ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 53

Part 53.
ချုးရှောင်အားစောင့်ကြည့်ခြင်း။

"ဘောစ့် အခု ကျွန်တော်တို့ ဘယ်သွားမှာလဲ?"

"အလယ်အလတ်အဆင့် ဗီလာ"

ရှီးနင်းခရိုင်သည် အလုံခြုံဆုံးအိမ်ရာလို့ဆိုကြပြီး ချုးရှောင်၏အိမ်ရာသည် ထိုနေရာတွင်တည်ရှိသည်။

လင်းဖန်က ဒါကိုဘယ်လိုသိတာလဲ...

လော့လိကိုကျေးဇူးတင်ပါတယ်။

အထက်တန်းပြဆရာလော့လိက ချုးရှောင်ရဲ့နေရာကို ဘယ်လိုသိသွားတာလဲဆိုတာပြန်တွေးမိသည်။

လော့လိသည် ချူးရှောင်၏လောင်းကစားရုံရှိ စောင့်ကြည့်ကင်မရာများနှင့် လုံခြုံရေးဝန်ထမ်းများအားလုံးရဲ့တည်နေရာကိုပြသထားတဲ့ မြေပုံကိုသူရခဲ့သည်။

လင်းဖန်သည် ဒီအဖြေကိုရှာဖို့ တစ်လကြာသွားခဲ့သည်။

ချူးရှောင်တွင် ဝေတုန်လို့ခေါ်တဲ့လက်အောက်ငယ်သားတစ်ယောက်ရှိသည်။

အတိအကျပြောရရင် ဝေတုန်သည် ချုးရှောင်လက်အောက်ရှိ နည်းပညာရှင်တစ်ဦးဖြစ်သည်။

သူသည်လော့လိရဲ့အတန်းဖော်ဟောင်းဖြစ်ပြီး လော့လိကို အထက်တန်းကျောင်းကတည်းက တစ်ဖက်သတ်ချစ်နေခဲ့တာလည်းဖြစ်သည်။

လင်းဖန်သည် လော့လိအမည်ဖြင့် ဝေတုန်ထံ အီးမေးလ်တစ်စောင်ပို့ခဲ့ပြီး နောက်တစ်နေ့တွင် ဝေတုန်သည် ချုးရှောင်၏နေရပ်လိပ်စာနှင့် အိမ်ရာရှိ လုံခြုံရေးဂိတ်၏စကားဝှက်များကိုပါ ပြောပြခဲ့သည်။

စကားဝှက်ဖြင့် လင်းဖန်နှင့် လဲ့ဝူတို့သည် အလုံခြုံဆုံးပြောတဲ့ အိမ်ရာထဲသို့ အလွယ်တကူရောက်သွားကြသည်။

"ဒင်းဒေါင်"

"ဘယ်သူလဲ ညနက်နေပြီ"

အိမ်ရာတစ်လုံးတွင် နေထိုင်သည့်သူတစ်ဦးကပြောလိုက်သည်။

"လူကြီးမင်း မင်းရဲ့အထုတ်ရောက်ပါပြီ"

"ခဏ"

မော်နီတာ၏စခရင်ကိုတစ်ချက်ကြည့်လိုက်ရာအစားအသောက်ပို့ဆောင်သည့် ကုမ္ပဏီ၏အမည်ဖြင့် ဦးထုပ်ဆောင်းထားသည့် လူငယ်တစ်ဦးကိုတွေ့လိုက်သောကြောင့် တံခါးဖွင့်ပေးလိုက်သည်။