عصام شاف فمهدي:هدي مالها
ودخل وسد لباب:اش جابها لهنا
شاف فيه وفصدرو لعاري وسمطة دسروال محلولة:لا مايمكنش
مهدي جلس فوق الفوطوي وهو كيضحك:هههههه لا غا نص نص...رداتني زامل..
عصام جلس حداه:كيفاش
مهدي عاود ليه اش وقع
عصام:هههههه وناري هاد البنت علام
مهدي:لا ماربيتهاش راني ماشي مهدي
عصام:ربي غا راسك..كاين شي حاجة تكاال
مهدي:نوض را لكوزينة
عصام دخل للكوزينة:زعمة شي نهار نجي ونلقاك موجد شي طويجين
مهدي:نت لي كتعرف ليه
اكرام غير وصلات للدار طلعات كطير لبيتها تلاحت فوق النموسية كتبكي..تبعاتها لخدامة:مالك ابنتي
اكرام:خرجييييي عليا تحركي
خرجات كطير
لتحت
وصلو للدار لقاو كلشي كيتسناهم باش يشوفو يوسف..نساحبات وطلعات لبيتها..وقفات فاش شافت كلشي مبدل الفوطوي تحيدو ولكوشة دهارون ماكايناش..وماكياجها وعطوراتها فوق الكوافوز مابقاوش ..حطات الصاك .ودغية مشات حلات لبلاكارات مالقاتش حوايجها..تنهدات:فين هوما حوايجي وشنو دارو
خرجات من لبيت تلاقات لخدامة:عفاك ماعرفتيش فين حوايجي
الخدامة:كلشي نقلناه للجناح ديالك جديد كيف قال لينا السي يوسف
عائشة:كيفاش
الخدامة:سولي السي يوسف
عائشة:صافي يمكن لبك تمشي
ورجعات دخلات للبيت وسدات عليها:شمن جناح عاود
كانت عيانة تكات فوق النموسية حطات يديها على كرشها وهي كتطلب من ربي يعاونها ويسمح ليها على داكشي لي باغة الدير ..داتها عنيها ونعسات
لتحت
عية بلجلاس:سمحولي غنطلع نرتاح
ناضت معاه نرجس وطلعو للجناح عوناتو حيد صباطو..وتكة فوق النموسية..تكات حداه:واش نصيب ليك شي حاجة تا كلها
هز راسو بلا وغمض عنيه ونعس
داز اوقت طاحت الضلمة
فاق على صوت نرجس حل عنيه وشاف فيها
نرجس:وقت دواك خاص تاكل شي حاجة باش تشرب دوة ونعس داك ساع
كانت موجدة كلشي..وماكان فيه لي ياكل خدا منها غير دوة وشربو ..وناض حل لمجر وجبد لباكية ديالو وخرج للاتراس..تبعاتو نرجس:قالك الطبيب خاص تقطعو هاد ليام
يوسف:هو ماعارفش صحتي كتر مني
وشعلو ونتر نترة وساط وشاف فيها:ونتي تعشيتي
هزات راسها بلا
يوسف:وجهك دابل سيري كولي ورتاحي انا دابة راني بيخير
عنقاتو:هدشي لي بغيت تبقة ديما بيخير
باسها على كتافها وبعدات:اجي تنعس
هز رايو بلا:غير سيري تنعسي مازال ماغانعس
هزات راسها باه ودخلات تخشات فبلاصتها كانت عيانة
بقة شحال فلبالكون ..طفا سيجار ودخل للبيت لقاها ناعسة طفا عليها الضو وخرج من لبيت ..مشا للجناح لي صيبو خصييصا ليه هو وياها حل لباب ودخل .مالقاهاش البيت مازال مقاد كيف كان..عرفها اتكون فبيتها..نزل وحل لباب كيف توقع كانت ناعسة ملي نعسات مافاقت ..قرب لعندها تحنة شوية لعندها دوز يديه على وجها بشوية ..حتى حلات عنيها شافت فيه ودورات راسها لجيهة لوخرا ورجعات غمضات عنيها باغة غا تنعس..سمعات صوتو:علاش ناعسة هنا.
