بغة يهز ليها راسهاا باش يشوف فيها وهي تزيد تشبت بيه دافنة راسها فصدرووو ..تنهد وهو كيمسح ليها على شعرهااا ومرة مرة كيبوسها على راسها مخليها على راحتهاا حتى كيسمع صوتها:بغيت نمشي بحالي
تنهد وبعد عليها ونزل من فوق النموسية هز فوطة ودخل للحمام يدوش..دفنات راسها فداك لمخدة مزيرة علييها هدشي خاص يساااالي مايمكنش تبقة خكاا لا خاص دير شي حل والحل هو طلاااق سمعاتو خارج من لحماام عرفاتو دخل لبيت تبدال لبس عليه وقبل يخرج من الحناح قال:غتلقاي لتحت الشيفور ايوصلك
سكت وهو يتفكر:لخدامة اطلع ليك حواايجك ماتمشيش بهاد الحالة
غير خرج ناضت بالزربة دخلات للحمااام دوشاات وهي كلها كترجف وكتفرك فدااتهاااا وتفكيرها مشوش حبسات وهي كتلهت ولما نازل عليها دافي هدشي ماعندو باش يفيدهااا لي وقع وقع خاص تفكر فلي جاي طفات داك لما وخرجات لاوية عليها فوطة وكتفر وتفكرررر لقات لخدامة حطاة ليها حوايجها فوق النموسية قربات ولبساتهم بااخف وخرجات من دار كاملة بلا ماتشوف فتاشي واحد تماك لقات شيفور كيتسنة ركبات معااه ووصلها تا لدار طلعاات لبسات عليها ونزلات تاني مشات ركبات فطموبيلتها تا وصلات للشريكة دخلات نيشان للمكتب وعيطات للمحامي يجي لعندها للمكتب وجلسات كتسنااه ربع ساعة وكان عندها فالمكتب
عائشة:شنو درتي
المحامي:صافي الاستدعاء غتكون وصلاتوو للمكتب ديالو فين كاين دتبة
هزات راسها باه:مزيان بغيت يكون كلشي هو هداك
المحامي :كوني هاانية
عائشة:والحضانة ديالي ولادي تكون لياا
المحامي:اه غتكون ليك ان شاء الله
عائشة:سمعنييي ماتبقاش غاتقولي كلشي اه اه لاكان شي مشكل قولولي دابة نحلووه
المحامي:لا ماكاين تاشي مشكل حيت عندك الحق تطالبي بالطلاق من بعد ست سنين ديال لغياب ديالو ونتي عند بالك مطلقك..وكنضن كلشي ايكون فصفك
عائشة:مزيان وحاجة خراا سمعني مزيان بغيت من دابة شوية.....
المحامي:واخة كلشي ايكون واااجد
عائشة:هي دابة نوض تكلف
وقف باش ينفد أواميرها بقات جالسة فبلاصتها كتفكررر
فجيهة لوخرا
كان فالمكتب وهي معااه واخدة بلاصة عماد لي مشغول مع المباريات هو وعصاام .كتراجع هي وياه شي ورااق وكيمضيوهم بجوج :انا عجبني هاد التصميم حتى مولاه عندو مايقول
هز راسو باه :تانا عجبني
فاتي:ادن صافي نتاصلو بييه نديرو معاه جتماع نشوفو باقي تصاميمو والخبرة ديالو
هز راسو باه:صافي تكلفي نتي.
