ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 66

နှစ်ယောက်သားကိုယ့်အတွေးနဲ့ကိုယ်..

ချုးရှောင်ရဲ့ I own You ဒါမှမဟုတ် လင်းဖန်ရဲ့ တစ်မနက်လုံး သူနှင့်အတူ အဝတ်အစားဝယ်ပေးခဲ့သော်လည်း ညစာစားသည့် ပုံစံကတော့ မပြောင်းလဲပါ။

ချုးရှောင်အတွက် အောက်ထပ်က ဆိုင်မှာ အော်ဒါမှာပြီးနောက် လင်းဖန်က သူ့ကိုယ်သူအတွက် ခေါက်ဆွဲတစ်ပွဲ ချက်လိုက်သည်။

"မင်းအမြဲတမ်း ဒါကြီးပဲစားနေရတာ စိတ်မကုန်သေးဘူးလား?"

ချုးရှောင်သည် လင်းဖန်ရှေ့က ခေါက်ဆွဲပန်းကန်ကို ကြည့်ပြီး မေးလိုက်သည်။

လင်းဖန်သည် ထိုစကားကို ကြားသည်နှင့် သူပြန်ပြောရင် အာရုံမစုစည်းနိုင်သေးခင်မှာပဲ
ချုးရှောင်က အစားအသောက် ပန်းကန်ထဲမှ ကြက်‌ပေါင်တစ်ချောင်းကို ရုတ်တရပ်ယူလိုက်ပြီး လင်းဖန်ရဲ့ ခေါက်ဆွဲပန်းကန်ထဲသို့ ပစ်ချလိုက်သည်။

ဟုတ်တယ်ပစ်ချလိုက်တာ။
လုပ်ငန်းစဉ်တစ်ခုလုံးက တိကျမှန်ကန်တယ်။

ထိုအကြောင်းကိုပြောရရင် ချုးရှောင်သည် ပထမဆုံး တစ်ခြားသူအတွက် စားစရာထည့်ပေးတာဖြစ်သည်။

သို့သော်လည်း ကောင်လေးက အရမ်းကို ဆင်းရဲပြီး သနားစရာကောင်းလွန်းတဲ့အပြင် စားစရာကလည်း ဆိုးရွားလွန်းတာကြောင့် ချုးရှောင် သဘာဝမကျသွားတာဖြစ်နိုင်ပါတယ်။

တခြားမှ ကြည့်ရင် လင်းဖန်သည် ယခုအချိန်တွင် အရမ်းကို သဘာဝမကျပဲဖြစ်နေသည်။ ပန်းကန်ထဲက ပိုနေတဲ့ကြက်ပေါင်တစ်ချောင်းကို ကြည့်ပြီး လင်းဖန်ရဲ့ လှုပ်ရှားမှုတွေက ရုတ်တရပ် ရပ်တန့်သွားသည်။

မူလက တိတ်ဆိတ်နေတဲ့ မျက်နှာပေါ်တွင် အံ့အားသင့်ခြင်းလို့ခေါ်လို့တဲ့ အမူအရာလည်းရှိနေသည်။ ချုးရှောင်က လော့လိကို လက်ထက်နေတော့မယ်လို့ ထောင်ထဲက တီဗီသတင်းမှာ ရုတ်တရပ်သိလိုက်ရတဲ့ အံ့အားသင့်တာထက်တော့ မလျော့ပေ။

အဲ့တာလေးပဲမဟုတ်ပါဘူး ဘာလို့လည်းဆိုတော့ သူ့လိုဆင်းရဲနွမ်းပါးတဲ့အရပ်သားအတွက် ဒီလိုအရာမျိုးကို ချုးရှောင်က လုပ်ဆောင်ပေးမည့်အရာမဟုတ်ပေ။