الجزء 69💕
دازو ساعات
كانو جالسين فصالة وحاطين ضيافة وكيشربو اتاي الطاهرة دارت صواب وجات عزاتهم
طاهرة:كنت باغة نحي شحال هدا ولكن عرفتكم اتكونو مرونين قلت حتى ترتاحو من روينة
الزاهية:لا مرحبا بيكم فأي وقت دار داركم
الطاهرة بتاسمات :ربي يخليك
الزاهية شافت فنرجس:هادي عروستك ياك
الطاهرة:اه
الزاهية شافت فعائشة ورجعات شافت فنرجس:تبارك الله عليك ابنتي غزالة
نرجس:ربي يخليك اخالتي
دينيس كتاكل فدواز اتاي:زويين هاد لكاطو حمقني صراحة عمري دقت بحالو
طاهرة نغزاتها
الزاهية:بصحتك ابنتي راه مازال منو دابة ندير ليك شوية فشي طويسة
دينس:شكراا اخالتي
طاهرة:لا بلا ماتعدبي راسك ماتديش على هادي
الزاهية:لا حشومة راه بنيتة مانك
حيدلوهاش شهوتها
بقاو جالسين شحال كيهضرو من بعد ناضو باش يمشيو سلمو عليهم وخرجو معاهم لبرة منزبعد ماعطات الزاهية لدينيس لكاطو
طاهرة:فكرتيني غدا مرحبابيكم عندنا لغدا ماترديهاليش فوجهي نيت اجيو بدلو الجو نزيدو نهضرو شوية
الزاهية _ان شاء الله
الطاهرة:غنتسناكم
وسلمات عليهم وركبو فلوطو ومشاو
هوما دخلو لدار جلسو
سارة:اتمشي
الزاهية:انمشي
وشافت فعائشة:نشوف هاد يوسف كيف داير نعرف شكون مول هاد الفعلة
عائشة ناضت :هنا فبيتي
وطلعات وخلاتهم
سارة:زدتي فيه
الزاهية:تحمد الله راني مازال صابرة
سارة:والله تا عيقتي خلي البنت عليك
الزاهية سكتات ما جاوبتهاش
سارة:فكرتيني
ناضت وجابت واحد الساك:قبيلة تلاقيت عصام وعطاني هاد لفلوس ليكم قالك المصروف .وقالك الدار راه مابقة والو وياخدها باش تمشيو تسكنو فيها
الزاهية نزلو دموعها:ولدي حنيين واخة داكشي لي وقع مازال كيفكر فينا ياربي لما سهل عليه ياربي لما بعد عليه المشاكيل الله يرضي عليه
سارة تنهدات:عصام ماكاينش بحالو
دازو ساعات طاحت الضلمة
