ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 83

ချုးရှောင်သည် ခွေးကောင်လေးကို အေးဆေးတည်ငြိမ်စေရန် ကြိုးစားသော်လည်း သူတို့နှစ်ဉီးကြားရှိ ဆက်ဆံရေးသည် အမှန်တကယ်အေးစက်သွားလိမ့်လို့ ဘယ်တုန်းကမှ မထင်ခဲ့ပေ။

သူတို့နှစ်ယောက်ရဲ့ဆက်ဆံရေးသည် ပထမဆုံးစတွေ့တဲ့ အချိန်ကိုပြန်ရောက်သွားပုံပါပဲ။

မဟုတ်သေးဘူး အဲ့တုန်းကထက်တောင် ပိုဆိုးနေသေးတယ်။ ထိုအချိန်တွင် အနည်းဆုံးသူတို့နှစ်ဦးသည် သူစိမ်းနှစ်ယောက်ကဲ့သို့ ပုံမှန်ပြောဆိုနိုင်ပေမယ့် အခုတော့ သူတို့နှစ်ဦးသည် အတူတူနေထိုင်ကြသော်လည်း တိတ်ဆိတ်နေဆဲပင်။

သွေးအေးတိုက်ပွဲလို့ ဖော်ပြဖို့ အလွန် သင့်တော်တယ်လို့ ယူဆတယ်။ ချုးရှောင်သည် ဤအခြေအနေကို ချိုးဖျတ်ရန်ဘယ်တုန်းကမှ မတွေးဖူးပေမယ့် အဲ့ဒီကောင်က သူ့ကိုအရင်ဉီးညွှတ်ခိုင်းနေတာလား?

လုံးဝမဖြစ်နိုင်ဘူး!

တစ်ဖက်တွင်တော့...

"ဟုတ်ပြီ!"

"ဆရာရန် သွားတော့!"

ကျားသစ်ရဲ့ မြေအောက်ကွင်းတွင် ခေါင်မိုးထိအောင် ကြွေးကြော်သံများဖြင့် ပြည့်နှက်နေသည်။

အခုစင်ပေါ်မှာ ဘယ်သူရှိလဲဆိုတော့..

လင်းဖန်

Nမြို့တော်တစ်ခုလုံးရဲ့ တိုက်ခိုက်ရေးကွင်းမှာ တစ်ဉီးတည်းသော် ဒဏ္ဌာရီဆန်တဲ့သူ...

ယနေ့ပွဲကိုကြည့်ရန် ယွမ်ငွေဒါဇင်နှင့် သုံးစွဲခဲ့ကြသော်လည်း လင်းဖန်ကိုမြင်ရမယ်လို့ မထင်ခဲ့ကြပေ။

ဒါကယာယီပြောင်းလဲမှုလို့ထင်ရပေမယ့် ဒဏ္ဌာရီလာဆရာဖန်သည် ရုတ်တရပ်ရောက်လာတာကို ဘယ်သူကဂရုစိုက်မှာလဲ ဒီလိုပွဲက သူတို့အတွက် ကြီးမားတဲ့ကစားပွဲတစ်ခုဖြစ်တယ်ဆိုတာပဲ။

အဓိကကတော့ လင်းဖန်က သူ့ပြိုင်ဘက်ကိုစင်ပေါ်မှာ အလဲထိုးနေတာကို ကြည့်ရတာအရမ်းစိတ်ဝင်စားဖို့ကောင်းသည်။

ထို့အပြင် ခုနှစ်ကြိမ်ရှိပြီဖြစ်သည်။ သုံးနာရီအတွင်း ခုနှစ်ကြိမ်ဆက်တိုက်...