فاتي وهي كتجمع لوراق:واخة..قولي ايوسف
يوسف:نعام
فاتي :فين وصلتي مع عائشة
يوسف شابك صبعانو مع بعضهم وكيطرطقهم بخفة:راسها قاصح
فاتي بتاسمات:صبر عليها
هز راسو:هاهو صابر
سمعو دقان من بعد تملات لباب غير شافتو بتاسمات لاشعورياا وعنقات داك الملف فصدرهاا حاضياه وهو داخل بكل وسااامة واناقة تنهدات وهي كتشوفو كيسلم على يوسف حتى شاف فيها قرب لعندها ومد يديه مدات تاهي يديها:لاباس عليك
فاتي:الحمد الله ونت
يحيى:تاناا
وجلس اونفاص معاها كيشوف فيها كيف كتلعب بداك الملف كتخفي التوتر ديالها حتى كيفيقو صوت يوسف:فين سهيتي
شاف فيه بالزربة:معاك
يوسف:كاع مابانلي معايا
فاتي حسات بالهضرة عليها ونيت حاسة بيه كيشوف فيها:يوسف هاني مشيت عندي مايتقضى
بتاسمات ليه وخرجات من المكتب
يوسف شاف فيحيى:صافي طحتي
مسح على راسو:بحال داكشي
يوسف كتافة بابتسامة ورجع للوراق لي بين يديه حتى كيسمع صوتو:شتك نسيتيني
يوسف:فاش
يحيى:قلتي اتهضر مع عائلتها
يوسف:اه نسيت تلهيت فشي حوايج مشات ليا من لبال
يحيى:وشنو
يوسف:صافي هاد ليلة ولا غدا غندوي معاهم فهادشي
يحيى:صافي ان شاء الله
وسمعو تاني دقان كانت سكريتيرة وفيديها واحد لبرية:هادي وصلاتك من المحكامة اسيدي
حطاتها حداه وخرجات بقة كيشوف استدعاء فتحها وهو يقرا عائشة رافعة عليه دعوة طلاق وغدا اول جلسة ليهم خاص يحضر فيها عض على سنانوو حتى كيقول بدات كتقاد وهي كتزيد تعوجهااا كتر وكتر كمش داك لورقة بين يديه ووقف لقة حداه غا لفيكس هزو وزدحوو مع الحيييط بالجهد وغوت:علااااش كيعجبووك لمشاااكيل
يحيى وقف:ياك لاباس شنوو واقع
ماجاوبوش رجع جلس فبلاصتوو ..يحيى قرب وهز داك لورقة وقرا لي فيهاا وتنهد ماخاصش يدخل هدشي كيبقة شخصي حط يديه على كتافو:لاكنتوو مكتاببن لبعضياتكم هدشي غيدوز واخة توصلوو ماشي غا للمحكمة
يوسف ماجاوبوش ..يحيى نساحب بهدوء يخليه مع رااسو
يوسف كيقول لاناض ومشا لعندها غيزدح ليها داك راس لقااصح مع شي حيييط ...
فالجيهة لوخرا
كانت جالسة وشاعلة التلفازة كتسنا الخباار فتلفاازة حتى كتبتاااسم وهي كتشوف المقدم كيهضر:تم تسريب خبر استدعاء رجل الاعمال الشهير يوسف الزعيم للمحكمة حيت ان زوجته قامت برفع قضية طلاق وغدا صباحا ستكون اولى الجلسات وهدا الخبر تم التأكد منه من قبل المحامي الخاص للسيدة الاعمال الصغيرة عائشة
قلبات لقناة خرااا نفس الشييي كلشيي كيهضر على هاد الطلاااق بقة ليها غدااا واخة عندها احساس ماغايخدش وكيف قابيها المخامي مزيان مايحضرش داك ساع ايديرو طلاق غيابي..تنهدات ووقفات هزات ساكها وخرجات تمشي تشوف ولادها ..كتفكر فلي جااي تلاقاتها السكريتيرة:مدام عائشة غدا كاين اجتماع ها لوراق لي غنخدمو عليهم
عائشة وقفات كتقرا فدوك لوراق :صافي مزيان غدا انديرز هاد الاجتماع ولكن أجليه لساعتاين على الموعد لي حددناه صافي
السكرتيرة:واخة هي لولا غنعلم باقي الشركاء على الاجتماع دغدا ونعطيهم الوقت
عائشة:احم بلا ماتعلمي يوسف الزعيم
السكرتيرة:ولكن خاص يحضر امدام.
عائشة:ديري هدشي لي قلت ليك
وكملات طريقها خرجات من الشريكة وركبات فطموبيلتها نيشان لدار مهااا مسافة طريق وكانت تماك .غير شافوها ناضو كيتجراو بجوج تحنات عنقاتهم بجوج كتبوس فيهم واحد بواحد :ماما توحشناك
عائشة:تانا بزاف
شداتهم من يديهم ومشاو جلسو فصالة ..سلمات على دينيس والزاهية وجلسات وولادها ضايرين بيها
الزاهية الابتسامة منورة وجها:كي بقيتي ابنتي لاباس
عائشة:الحمد الله بعدة اماما جبيلي دوايا راه خليتو هنا فساك نشربوو
عيطات للخدامة جابت ليها ساك وكاس دلما وشربات دواها
الزاهية:كلشي كيهضر على الدعوة دطلاق لي رفعتيها واخيرا انتهناو منو ان شاء الله هدشي يسالي دغية
دينيس ماعاجبهاش لحال:وشنو ذنب هاد الدراري يعيشو هكا انا ماشي واقفة فصف خويا ولكن لي غيتضلم كتر هوما دراري
الزاهية:ماشي هوما اول ولا اخر وحدين ولاديهم ايطلقو ابنتي ..