عائشة:بغيت
قفزات من صوتو الحاد:تهزي نساي هاد لبيت
ناضت بكل هدوء عيانة وعنيها كيتغمضو بنعاس ..وماشي وقت عنادها
شدها من يديها وطلعها للجناح..تشعلو ضواو..ووقفات كتشوف..الوانو ذهبية مخلطة بالكحل وبعض لمسات الابيض...كان كلشي زوين...وكلاس كل حاجة فبلاصتها وكبير بزاف..جليسة اونفاص مع السرير..وعاد حمام ووصالة مفتوحة على البيت وبيت خاص بالحوايج ديالهم..وغرفة ديال هارون مجهزة بداكشي دلبيبي ..وحدا ناموسيتهم كاينة الكوشة دهارون عاد لاتيراس كبير مغطية ملفوق بالورد ..رخة من يديها :من اليوم هنا اتبقاي
ماجاوباتوش..وشافت فأول باب حداها عرفاتها اتكون دلحمام دخلات وشعلات الروبيني بالجهد وحنات كترد وكتحاول مايسمعهاش..ناضت كتلهت غسلات وجها ومسحاتو بالفوطة وخرجات..تكات فوق النموسية ودغية داتها عنيها ونعسات حتى كتحس بيه حداها .جرها بكامل جسمها ودفن راسها فصدرو تنهدات وكملات نعاسها
جا نهار جديد
حلات عنيها .ودورات وجها مالقاتوش حداها ناضت جالسة ..بقات شحال غمضات عنيها عرفاتو بات معاها..خلاها. ومشا لعندها..نزلو دموعها..هدشي غير لبداية،مازال غتشوف ..دوزات يديها على شعرها:ياربي ماعاوني ياربي ماوقف معاياا..مابغيتش نخسر راجلي ماطلبت والووو ياربي..هي سباب هي لي دخلات بيناتنا كي شي لفعة ياربي ماخودلي حقي منها
فنفس الدار
خرجات وركبات فطموبيلتها مايمكنش تبق كتبكي هكا ومغبونة فدار خاص تعرف اش كاين وتسمع منو..دوزات نمرتو بقة كيصوني شحال حتى كتسمع صوتو:الو دينيس
قلبها مشا وجا غمضات عنيها توحشاتو بزاف:فينك
عصام:يلاه غادي للنادي
دينيس:بغيت نشوفك
عصام:واخة فين
دينيس:اجي عندي ..
عصام:واخة
مشات سبقاتو ..نزلات من طوموبيل كانت حدا لبحر وقفات كتسناه حتى كتسمع صوت طوموبيل ..نزل وقرب لعندها مد ليها يديه..بقات شحال كتشوف فيديه..شافت فيه ماشي هكا كان كيسلم عليها..
هضرات:مالك معايا
جمع يديه عندو:علاش شنو درت ليك
بتاسمات باستهزاء:كتسولني ..عيطت ليك شحال من مرة ماكاتجاوبش..كتخليلي ميساج فيه راني مشغول ..ميكتي عليا..وداك نهار كتقول لخويا بحال ختك وشوفلها لي يناسبها..شنو كتسمي هدشي
عصام:والو ادينيس صافي انا وياك مالايقينش لبعضياتنا لاش مكبرة الموضوع
نزلو دموعها:واش عارف راسك شكا تقول ..عصام
وسكتات وكملات وهي حاطة يديها على قلبها:انا وليت كنبغيك صافي نت وليتي ساكن فقلبي..
عصام كان غير ساكت
قربات لعندو:ماتقوليش عفاك انا وياك مالايقينش لبعضياتنا ماتجرحنيش الله يخليك..راه ماغاديش نستحمل
بغة يهضر وهي تقاطعو شدات ليه فيديه:ماتقول والو..عرفاك معصب من داكشي لي قال خويا..ولكن كلشي كيتحل..المهم انا باغاك
عصام بعد يديه من يديها:دينيس غنعاود نقولها انا وياك بعاد بزاف..لا ضروفنا لا حياتنا لا تاحاجة هي هديك...انا جربت ولقيت هدشي ماصالحش فمرا..وحيدت هدشي من بالي لحاجة لي كتبدة بالمشاكيل عمرها التحل..خوك فيقني ودارلي العقل داك ليلة ..ديري بحالي ونسايني خلينا بحال خوت نتي بنت خالتي لي ضراتك ضرني ولكن شي حاجة خرا لا
دوزات يديها على شعرها وغوتات:وااش عارف راسك شكا تقول
بلعات ريقها وهدنات راسها وقربات لعندو شدات راسو بين يديها:انا قلت ليك كنبغيك ما تحرك فيك والو جاتك عادية نعتارف ليك..عفاك ماتقوليش نتفارقو فمرا..خويا انا نهضر معاه..غير ماتفرقش عليا اعصام..من قبل نشوفك وانا كنحلم بيك..خالتي ليلى خلاتني نبغيك واخة مانشوفكش وفاش عرفتك نت هو تاجدين كنت انطير بالفرحة عفاك ما تصدمنيش خليني فرحانة
عصام:دينيس مايمكنش..رجعي لداركم انا صافي
حيدتك من بالي
بغة،يبعد وهي تجرو:لا ماحيدتي والو من بالك مايمكنش داكشي يكون كدوب
باستو على شفايفو:مايمكنش تنسة،هدشي حيت حسيت بيه من قلبك
بغة يهضر وهي ترجع تبوسو وهاد المرة طولات كتبوسو وكتبكي ماباغاهش ينساها..ماعرفش كيفاش ستسلم وتجاوب معاها بدا كيبوسها تاهو..حتى كيحس على راسو ودفعها:سيري بحالك ادينيس
وعطاها بضهر
قربات لعندو:لااا نت ماناسي واالو اعصاام..صافي
ضار لعندها وغوت ليها فوجها:نسيييييت سمعتيني نسييت ماشي جوج بوسات غيخليوني نبغيك..راه شحال من وحدة نعست معاها وعجباتني فالنعسة ونسيتهت..راه تاحاجة ماكادوم ادينيس سيري بحالك
بقات غير واقفة ومصدومة دموع شلال فعنيها..شافتو ركب فطوموبيل ومشا...حطات يديها على فمها وطاحت على ركابيها كتبكي:لا مايمكنننش اربي..عصام مايديرهاااش
وبقات كتبكي جرحها بزااف حاسة بروحها غتخرج
هدشي كامل وماحسوش بالكميرة لي كتصور
رجعات للدار محطمة كليا حمدات الله كلشي باقي ناعس من،داكشي لي وقع...دخلات لبيتها وتلاحت فوق النموسية كتبكيي..
