ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 88

"တကယ်တော့ ငါသူဝင်လာမှာကိုတားဖို့ကြိုးစားပါတယ် ကံမကောင်းစွာပဲ ငါ့မှာလုံလောက်တဲ့အင်အားမရှိဘူး ပြီးတော့ သူကမင်းကိုရှာနေတာပဲမဟုတ်လား?"
လင်းဖန်က ချန်းဖုန်းကိုလက်ညိုးထိုးလိုက်ပြီး ကူကယ်ရာမဲ့စွာ ပြောလိုက်သည်။

ထိုစကားကိုကြားတော့ ချုးရှောင်သည် ချန်းဖုန်းဘက်ကို လှည့်လာပြီး သူ့မျက်နှာနစ်မြှပ်သွား သည်။

"ဘာလဲ မင်းကတောင်ပံတွေကြီးထွားလာတာလား? သေနတ်သုံးနည်းသင်ပေးရမှာလား?"

ချန်ဖုန်းကိုကြည့် ရင်း ချုးရှောင်က အေးစက်စွာပြောလိုက်သည်။ သူ့အသံကမပြောင်းလဲပေမယ့် အပူချိန်ကအရမ်းကိုအေးနေ သောကြောင့် အေးခဲ့တော့မည့်အတိုင်းပင်။

ချုးရှောင်နောက်ကို ဆယ်နှစ်နီးပါးလိုက်လာသောကြောင့် သူ့အထက် လူကြီး၏ခံစားချက်များကို စေ့စေ့စပ်စပ်နားလည်သည့် လက်အောက်ငယ်သားတစ်ဉီးအနေနှင့်ချုးရှောင်၏ လေသံသည် သူရူးနေလားဟုပြောနေကြောင်း ချန်းဖုန်းသဘာဝကျကျသိလိုက်သည်။ ချက်ချင်းပင် သူ့အမူရာ ပြောင်းသွားသည်။

"ကျွန်တော်အမှားလုပ်မိလို့ တောင်းပန်ပါတယ်ဘောစ့် "

တစ်ချိန်တည်းမှာပဲ လင်းဖန်၏ ဦးခေါင်းကိုချိန်ထားသော သေနတ်ကိုလည်းဖယ်လိုက်သည်။

ဘောစ့်က ဘာလို့ဒေါသထွက်နေလည်းမသိပေမယ့် သူ့အမှားပင်ဖြစ်သည်။ သူကစိတ်မြန်လွန်းသောကြောင့်လည်းဖြစ်သည်။ လူတစ်ဦးကိုသတ်တာက ကိစ္စမရှိပေ မယ့် ဒီနေရာက လူနေရပ်ကွက်တစ်ခုဖြစ်ပြီး ဘေးတွင်လော့လိရှိသည်။ ဒီကောင်လေးကို တကယ်ပစ်သတ်လိုက် ရင် ဒုက္ခရောက်သွားလိမ့်မည်။

သို့သော် တည်ငြိမ်မှုရှိသောသူသည် ဒီခွေးကောင်ကြောင့် ဒေါသဖြစ်မည် လို့ သူကိုယ်တိုင်ပင် မမျှော်လင့်ခဲ့ပေ။

Holy Sh*t....

ချန်ဖုန်းသည် သူ့နှလုံးသားထဲတွင် တိတ်တဆိတ်ကျိန်ဆဲလိုက် သည်။

တကယ်တော့ ခဏလောက်တော့ သူ့ရှေ့က ခွေးကောင်ဆီက ကြောက်စရာကောင်းတဲ့ အရိပ်အယောင်ကို ခံစားလိုက်ရတယ်။