ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 72

ဒီမနက်သူ့အတွက် စားစရာဝယ်ခဲ့သည်။
ဒီလိုမနက်စာမျိုးစားရတာက ခေါက်ဆွဲထက်တော့ ပိုကောင်းတယ်မဟုတ်လား...
ဒါပေမယ့်...

တစ်စုံတစ်ယောက်က အကြောင်းအရင်းမရှိပဲ ကြင်နာနေတယ်ဆိုရင် အဲ့တာက မကောင်းတာတစ်ခုခုလုပ်ထားလို့ ဒါမှမဟုတ် မကောင်းတဲ့အရာကိုလုပ်တော့မှာမလို့ ဆိုတဲ့စကားကို သင်ကြားဖူးပါသလား?
လင်းဖန်ကို ကြည့်နေသည့် သူ့မျက်လုံးများသည် ထိုစကားလုံးတစ်လုံးချင်းစီကို သက်ရောက်နေသည်။

"မေ့လိုက်တော့ နင်ဘာအမှားလုပ်ထားတာလဲ အခုဝန်ခံရင် အချိန်မနှောင်းသေးဘူး"

သူ့စကားကို တစ်ခုခုကိုညွှန်ပြနေတယ်ဆိုတာ ထင်ရှားပါတယ်။ သူနိုးလာတော့ ရေချိုးပြီးနေပြီဖြစ်ပြီး အဝတ်အစားလဲပြီးသွားသည်ကိုပါ တွေ့လိုက်ရသည်။ အိမ်မှာ သူတို့နှစ်ယောက်ပဲရှိတာ လင်းဖန်မဟုတ်ရင် ဘယ်သူဖြစ်မှာလဲ...

လင်းဖန်သည် ထိုသို့ပြုလုပ်ပေးသည်မှာ ပုံမှန်ဖြစ်သော်လည်း အကြောင်းတစ်ခုခုကြောင့်
ချုးရှောင်သည် သူ့အတွက် ထိုအရာများကိုလုပ်ပေးနေသည့်ဒီကောင်လေးအပေါ် ဆန့်ကျင်မှုတစ်ချို့ ရှိနေဆဲဖြစ်သည်။

"အဟမ်း...."

လင်းဖန်က ချုးရှောင်ဘာပြောချင်နေတာလဲဆိုတာ သိပါတယ်။ သူကချောင်းခြောက်ဆိုးလိုက်ပြီး

"ဒီနေ့ကျောင်းတက်စရာမလိုတော့ စိတ်ချမ်းသာပြီး အချိန်တွေအများကြီးရနေတာ"

"အဲ့ဒီတုန်းက ဇူရန်ဇောင်က သူ့နွားကို ထိန်းနေတဲ့အချိန်မှာ ရှုတ လို့ခေါ်တဲ့လူက..."

ချုးရှောင်မယုံနိုင်လောက်ဘူးဆိုတာသိတော့ လင်းဖန်က အကြောင်းအရာတစ်ခုကို ပြောင်းလိုက်သည်။

"မင်းကို ကြည့်ရတာ အဆင့်အတန်းရှိတဲ့ပုံပေါ်တယ်လေ မင်းပြန်သွားတဲ့အခါ ငါမင်းကို အများကြီးကူညီခဲ့တော့ ငါ့ကိုယ်ငါမြှင့်တင်နိုင်မယ်ထင်လို့... အဲ့တာကြောင့်... မင်းကို ကောင်းကောင်းဆက်ဆံသင့်တယ်လို့ငါထင်တယ်"

လင်းဖန်၏လေသံသည်အနည်းငယ်
နောက်ပြောင်နေသော်လည်း နောက်ဆုံးစကားမှာ လေးနက်သည်။

လင်းဖန်သည် ချုးရှောင်ကို ရယ်မောစေတဲ့ ကိုးကားချက်နဲ့ ဉပမာကို အသုံးပြုကာ ပြောခဲ့သည်။

