ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 60

Part 60.
IOU.

လင်းဖန်ကျောင်းက ပြန်လာတော့ ကွန်ပြူတာပေါ်မှာ သူထားခဲ့တဲ့ခေါက်ဆွဲက ဒီတိုင်းရှိနေသေးတာကိုတွေ့လိုက်သည်။

သူက အံ့အားသင့်စွာဖြင့်မေးလိုက်သည်

" မင်းဘာလို့ခေါက်ဆွဲမစားထားတာလဲ?"

တကယ်လို့သူသာ တစ်ရက်လုံးဘာမှမစားရသေးဘူးဆိုရင် သူ့ရှေ့မှာ မှိုတက်နေတဲ့ပေါင်မုန့်ရှိနေရင်တောင် စားမိလိမ့်မည်။ သူချက်ထားတဲ့ခေါက်ဆွဲက အရသာရှိမဲ့ပုံတော့ပေါ်ပါတယ်လို့သူတွေးမိသွားသည်။

အာ...ဟုတ်သားပဲ ခေါက်ဆွဲတွေက ပွနေပြီး ကြက်ဉကလည်းအေးနေပြီ ပြီးတော့ အရွက်တွေကလည်းအဝါရောင်တောင်ပြောင်းနေပြီပဲ....အဲ့တာအပြင် ခေါက်ဆွဲဟင်းရည်မှာလည်း ဆီတွေဝေ့နေတာကို ဒီတိုင်းတောင်မြင်နေရတယ်။

"ငါမင်းအတွက် နောက်ထပ် ခေါက်ဆွဲတစ်ပန်းကန်ချက်ပေးမယ် "

ထို့သို့ပြောပြီး သူက ချုးရှောင်ပြန်ပြောတာကိုတောင်မစောင့်တော့ပဲ မီးဖိုချောင်ထဲသို့ တန်းသွားလိုက်သည်။

အေးနေတဲ့ ခေါက်ဆွဲတွေကတော့ သူတို့ကိုအပူပေးပြီး စားလိုက်တော့မယ်‌။ ထောင်ထဲကအစားအစာတွေထက် အဲ့ဒီအေးနေတဲ့ ခေါက်ဆွဲတွေက ပိုအရသာရှိသောကြောင့် လင်းဖန်က သူတို့ကိုစားဖို့ တွန့်ဆုတ်နေမည်မဟုတ်ပေ။

မိနစ်အနည်းငယ်ကြာတော့ လတ်လတ်ဆတ်ဆတ်ပြုတ်ထားတဲ့ခေါက်ဆွဲတစ်ပန်းကန်ကို ကွန်ပြူတာစားပွဲပေါ်သို့တင်ပေးလိုက်သည်။ သူ့ကွန်ပြူတာရွေ့နေတာကို လင်းဖန်သတိထားမိလိုက်သည်။

ဒါပေမယ့်သူလုံးဝမစိုးရိမ်ပါဘူး။ ချုးရှောင်ကိုမမြင်စေချင်တဲ့အရာတွေ သူ့ကွန်ပြူတာထဲမှာရှိတယ်ဆိုပေမယ့်သူလုပ်ထားခဲ့တဲ့ Power-on passwardကိုသူဖြေရှင်းနိုင်မှာမဟုတ်ဘူးဆိုတာယုံကြည်သည်။

ထိုအချိန်တွင် သူကို စကားဝှက်သတ်မှတ်ရန်သတိပေးခဲ့သည်။ သူသည် ကိန်းကဏာန်းတွေကို အမှတ်တမဲ့ထည့်လိုက်တာဖြစ်ပေမဲ့ သူ့စကားဝှက်ကိုကြည့်လိုက်တော့သူကိုယ်တိုင်တောင် အံ့ဩသွားတယ်......