ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 40

Part 40.
မိသားစုအချစ်ကိုတောင့်တခြင်း။

ကျားသစ်ရဲ့ခွင့်ပြုချက်ရပြီးတဲ့ နောက်မှာတော့ လင်းဖန်က လဲ့ဝူကို သူငယ်တန်းကျောင်းကို ခေါ်လာခဲ့တယ်။

လင်းဖန်က သူ့သားနဲ့ မမိတ်ဆက်ပေးခင်မှာပဲ
လဲ့ဝူက သူ့သားကို ရှာတွေ့ခဲ့တယ်။

လဲ့ဝူက လဲ့လဲ့ရဲ့ရှေ့မှာထိုင်ချလိုက်ပြီး
"ဟားဟား မင်းငါ့သားပဲဖြစ်ရမယ်။
မင်းကလဲ့ပုံစံပဲ"

လင်းဖန်ရဲ့နှုတ်ခမ်းများလှုပ်ရမ်းသွားသည်။
လဲ့လဲ့မှာချစ်စရာကောင်းပြီး နူးညံ့သောအသွင်အပြင်ရှိသော်လည်း သူ့အဖေလဲ့ဝူမှာကြမ်းတမ်းသောသွင်ပြင်ရှိသည်။
သူတို့တစ်‌ယောက်နဲ့တစ်ယောက်မတူကြပါ။

"ဟားဟား လဲ့လဲ့က သူ့‌‌အမေနဲ့တူတာပဲ။မျက်လုံး နှာခေါင်းကအတူတူပဲ။သူ့အမေက လှပပြီးအကျင့်ကောင်းတဲ့မိန်းမတစ်ယောက်..."
လဲ့ဝူရဲ့မျက်လုံးများနီရဲလာသည်။

"ဖန်းဖန်း.."
လဲ့လဲ့ ခေါ်လိုက်သည်။သိသိသာသာပဲ သူလဲ့ဝူကိုအနည်းငယ်ကြောက်သွားသည်။

"သူကမင်းရဲ့အဖေ"

"တကယ်လား"

လဲ့ဝူက "ဟုတ်တယ် သူအမှန်တိုင်းပြောနေတာ။ငါ့နာမည်က လဲ့ဝူ မင်းနာမည်က လဲ့လဲ့။ငါတို့နှစ်ယောက်လုံးက လဲ့မျိုးရိုးတွေပဲ။ဒီအချက်နဲ့တင်ငါကမင်းအဖေဖြစ်ကြောင်းသက်သေပြလိုက်တာပဲ"

"ဦးဦးပြောတာမှန်တယ်...သားတို့နှစ်ယောက်လုံးရဲ့နာမည်ကလဲ့ပါတယ်။ဦး‌ဦးကကျွန်တော့်အဖေပဲ"

"အဲ့တာဆို မင်းငါ့ကိုဘယ်လိုခေါ်ရမှာလဲ"

"ဖေဖေ!"

...…...

လင်းဖန်က အဝေးကိုကြည့်လိုက်တယ်...

'ကောင်းပြီ ငါ့စကားကိုပြန်ရုပ်သိမ်းတယ်။
တစ်ယောက်နဲ့တစ်ယောက်ပုံစံမတူပေမဲ့ အတွေးအခေါ်ကတော့အတူတူပါပဲ'

"ဘောစ့်! ငါငါ့သားနဲ့‌ ခြောက်နှစ်လောက်ကွဲသွားတာ။ဒါသူ့ကိုတွေ့ရတာပထမဆုံးအကြိမ်ပဲ"

"လဲ့လဲ့က သူငယ်တန်းကို လာမဲ့တနလ်ာနေ့မှသွားရတော့မှာ..။မင်းကျားသစ်ရဲ့တိုက်ခိုက်ရေးကွင်းကိုမသွားခင် နှစ်ရက်လောက်ငါ့တိုက်ခန်းမှာနေနိုင်တယ်"