ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ်

Part 105

သံသယရှိစရာမလိုပဲ ချုးရှောင်၏စကားသည် တက်ရောက်လာသူတိုင်းကို ထိတ်လန့်သွားစေခဲ့သည်။

တကယ်တော့ သူတို့က ချုးရှောင်ရဲ့စကားပြောင်းလဲတာကြောင့်မဟုတ်ပဲ
ချုးရှောင်၏စိတ်သဘောထားပြောင်းလဲသွားတာ ကြောင့်ဖြစ်သည်။

လော့လိသည် ချုးရှောင်ကို မယုံကြည်နိုင်စွာ မတ်တပ်ရပ်ပြီး ပထမဆုံးကြည့်ခဲ့သည်။

"မင်း ဘာပြောလိုက်တာလဲ!?"

"ဘာလဲ မင်းမကြားလိုက်ဘူးလား ကန့်ကွက်တာလား"

ချုးရှောင်က အေးစက်စွာ ပြန်ပြောလိုက်သည်။ သူသည်လော့လိကိုပင်မကြည့်ပဲ သူ့ရဲ့အေးစက်သောလေသံနှင့် ပြင်းထန်သောရောင်ဝါက လော့လိကိုနားလည်စေရန်လုံလောက်သည်။

သူစိတ်မဖြေနိုင်သေးသော်လည်း လော့လိသည် တည်ငြိမ်မှုကိုထိန်း သိမ်းရန်ကြိုးစားဆဲဖြစ်သည်။ သူရဲ့မျက်နှာက တည်ငြိမ်ဟန်ရှိသွားပေမယ့် သူ့အပြုံးကတော့ သဘာဝမကျပေ။

"မစ္စတာချုး ငါဆိုလိုတာက မင်းအမှားလုပ်မိတယ်မထင်ဘူးလား"

လော့လိက ပုံပျက်နေသောအမူအရာဖြင့် မေး လိုက်သည်။ အစစအရာရာ အကောင်းဆုံးဖြစ်အောင်စီစဉ်ခဲ့သည်။ ချုးရှောင်သည် နောက်ဆုံးမိနစ်တွင် သူဘာ ကြောင့်စိတ်ပြောင်းသွားသည်ကို မသိပေ။ ချုးရှောင်သည် ထိုသို့သောလုပ်ရက်ကို ဘယ်တုန်းကမှမလုပ်သလို မထီမဲ့မြင်ပြုမှာမဟုတ်တဲ့အကြောင်းကိုလည်း လူတိုင်းသိကြသည်။

ဒါ့ထက် ချုးရှောင်က အခုမြေကိုမလိုချင် တော့ဘူးလား?

ဒီနေ့မှာ မြင့်မြတ်သောပုဂ္ဂိုလ်အဖြစ်သူကိုခေါ်လာရခြင်းအကြောင်းအရင်းမှာ Lan Groupရဲ့ ဉက္ကဌ နေရာနဲ့ လန်မိသားစုရဲ့အကြီးအကဲဖြစ်ရန်ပင်ဖြစ်သည်။

တကယ်လို့ ချုးရှောင်က နုတ်ထွက်လိုက်ရင်
သူ လုပ်သမျှက အလဟာသဖြစ်သွားပြီး ရယ်စရာဖြစ်သွားမှာပေါ့!

အကျိုးဆက်တွေက ကြောက်စရာကောင်းလွန်း တယ်။

ဒါကိုတွေးလိုက်သည်နှင့်လော့လိ၏မျက်နှာသည်အရောင်ဖျော့သွားခဲ့သည်။