فنفس الدار
حل عنيه فاش حس بيها نايضة..جرها من دراعها تا طاحت حداه:فين غادة
عائشة بعدات يديه من عليها وجاوباتو ببرود:للحمام
بغات تنوض وهو يرجع يشدها:منين نكون ناعس حداك ماتنوضي تا نفيق انا
شافت فيه:ولي كارهك اش يدير
ضغط ليها على يديها:يطبق داكشي لي قلت وتاباقي ماكايهمش..حيت اي حاجة عندها عقاب ديالها اعائشة،ديري عقلك باش تعيشي هانية
عائشة:بغيت نوض للحمام
رخة منها وناضت دخلات للحمام بقات واقفة وحطات يديها على كرشها:لاش انخليك وهو قادر يعاقبني بيك
غمضات عنيها وهي كتحس بيه فأحشائها طرف منها عايش فلداخل ديالها..ماكرهاتش تخليه ولكن ماتقدرش تغامر بيه حتى هو..مسحات دموعها وغسلات وجها وخرجات ..مالقاتوش حتى كتشوفو خارج من لحمام لاخور..كملات طريقها وخرجات لاطيراس..عجباتها بزاف كبيير ولي مزينها لوريدات لي فكل مكان ..بقات شحال فلاطيراس كتشم الهوة،وكتفكر ليوم مع ربعة غتمشي عند طبيبة باش دير الاجهاض
دارت فاش سمعات صوت هارون بتاسمات وقربات ..كيضحك فاش شافها خداتو منو وعنقاتو كتبوس فيه:هنا ماما توحشتك
كانت موراهم الطاهرة هي لي جابتو ليهم:نزلو تفطرو
كان فيها الجوع:واخة
نزلو كانو مجموعين وتاهي جالسة غير شافتهم نازلين بجوج زيرات على لي فيديها وحنات راسها ماباغاش تشوف..وباغة تخلي راسها متبتة ..جلسو كيفطرو فهدوء
نرجس:شبعت الحمد الله
وناضت وقربات عند عائشة:عطيه ليا ونتي كملي فطورك..نطلع ندوش ليه
عائشة:لا غا خليه دابة ندوش ليه انا
نرجس :ماشي مشكل ماعندي مايدار
عائشة خنزرات فيها:ولدي وقادة بيه غير رتاحي
طاهرة:ماشي مشكل اعائشة،عطيه ليها نتي عيانة بنتيلي مافيها باس
عائشة:ولكن..
قاطعها وهو كيشرب من كاسو:عطيه ليها..
نرجس بتاسمات بانتصار وخداتو ليها من يديها وطلعاتو للجناح ديالها ..خلاتها كتغلي غمضات عنيها ماباغاش تبكي..كان فيها الجوع ودابة تسدات ليها الشهية..حاسة براسها اتنفاجر..حطات يديها على كرشها فاش شدها الوجع غوتات وهي شادة فكرشها:اااااي
كلشي شاف فيها
طاهرة ناضت لعندها:مالك ابنتي
رخفات على كرشها فاش مشة لحريق:والو اخالتي غير شي وجع ومشة انطلع نرتاح
طاهرة:طلعي ابنتي..هدشي خاص نمشيو عليه للطبيب حالتك ماعاجبانيش
قالتها وهي كتشوف فناصر بشك وابتسامة على وجها
ماجاوبتهاش وطلعات للجناح