دينيس:عارفة اخالتي ولكن خويا باغي يصلح الامور ويعوضها ويعوض ولادو شنو فيها لاعطاتو فرصة
الزاهية:سمخيلي ابنتي ولكن خوك مايستاهلش هاد الفرصة لي داز على بنتي تنا لي حضرت علييه انا لي شفتها كبف تعدبات وماغانخلبهش يزيد يعدبها صافي يطلقها ويمشي يشوف حياتو
وشافت فعائشة :وبنتي غيجيب لبها الله لي يستاهلهااا
دينيس:غالطين اخالتي بزااف ..عائشة فكري اختي مزيان قبل تندمي
عائشة:ماغاندنش ادينيس صافي هدشي خاص يساالي
دينيس سكتات مابقالها ماتقول
الزاهية:غدا انمشي معاك للجلسة ابنتي ومايكون غا لخير
عائشة هزات راسها باه وهي كتشوف فوليداتها كيلعبو تحنات لعندهم كتلعب معاهم
جوهررة:ماما فوقاش ايجي بابا
هارون:اه توحشتو
جوهرة:خاص يجي يعيش معانا اماما كلشي عايش مع باباه وماماه الا حنا
دينيس شافت فعائشة بمعنى ها لي قلت ليك
عائشة:وليداتي هدشي ماشي وقتو صافي باباكم عندو شي شغال ملي يسالي غيدوز يشوفكم
هزو راسهم باه وكملو اللعب وهي جالسة حداهم فالارض
دازت هاد ليلة وجا نهار جديد
صبااح بكري
كانت عند طبيبة لي شرحات ليها العلاج الجديد لي اتولي تبع :هادو قويلبات اديريهم فكل ليلة قبل تنعسي ماخاصش يضربك علييهم البرد خاص تكوني فلفرااش دوز ربعة دسوايع بالضبط وتنعسي مع راجلك صافي وفاش تجي دوشي دوشي بما دافييي وتوضاي بهاد لما
مدات ليها واحد لقريعة فيها لما مخلط بواحد الاعشاب طبيعية وكملات هضرتها:ضاروي توضاي بيه من مور الممارسة صافي
اكرام:واخة
طبيبة:وهاد الفانيد فيتامينات تاهو تبعيه ومايكون غا الخير والكمال لله خاص غير الصبر وشوية دلوقت وربي غيفرحك كيف فرح لي قبل منك
اكرام من قلبها:امين ياربي
طبيبة:فكرتيني لقويلبات كطلعيهم من لبلاصة منين كتبوولي ماشي اللور
اكرام:كيفاش اول مرة نشوف قوالب هكا
طبيبة بتاسمات:اه هاد لقوالب فاش اتفتحيهم راهم مختالفين على لوخرين حيت مصنوعين من الاعشاب اه ومن دابة كنعلمك خاص تصبري حيت شوية حارين مع الوقت اتولفي
اكرام:ارا وكان غير ربي يفحني ويفرح راجلي
ووقفات:ياك غير هدشي يمكن لي نمشي
طبيبة:اه تفضلي ورجعي عندي من مور سيمانة
اكرام:واخة يلاه بسلامة وخرجات
داز الوقت
فالجيهة لوخرا
وصلات للمحكامة هي ومها لابسة ومقادة بحاليلا جاية لعرس لقات المحامي كيتسناها فلباب ومعاه الصحافة كيف تافقت هي وياه نزلات وقربات لعندو نيشان بداو يطرحو عليها فالاسئلة ..علاش وكيفاش الخ.جاوبات :صافي حنا غنطلقو وكل واحد ايشد طريقو هدشي لي نقدر نقولكم
صحافي:وهو شكا يقول فهادشي
عائشة:هداك شغالو وماكانضنش خاص يدير شي حاحة من غير طلاق حيت كلشي واضح
صحافي:شفناه باقي ماجا زعمة غيكون ماباغيش هاد طلاق
عائشة:داكشي ماكايهمنيش معروف على يوسف الزعيم عزة النفس ماكانضنش غيبقة مع شي حد ماباغيهش ادن كلشي واضح
كلشي سكت وهوما كيشوفوه واقف من موراها ويديه فجيابو وكيشوف فيها
دورات وحها وهي تشوفو علات حاجبها:هاهو جا بامكانكم تسولوه هو
