ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 48

Part 48.
လက်တုံ့ပြန်ခြင်း။

လင်းဖန် မတ်တပ်ရပ်နေသည့်ထောင့်နေရာတွင် လော့လိနှင့် ချုးရှောင်တို့သည်ငယ်ရွယ်သူများဖြစ်ကြပြီးတစ်ယောက်ကိုတစ်ယောက်နမ်းနေကြသည်။

သူတို့နှစ်ယောက်လိုက်ဖက်ပါတယ်။သူတို့
တွဲရပ်နေသည့်ပုံကိုက ကြည်နူးစရာကောင်းနေခဲ့တယ်..

လင်းဖန်သည် လက်သီးများဆုပ်လိုက်ပြီး
သူ့နှုတ်ခမ်းတွေက အေးစက်စွာပြုံးလာသည်။

ထို့နောက် မဆိုင်းမတွ လှည့်ထွက်သွားလိုက်သည်။

အရာအားလုံးက အရင်အတိုင်းပဲ ဘာမှမပြောင်းလဲဘူး။ သူအချိန်မဖြုန်းသင့်တော့ဘူး ဘာအဖြစ်မှမရှိတဲ့ကောင်လို မရှင်သန်ချင်တော့ဘူးဆိုရင် သူရဲ့အရှိန်ကိုမြင့်မှရတော့မယ်။

.........

"YO! လင်းဖန် မင်းပါ့လား ငါတို့ကျောင်းမှာ အရမ်းနာမည်ကြီးနေတယ်ကြားတယ်ဟုတ်လား"

လင်းဖန်စာသင်ခန်းထဲသို့သွားရာလမ်းတွင် လူတစ်စုကြောင့် ရပ်တန့်သွားသည်။

ဒါကိုကြားတော့ လင်းဖန်က သူတို့ကိုလှည့်ကြည့်လိုက်သည်။

သူပြန်ရှင်သန်လာတဲ့နေ့က သူတို့တွေ သူ့ကိုရိုက်နှက်ခဲ့တာကိုမှတ်မိလိုက်တယ်။ လင်းဖန်ရဲ့ အမူအရာကင်းမဲ့နေတဲ့မျက်နှာကို တွေ့ရတော့ ခေါင်းဆောင်က ဒေါသထွက်သွားသည်။သူကသစ်သားတုတ်ကိုဝှေ့ယမ်းလိုက်ပြီး

"ဟမ်းး မင်းကအခုနာမည်ကြီးနေပြီဆိုတော့ ငါတို့ကိုမေ့သွားပုံရတယ် မမေ့အောင် ငါမင်းကိုသင်ခန်းစာပေးရမှာပေါ့"

သူတို့က လင်းဖန်ကို အရင်က မကြာခဏဆိုသလို အနိုင်ကျင့်သော်လည်း သူကပြန်ပြီးရန်မတွေ့ရဲပေ။

ဒါပေမဲ့ အခုသူ့ကို မိန်းကလေးတိုင်းက သဘောကျကြပြီး ပြီးခဲ့တဲ့အပတ်က ကျောင်း
ဖွင့်ပွဲအခမ်းအနားတွင် ကျောင်းသားကိုယ်စားလှယ်အဖြစ်မိန့်ခွန်းပြောခဲ့သည်။

ခြုံပြောရရင်တော့သူတို့တွေ စိတ်မချမ်းသာဖြစ်ခဲံ့ကြပြီး လင်းဖန်ကို မနာလိုခဲ့သည်။ဒါကြောင့် သူ့ကိုတွေ့တဲ့အချိန်မှာ ရိုက်နှက်ဖို့ဆုံးဖြတ်ခဲ့ကြသည်။