေမဲ့ ကျားသစ်နဲ့ချုပ်ဆိုခဲ့ သဘောတူစာချုပ်က သူဟာဉပဒေကိုလိုက်နာတဲ့ နိုင်ငံသားကောင်းတစ်ယောက်ဆိုတာ သက်သေပြနေတယ်။

လဲ့ဝူထိုသူတွေကိုသတ်ရတာက ထိုလူအုပ်က သူ့မိန်းမကို အနိုင်ကျင့်ခဲ့သောကြောင့်ဖြစ်သည်။

ထိုသူတို့သည် မကောင်းတဲ့ကောင်တွေဖြစ်ကြပြီး လုယက်မှုနှင့် လူသတ်မှုများစွာကို ကျူးလွန်ခဲ့ကြသူများဖြစ်သည်။

မကြာခင်မှာပဲ တရားရုံးက လဲ့ဝူကို လူသတ်မှုဖြင့် တရားစွဲဆိုချက်ကို ပြန်လည်ရုပ်သိမ်းခဲ့ပြီး အလွန်အကျူးခုခံမှုနှင့် မတော်တဆလူသတ်မှုအဖြစ် အပြစ်ပေါ့လျော့ခဲ့သည်။

အပတ်တိုင်းလဲ့ဝူသည် မျိုးချစ်စိတ်ဆိုင်ရာပညာရပ်ကို ခံယူပြီး မီးပွိုင့်တွင် စေတနာ့ဝန်ထမ်းအဖြစ်အချိန်ကြာမြင့်စွာအလုပ်လုပ်ပေးခဲ့ရာ နောက်ဆုံးတွင် ထောင်မှထွက်လာနိုင်ခဲ့သည်။

"ဟားဟား ခြောက်နှစ်ကြာပြီး နောက်ဆုံးတော့ ဒီနေရာကနေထွက်လာနိုင်ပြီ။အပြင်လေက တော်တော်လတ်ဆက်တာပဲ။"

လဲ့ဝူထောင်ထဲက ထွက်လာပြီးနောက် ပထမဆုံးပြောတဲ့စကားမှာ အရင်ဘဝက ပြောခဲ့တဲ့စကားအတိုင်းသာဖြစ်သည်။

ကွာခြားချက်မှာ လဲ့ဝူသည် ထောင်မှ ဆယ်နှစ်စောပြီးထွက်လာနိုင်ခဲ့သလို လင်းဖန်သည်လည်း အသက်အန္တရာယ် ခြိမ်းခြောက်ခံရခြင်းမျိုးလည်းမရှိသေးပေ။

"လင်းဖန်"

လဲ့ဝူသည် လင်းဖန်ကို ရုတ်တရပ် အလေးအနက်ထားကြည့်လာပြီး

"မင်းငါ့ကို ဘာလို့ကူညီပေးလည်းဆိုတာ မသိပေမဲ့ မင်းငါ့ကို ထောင်ထဲကနေ ထုတ်ခဲ့ပေးတဲ့အတွက် မင်းကိုငါ အတက်နိုင်ဆုံးကူညီပေးမှာပါ။
ငါက ယဉ်ကျေးတဲ့လူတော့မဟုတ်ပေမဲ့
ငါတို့ကိုကူညီပေးတဲ့လူကို ငါတို့က ကျေးဇူးပြန်ဆပ်ရမယ်ဆိုတာကို ငါသိပါတယ်။
အခုကစပြီး ငါက မင်းရဲ့ သစ္စာရှိတဲ့နောက်လိုက်တစ်ယောက်ဖြစ်သွားပြီ။ငါမင်းလုပ်ခိုင်းသမျှကို ငြင်းဆန်မှာမဟုတ်ဘူး။ ငါသေရမယ်ဆိုရင်တောင်ကို မင်းကိုသစ္စာဖောက်မှာမဟုတ်ဘူး"