ودخلات لداخل هي ومها ولمحامي..ماعطاش كاع الوقت للصحافة ودخل تاهو لداخل للمحكامة ..كانت مجرد مكتب كيحضر فيه لقاضي ولمحاميين والمعنيين بالامر جلسو فلكراسة لخاصين بيهم حتى كتدخل القاضية جلسات فالمكتب وهي كيقرا فالملف خطبات واحد ااخطاب كتهضر ليهم على طلاق الشروط ديالو والعواقب وسلبيات ديالو عاد دخلات فالموضوع كتطرح فالايسئلة والمحامي كيجاوب ..دورات وجها وشافت فيوسف لي جالس وداير رجل على رجل وكيتفرج:ماجبتيش محامي
يوسف-:لا
رجعات شافت فعائشة:شنو كتقولي فهادشي
عائشة:مابغيت منو والو من غير يطلقني وطبعا ولادي يبقاو معايا..ست سنين وانا عند بالي مطلقة منوو حتى كيرجع وكيصدمني مازال ماطلقني صافي انا هاد راجل مابقيتش محتاجاه فحياتي وطلاقي منو حسن لياا ..مابقات ببناتنا عشرة ومابقة تاشي امل باش نعيشو هانين هاد زواج ماصالحش
القاضية:هدا اخر كلام عندك
عائشة:اه وكنأكد على طلاق وماغانتنازلش على قراري النهائي
القاضية شافت فيوسف:بمجرد ماغاتوافق على هاد الطلاق غتسهل علينا الامور بجلسة وحدة نفدو فيها طلاق وكل واحد يشد طريقو حيت على مابان ليا هاد زواج ماناجحش وسيدة عندها لحق ست سنين كافية باش هاد زواج يرجع مستحيل المهم شكا تقول فهدشي
يوسف ببرود :انا مازال باغي مراتي وماغانطلقش
القضية :ادن غتحول الجلسة الماجية لجلسة صلح من دابة تلت يام غتكون جلسة بين طرفين المعنيين بالامر بلا محاميين غنحددو توقيت جلسة الصلح
عائشة وقفات:وانا بغيت نطلق
المحامي وقف معاها كيهدنها:تهدني
القاضية:هدا هو القانون بامكانكم تفضلو
وناضت وخلاتهم فالبيرو خنزرات فيه وهزات ساكها وخرجات الزاهية قبل تبعها شافت فيه:الله ياخد فيك الحق هدا ماغانكولك
وتبعات بنتها هي والمحامي
وقف بكل هدوء وخرج بخطواتو تابتين ايشوف هدشي ديالها فين ايوصل
على برا
المحامي:هدشي طبيعي امدام عائشة فاش كيكون احد الاطراف مامتافقش على هاد الطلاق كيعطيو واحد المدة ديال الصلح يقدر تبدل شي حاجة طبعا نتي اتبقاي متشبتة بقرارك ومن موراها اامحكامة اطلقكوم
هزات راسها باه وهي كتشوفو خارج:يلاه اماما نمشيو
ركبو فطوموبيل ومشااو
ركب تاهو فطموبيلتو ماعارفاش راسها معامن كتلعب وماعارفاش داكشي لي كيدور فبالوو بتاسم وهو كيزيد فالسرعة شحال قدها تقصح راسها
حطات مها حدا دار وكسيرات
الزاهية غير دخلات لدار هزات طليفونها وصونات حتى كتسمع صوتو:الو كريم اامجاهد معاك مامات عائشة....
وصلات للشريكة هدا هو وقت للاجتماع لي عندها
دخلات لقات كلشي كيتسناها فقاعة الاجتماع حيطات مونطوها لابسة كسيوة نص كم قصيرة مع ليباا كلها مشبكة كتبين لحمها ولببوط طالع مع رجليها دورات وجها كتشوف فيهم واحد بواحد كاع ما بان ليها كريم المجاهد شافت فسكريتيرة:كريم المجاهد تاصلتي بيه
سكريتيرة:اه قالي ايقضي شي شغال وايجي غير بداو الاجتماع
هزات راسها باه ووقفات تعطي لفكرة ديالها يلا اتبدة وهي تحل لباب شافتو داخل دورات وجهااا فاش شافف يها دوك شوفات لي كيستافزوها كي دار تا عرف على هاد الاجتماع
يوسف :تعطلت واقلة
وقرب لعندها وعنيه على لباسها رجعات اللور باش مايزيدش يقرب ..وهو بلا مايهتم لهادوك لي جالسين وكيتفرجو قرب كتر وكتر وشدها من دراعها ودورها لعندو كيشوف فلبسها ولحمها لي كايبان..نطق بلا مايشوف فيهم:تفضلو كاملين واحد دقيقة
بداو كيخرجو واحد بواحد تابقات غا هي وياه فداك القاعة