"ကောင်လေး မင်းအရင်ဆုံး မင်းရဲ့လေ့လာမှုကို အာရုံစိုက်ရမယ် ဒီလိုအသုံးမကျတဲ့အရာတွေကို တနေကုန်စဉ်းစားမနေနဲ့"
ချုးရှောင်သည် လင်းဖန်ကို ကြည့်ပြီး ပြောလိုက်သည်။

သို့သော် လင်းဖန်မပြောရင်တောင် ချုးရှောင်က သူ့ကိုပျိုးထောင်ဖို့ Chu Groupကိုခေါ်သွားမည်သာဖြစ်သည်။

"ဒါပေမယ့် မနေ့ကလို မတော်တဆမှုမျိုးကို ဒုတိယအကြိမ်မရှိရဘူးဆိုတာ မင်းသိထား"

ချုးရှောင်က လင်းဖန်ကို မျက်လုံးလှန်ကာ ပြောလိုက်သည်။ ဒါကိုပြောပြီးနောက် သူတိတ်တဆိတ်သက်ပြင်းမချပဲ မနေနိုင်ပေ။

ဒီကောင်လေးက တကယ့်ကို စိတ်ရှည်တာပဲ...

"အိုး."
လင်းဖန်က မသဲမကွဲအသံဖြင့် ပြန်ဖြေလိုက်သည်။

သူသိပေမယ့် ချုးရှောင်ပြောတဲ့အတိုင်း လုပ်မလားဆိုတာတော့ နောက်ပိုင်း သူ့ခံစားချက်ပေါ်မူတည်တယ်။

"လာစားရအောင်"

"အမ်း.."

သူတို့ထပ်ပြီး စကားမပြောတော့ပေ။
သို့သော် အခြေအနေကတော့ သိပ်အသက်ဝင်ပုံမပေါ်ပေ။

ဆန့်ကျင်ဘက်အနေဖြင့် လင်းဖန်သည် နွေးထွေးမှုအရိပ်အယောင် တစ်ချို့ကို ခံစားလိုက်ရသည်။

ဘဝနှစ်ခုလုံးတွင် ဘယ်သူကမှ သူ့ကိုဂရုမစိုက်သလို ဒီလိုမျိုးလည်း ဘယ်သူနဲ့မှမတွေ့ဖူးပါ။ သူနှင့် ချုးရှောင်သည် သူ့ရဲ့အစီအစဉ်ကြောင့် အတူနေထိုင်ခဲ့သည်ဟုပင် ဆိုစေကာပင် အတူတူရှိနေပြီသာဖြစ်သည်။

တကယ်တော့ ဒီလိုအပြန်အလှန်ရှိတဲ့ဆက်ဆံရေးပုံစံက ဘဝနှစ်ခုလုံးမှာ လင်းဖန်လိုချင်သည့် တစ်ခုတည်းသောအရာဖြစ်သည်။

တစ်စုံတစ်ယောက်သောသူနှင့် အတူနေတယ်.... လင်းဖန်သည် သူ့နှုတ်ခမ်းထောင့်ကို မကွေးညွှတ်ပဲ မနေနိုင်တော့ပေ။

သူတို့ဟာ ရန်သူတွေမဟုတ်တော့တဲ့အတွက် သူတို့နှစ်ယောက်ရဲ့ဆက်ဆံရေးက ဖြစ်နိုင်ချေများစွာ ရှိသွားပြီဖြစ်သည်။

သေချာတာကတော့ ပြန်ပေးဆွဲမှု ဆေးခတ်မှုတွေနဲ့ဘားထဲက ကိစ္စတွေကို ချုးရှောင်မသိဘူးဆိုတာ သေချာပါတယ်။ ချုးရှောင်က အဲ့ဒီအရာတွေကို လုပ်ခဲ့တဲ့သူက သူဆိုတာသိရင်....

ဖြစ်နိုင်ချေကို တွေးတောရင်း လင်းဖန်ရုတ်တရပ် အပြစ်ရှိသလိုခံစားလိုက်ရသည်။