ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 47

Part 47.
ဖန်းမင်ကိုရှာခြင်း။

ချုးရှောင်သည် သူ့ကို စောင့်ကြည့်ကင်မရာများပေးရန်အတွက် ကျောင်းအုပ်ကို ဖိအားပေးဖို့ရည်ရွယ်ထားသည်။
ဒါပေမဲ့ ကျောင်းအုပ်ကို မရှာတွေ့ခင်မှာပဲ
လော့လိနဲ့တွေ့လိုက်ရသည်။

ချုးရှောင်ကိုမြင်သောအခါ လော့လိရဲ့မျက်လုံးများတောက်ပသွားသော်လည်း မကြာမီ ပုံမှန်အတိုင်းပြန်ဖြစ်သွားသည်။

သူကမျက်မှောင်ကြုံလိုက်ပြီး
"မစ္စတာချုး ဘာလို့ဒီကိုရောက်နေတာလဲ? စာချုပ်မှာတစ်ခုခုအဆင်မပြေတာရှိလို့လား?"

"မဟုတ်ဘူး ငါဒီမှာတခြားလုပ်စရာလေးရှိလို့"

"အို"
လော့လိသည်တောင့်တင်းသွားသော်လည်း သူ့ထုံးစံအတိုင်း ပြုံးပြလိုက်သည်။

"မင်းဒီကိုလာရတဲ့ ရည်ရွယ်ချက်က ဘာလဲဆိုတာ ငါ့ကိုပြောပြလို့ရမလား မစ္စတာချုး ငါက ဒီကဆရာတစ်ယောက်ဆိုတော့ ငါမင်းကိုကူညီနိုင်ရင်လည်းကူညီနိုင်မှာပါ"

လော့လိသည် သူများကို ကိုယ်ချင်းစာပြီးကူညီချင်တဲ့ပုံစံကို ထိန်းသိမ်းထားတယ်။ သူက လူတွေရဲ့ ယုံကြည်မှုကို ဘယ်လိုရယူရမလဲဆိုတာသိပြီး သူအကြံပြုချက်ကို လက်ခံအောင်ဆွဲဆောင်နိုင်သည်။

"ကားပေါ်တက်"

...........

"မင်း ဖန်းမင်ကိုရှာနေတာလားမစ္စတာချု"

"မင်းသူ့ကိုသိလား"
ချူးရှောင်က သူ့ရဲ့ ခေါင်းကို အနည်းငယ်မော့လိုက်ပြီးသူ့ရဲ့မျက်လုံးတွေက စိတ်လှုပ်ရှားမှုတွေ ထင်ဟပ်နေတယ်။

လော့လိက မျက်မှောင်ကြုံလိုက်ပြီး "အာ...ကျွန်တော်သေချာတော့မသိဘူး....."

သူကဖန်းမင်းဘယ်သူလဲဆိုတာ မသိပါဘူး။ ဒါပေမဲ့သူ ဒီနာမည်ကို ချုးရှောင်ရဲ့လက်အောက်ငယ်သားတွေဆီမှကြားခဲ့သည်။
လော့လိက ချုးရှောင်ရဲ့စိတ်ကိုရယူဖို့ကြိုးစား‌ နေတာကြောင့် သူ့ကိုအနီးကပ်စောင့်ကြည့်ခဲ့တယ်။

ချုးရှောင်သည် မကြာမီက ဖန်းမင်လို့အမည်ရတဲ့လူတစ်ယောက်ကိုရှာဖွေနေကြောင်းသိခဲ့သည်။
ဖန်းမင်ဘယ်သူလဲဆိုတာသူမသိပေမဲ့ ချုးရှောင်အတွက် ဖန်းမင်က အရေးကြီးတဲ့လူဆိုတာ နည်းနည်းသတိထားမိလိုက်သည်။