ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 93

"ငါအရင်က မင်းအတွက် အလုပ်နည်းနည်းပဲပေးခဲ့တာလား"

လင်းဖန်က မည်းမှောင်နေသောမျက်နှာဖြင့် မေးလိုက်သည်။

ဒီလိုမှမဟုတ်ရင် လဲ့ဝူလို ကြမ်းတမ်းတဲ့လူက သူ့ကိုယ်ရေးကိုယ်တာကိစ္စတွေမှာ ပါဝင်ဖို့ ဘယ် လိုစိတ်ကူးရှိနေမှာလဲ..

သူပြောချင်ရင်တောင် အခြားအချိန်ကိုရွေးသင့်တယ်။

လင်းဖန်၏ စကားကိုကြားသော အခါ လဲ့ဝူမှာစိုးရိမ်လာသည်။ ဖုန်းဖြင့်ပင် ဘောစ့်၏အသံထဲက လူသတ်ချင်တဲ့အရိပ်အယောင်တွေ ခံစားနေရ တယ်။

မသိစိတ်ဖြင့် သူနောက်လှည့်ကြည့်လိုက်သည်။ ပြတင်းပေါက်တွေ အကုန်ပိတ်ထားပါတယ်..
ငါ့နောက်ကျောက ဘာဖြစ်လို့အေးစက်လာတာလဲ...

"မဟုတ်ဘူး မဟုတ်ဘူး..လုံးဝမဟုတ်ပါဘူး ဘောစ့်ငါ့အတွက် အများကြီး စီစဉ်ပေးထားပါတယ်။ ကျွန်တော့်ရဲ့နေ့စဉ်ဘဝက စားချိန်နဲ့အိပ်ချိန်ကလွဲရင် အလုပ်ကိစ္စတွေအမျိုးမျိုး ကိုကိုင်တွယ်ဖြေရှင်းနေရပါတယ်..ကျွန်တော်ဗိုက်ဆာတဲ့အချိန်တောင်တိုသွားပါတယ်"

လဲ့ဝူက ဒီလိုပြောတဲ့အခါ သူ့လက်သူံးချောင်းက မျက်နှာကျက်နဲ့ထိလုနီးပါးပါပဲ။

"တော်တော့"

"အိုး..ကောင်းပါပြီ"

ကောင်းကင်နဲ့မြေကြီးကို တိုင်တည်ပြီး သူပြောတဲ့စကားက ပုလဲထက်တောင်စစ်မှန်သေးတယ်။

ဤကာလအတွင်းလုဟေးခရိုင်သည် သူတို့အားတိုက်ခိုက်ခဲ့သော အခြားဂိုဏ်းများနှင့် ပေါင်းစည်းခဲ့သည်။

အရင်တုန်းကတော့ အဲ့ဒီဂိုဏ်းတွေက မကြာခန ပြသာနာလာရှာကြတာက သူတို့အတွက်အဆင်ပြေသေးတယ်။

ဒါပေမယ့် သူတို့ဂိုဏ်းကြီးထွားလာမှု ကြောင့် အခုဆိုအဲ့ဒီဂိုဏ်းတွေက မကြုံစဖူးမဟာမိတ်ဖွဲ့လာကြသည်။ ထို့ကြောင့် ချင်းဂိုဏ်း၏ ဒုတိယကွပ်ကဲသူ ဖြစ်ပြီး ဘောစ့်၏ နံပါတ်တစ်လက်ရုံးဖြစ်သည့်အတွက် သူတကယ်အလုပ်များနေသည်။

ဒါပေမယ့် ဘောစ့်ရဲ့ အိမ်ထောင်ရေးထက် ဘာကပိုအရေးကြီးမှာလဲ..