ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ်

Part 109

...မင်းငါ့ကိုအထင်လွဲစေချင်တာ သိသာပါတယ်...။ လင်းဖန်၏စကားကိုကြားတော့ ချုးရှောင်စိတ်ထဲမှာ မကျေမနပ်ဖြစ်မိသည်။ သို့သော်သူ့နှုတ်ခမ်းထောင့် မကွေးပဲမနေနိုင်ပေ။

"အကြောင်းပြချက်?"

ချုးရှောင်သည် လင်းဖန် အားတင်းမာသောမျက်နှာထားဖြင့် တမင်တကာ ကြည့်ကာမျက်ခုံးပင့်လိုက်သည်။

"အကြောင်းပြချက်..ဟူး.."

လင်းဖန်က ညည်းညူရင်း

"အကြောင်းပြချက်ကတော့ ငါမင်းကိုဝမ်းမနည်းစေချင်ဘူး။ မင်းဝမ်းနည်းတာကို ကြည့်ပြီး ငါပဲပိုဆိုးချင်သလိုလို.."

လင်းဖန်၏စကားကိုကြားတော့ ပြေပြစ်ကောင်းမွန်ပြီးစနစ်ကျတယ်လို့ မပြောနိုင်သော်လည်းသူ၏အာရုံစူးစိုက်သောအမူအရာကြောင့်မယုံနိုင်လောက်အောင်ဖြစ်ခဲ့ရသည်။

လင်းဖန်၏ရှင်းပြချက်ကိုကြားတော့ချုးရှောင်၏စိတ်ထဲမှာမတုန်လှုပ်ပဲမနေနိုင်တော့ပေ။

ဒါဆိုဒီလူယုတ်မာကငါ့ကိုဝန်ခံနေတာလား?

ချုးရှောင်ကသူ့ကိုယ်သူတွေးရင် သူ့ရင်ထဲကတုန်ခါမှုဟာ ပိုပြီးသိသာလာခဲ့သည်။ ဒါပေမယ့် သူ့လည်ချောင်း ထဲကနေ စကားသံထွက်လာသည့်အခါမှာတော့

"ဒါကဘယ်လိုအကြောင်းပြချက်ကြီးလဲ"

"အဟမ်း..ငါအမှန်တိုင်းပြောနေတာ ဒီလိုအဖြစ်မျိုးတစ်ခါမှမကြုံဖူးဘူး အဲ့တာကြောင့် ဘာဆက်လုပ်ရမလဲဆိုတာ ဘယ်သူမှမပြောဖူးဘူးလို့ ရှုပ်ယှက်ခတ်သွားတာဖြစ်နိုင်ပါတယ်"

သူဒီလိုပြောတဲ့အခါ လင်းဖန်ရဲ့မျက်လုံးတွေက မှိတ်သွားပြီး ခေတ္တ နားပြီးနောက်သူက

"ဒါပေမယ့်အခုပြောတာတွေအားလုံးက အမှန်တရားတွေဆိုတာကို အာမခံပါတယ်"

"Puff.."

လင်းဖန်၏ရှင်းလင်းချက်နဲ့အာမခံချက်ကိုနားထောင်ရင်း သူ့ရဲ့စိုးရိမ်သောကရောက်နေသောလေသံမျိုးကြောင့် ချုးရှောင်နောက်ဆုံးတွင်မရယ်ပဲမနေနိုင်တော့ပေ။

ဒီလူယုတ်မာကတော့... လင်းဖန်နှင့်ကုဇီမင်ကြားက ခင်မင်ရင်း နှီးမှုဆက်ဆံရေးအပြင် လင်းဖန်အရင်လိမ်လည်ခဲ့သည့်အကြောင်းများကိုစိတ်ထဲစွဲနေသေးသော်လည်း လင်းဖန် အတွက်တော့ သူဘယ်လိုဒေါသထွက်ရမှန်းမသိတော့ပါ...