ပြန်လည်မွေးဖွားလာပြီးနောက် ငါ့ရဲ့နတ်ဆိုးဆန်တဲ့စိတ်ကနိုးထလာတယ် [ဘာသာပြန်]

Part 82

"အဲ့ဒီ့လူက ဘယ်သူလဲ?"

ကုဇီမင်ထွက်သွားပြီးနောက် ချုးရှောင်က မေးလိုက်သည်။

"သူလား?"

လင်းဖန်သည် မျက်ခုံးပင့်လိုက်သည်။
ချုးရှောင်၏ အကျင့်စရိုက်အရ ဒီလိုအရာတွေကို သူဂရုမစိုက်ဘူးလို့ထင်ခဲ့တာ။

"ကုဇီမင် အရင်တုန်းက ဒီမှာနေဖူးတယ် အိမ်နီးချင်းတစ်ယောက်"

ရိုးရိုးသားသားပြောရရင် ကုဇီမင်ကို ဆေးရုံမှာ နောက်ဆုံးတွေ့ခဲ့တုန်းက ကုဇီမင်က သူလာတွေ့မယ်လို့ပြောခဲ့ပေမယ့် ဒီလိုစကားအရပြောတယ်လို့ပဲ ထင်ခဲ့တာ။

တကယ်လာတွေ့မယ်လို့ လုံးဝမထင်ခဲ့ပေ။ အရင်ဘဝတုန်းက ကုဇီမင်ကို ထောင်ဝင်ခါနီးတွင် တစ်ကြိမ်သာ တွေ့ဖူးသည်။

ဒီဘဝမှာတော့ နောက်ထပ်တိုက်ဆိုင်မှုတွေ အများကြီးရှိခဲ့တယ်။

"မိတ်ဆွေဟောင်းတွေလား"

သူ့ပင်ကိုယ်စရိုက်နဲ့ မလိုက်ပဲ အစအဆုံးမေးဖို့ကြိုးစားနေမှန်း သူ့ကိုယ်သူတောင် မသိလိုက်ပေ။

"မဟုတ်ဘူး"

နောက်ဆုံးမှာတော့ ဘယ်လိုပဲဖြစ်ဖြစ် သိရုံသာ တကယ်က သူတို့မှာ ဆက်ဆံရေးသိပ်မရှိပါဘူး။ သို့သော် ဒီဘဝမှာတော့ ဒဏ်ရာတွေရတိုင်း သူကူညီပေးခဲ့သည်။

"မဟုတ်ဘူး?"

ချုးရှောင်သည် အံ့ကြိတ်ကာ လင်းဖန်၏ နောက်ဆုံးစကားကိုပြန်ပြောလိုက်သည်

ဘာ?..မဟုတ်ဘူး..တစ်ဖက်ကလူနဲ့ရင်းနှီးလွန်းနေတာမဟုတ်ရင်သော့ပေးမှာတဲ့လား?

သူစိမ်းတစ်ယောက်ကို သူ့ကိုမုန့်ပေးလာပေးမှာလား?

သူနဲ့သိပ်မရင်းနှီးတဲ့လူကို ခေါင်းပုတ်ပြီး နှုတ်ဆက်တယ်ပေါ့!?

"ဒါပေမယ့် ကျွန်တော်သူ့ကို အရမ်းကျေးဇူးတင်တယ်"

လင်းဖန်က ချုးရှောင်မျက်နှာ အုံ့မှိုင်းနေတာကို မသိလိုက်ပဲ ထပ်ပြောလိုက်သည်။ ကုဇီမင်ကို သူတကယ်ပဲ ကျေးဇူးတင်မိပါသည်။

ချုးရှောင်သည် သူ့ဘဝတွင် မမျှော်လင့်ထားသော နေရောင်ခြည်ဖြစ်ခဲ့ပါက ကုဇီမင်သည် သူ့အရင်ဘဝတွင် အလင်းတန်းတစ်ခုဖြစ်ခဲ့သည်။