الجزء52💕
دازو ساعات
كانت جالسة حداها وهي متكية سخانة مجهد فيها والكحة مريضة بزاف
عائشة:فاش ماجيتيش تشوشت عليك تا قالتلي فاتي راكي مريضة جيت كنطير نشوفك
دينيز:ياختي ضربني لبرد دوشت وطلقت لكليماتيزور بارد عطاني علاياش كنقلب
عائشة:لاباس عليك احبيبة رتاحي
دينيز:نتي مزيان بعدة وجداك كي بقات
عائشة:شوية وصافي
دينيز:الله يشافيها
عائشة:امييين ياربي
بقاو جالسين شحال كيهضرو ويتحتوو
عائشة:نخليك دابة جيت غير نشوفك وصافي
دينيس:واخة وغدا ملي ترجعي من الحفلة عاوديلي كيف دازت
عائشة:واخة
باستها وخرجات كانت نازلة فالدروج وكتقلب عليه بعنيها مابانش ليها تنهدات حسات براسها توحشاتو وباغة تشوفو واخة غا من لبعيد .حلات لباب وخرجات وقفات فاش شافتو نازل من طوموبيلتو حنات راسها وكملات طريقها حتى كيوقفها صوتو:من الاحسن مانبقاش نشوفك فهاد الدار
وقفات وشافت فيه:علاش بالسلامة
يوسف:مايشرفنيش تكون وحدة بحالك صاحبت ختي
ضحكات كتستهزأ بهضرتو:من نيتك
يوسف قرب لعندها ستفزاتو بديك الضحكة شدها من دراعها وزير تا توجعات :ملي كنقول شي حاجة راه كنعنيها وهاد الحركات لي كديري ديريها فبلاصة خرا حيت انا من النوع لي ماكايصبرش يقدر ندير شي حاجة لي تخليك نتي تندمي على نهار لي وقفتي فيه حدايا
عائشة غير كتشوف فيه ووما.فهماش مالو معاها شافت فعنيه حقد عليها كون صاب يقتلها بلعات ريقها وسترجعات قوتها:رخي مني قلت ليك ماتعاودش تقيصنييييي
بتاسم باستهزاء:لي كيدفع كتر هو لي كيقيصك نسيت
زاد زير:كان كيحسابلي بنت فشكل حدرتك بعدي منو ولكن نتي من النوع ديالو
عائشة عاد فهمات هضرات وهي كتألم من يديها:كيفاش
يوسف وهو عاض على سنانو:راكي عارفة
دفعها تاكانت اطيح وعطاها بالضهر:بلاصتك مع المسخات ماشي هناا
عائشة بقات غير واقفة هضرتو كانت بحال لقرطاس بالنسبة ليها فهمات انه عرف انها كتلاقة بجعفر ومشا بالو لبعيد..ماكرهاتش تبعو وتشدو من يديه وتغوت ليه فوجهو و تقولوو انا راه ماكانخليهش يقيصني وتشرح ليه السبب لي مخليها تكون معاه..ماحملاتوش يفهمها غلاط..بركات على راسها فاش حسات بدموعها غينزلو :علااش غنبكي اصلا ماشي سوقو وماشي من حقوش يدخل فحياتي يديها فمراتو..
