عصام :هاهو ساااكت عمري نعاود نتيق بدموع نسا وهضرتهم وهوما معصبيين
تنهد براحة:شغا نقولكم فرحت ليكم والله ومبرووك عليكم وان شاء الله اخر الاحزان وهاد توينز يكونو بداية زوينة ليكم
يويف وعائشة:أمييييين
وقرب عنق ختوو:وانا كنقول مال وجهك منور هاا
ضرباتو على صدرو:وصافي
باسها على راسها وشاف فيوسف:تهلا فيها
يوسف:ماتحتاجش توصي
عصام بعد:عارف لي كاين
يوسف:دابة شنو درتي مع هدشي دمريم
عصام دور عنيه على دار:فين هي بعدة
عائشة وقفات:مرررررريم اجي
شوية وهي تجي لعندهم قربات وسلمات على عصام
عصام:مال وجهك صفر
مريم:راني مريضة ماقالوهالكش
عصام:اه ولكن هاد المرض شتو طول عندك
حدرات راسها
عائشة كتلف الموضوع:ودابة شنو درنا
شاف فمريم شحال عاد دوة:انا دابة ماشي غا خوها راني فمتابة باها راحتها من راحتي وايلا فرحات بحاليلا فرحت انا وماغانخصرلهاش خطرها ..ااالالة سيري كملي قرايتك على برى
عائشة غوتات بالفرحة ومريم تلاحت عنقات خوها متأترة بكلامو واصلا كانت على سبة دغية نزلو دموعها وبدات كتبكي عنقها تاهو وباسها على راسها:لاااش لبكة غا قوليلي ماكانحملش نشوف دمووعك
زادت عنقاتو:كنبغييك بزاف اخويا
هزات راسها وشافت فيه:لقيت فيك بابا لي تحرمت منو وانا صغييرة عمري حسيت باانقص بانه ماعنديش بابا الله يخليك ليا
بتاسم وهو كيمسح ليها دموعها: ماحدي عايش عمرك اتحسي بالنقص نتي ديري غا عققلك وحمري ليا وجهي بغيت نشوفك شي حاجة زوينة
مريم بتاسمات:كون هاني اخويا انخليلك ديما راسك مرفوع
عائشة نزلو دموعها تاهي فعلا عصام كان فمتابة اب ليهم :وانااااا ما اتعنقونيش
عصام جمعهم بجوج بين يديه وعنقهم:واا لبنااات حنااان اخاي يووسف لهلا يحرم شي حد من نعمة لبنات
باسوه بجوج على خدو
يوسف:هدا مصمار طرقناه باقة واحد الحاجة
عصام:اما هي
يوسف:كيف كتعرف لقراية بدات شحال هدا خاص تنتاقل ليها قبل يبداو الامتحانات ويفوتوها الدروس ونيت بحرى تأقلم مع اامدراسة وتحفض السيستيم ..انا تكلفت بمدير المدرسة وافق دغية واخة راه مستحييل يقبل لشي حد اخورر حيت مشى لحال وهدي من احسن اامدارس فأمريكا
عصام:اييه ايواا
يوسف:قال خاصها تلتاحق بالمدراسة من دابة تلتيام ايلا تعطلات ....راه فالصاليح ديالها
عائشة:اه باش تبدا معاهم ومايمشيش عليها لحال وتخربق وتصدق لا هادي لا هادي وزيد من الاحسن تاخد الباكالوريا عندهم فالمدراسة
عصام شاف فمريم؟:ونتي تقدي تمشي وماتحضريش لعرس ختك
بلعات ريقها حيت اصلا هدشي لي هي هاربة منو
عائشة:مافيها باس قرايتها ومستقبالها هوما لولين مازال لعرس غيدوز فنهار مادا ماجاب تعوضها نهار يولدوو وليداتهم وتحضر ليها
دغية عضات لسانها من هدشي لي قالت نسات راسها شافت فختهاا عاضة على شفايفها
عصام:اشنو قلتي امريم لقرار عندك
مريم تنهدات مابقة ليها مادير هنا خاص تعتق راسها وقلبها :اه اخويا ماعنديش مشكل فاتي غادي تعدرني ومازال يام الله طويلة
عصام تنهد وهو كيفكر شحاال ويدور الهضرة فدماغو وهوما مراقبينو ..رجع تنهد:ايوا الله يوفقك هدا ماغانقولك اختي وفهاد تلتيام انجمعو ليك وريقاتك وضوصي ديالك
يوسف:اه ضوصي خاص يوصلهم قبل تمشي هي باش غير توصل تبدا قرايتها المهم انا غنوصي على هدشي وضوصي ديالها وملفها كامل غدا يكون عندهم نت غير هني راسك وشوف شغالك مع عرس ختك تانية
عصام:اودي بغينا نشوفوهم غا هانيين مابغينا والو
عائشة:جلسوو كملو قهوتكم اتكون بردات
حنات هزات لبريق دلقهوة ومشات سخناتو ورجعات كبات ليهم وجلسو كيهضرو فالتفاصيل بلا مايبينو والو من داكشي لي وااقع حيت اصلا مايتستاهلش يتعااود
عائشة بقات غير كتشوف فولدها باقي صغيير وكيف كيفكر بحال شي واحد كبيير
يوسف مسح ليه على راسو وضرب ليه على كتافو بحال شي راجل كبير:برافو هكا نبغيك وانا غنعاونك تاتوصل لداكشي لي بغيتي ولكن خاص تقرا مزيان لابغيتي توصل لهادشي
هارون:انا كنقرا مزيان
جوهرة:لااا ابابا راه ماكايعرفش يقرا العربية مزيان كيعرف غير للالمانية والانجلش
هارون:لا ابابا تعلمت داك نهار ناصر علمني كيف ندير دغية نتعلم للعربية
يوسف:كيقولو ليه جدي ماشي ناصر
هارون:هو قالي يمكن ليك تعيط لي ناصر حيت انا راجل كبير وليت
يوسف:اها ايوا بيناتك نت ويااه
جوهرة :انمشي نجيب ليك قصة نشوف واش اتعرف تقرا
مشات كتجري جابت فيديها قصتها وفتحات فصفحة لولا:قرا
بقا كيشوف فداك النص دقيقة دالوقت وبدا كيقرا بكل طلاقة بحاليلا عربي من صغرو كيقرا العربية:يحكى أنه كان هناك فراشة صغيرة وجميلة تعيش مع أمها فى منزلها الصغير، وفى يوم من الأيام خرجت الفراشة مع صديقتها بعد أن إستأذنت أمها، سارت الصديقتان كثيراً يتنقلون من زهرة إلى زهرة ويلعبون، وبعد مرور بعد الوقت همست الفراشة الصغيرة إلى صديقتها قائلة أنها بعدت كثيراً عن منزلها وقد نبهتها أمها ألا تبتعد أبداً عن المنزل حتى لا يلحق بها أى ضرر، ضحكت الفراشة الأخري فى سخرية وإستهزأت بكلام الفراشة قائلة لها : أنت جبانة وتخافي من كل شئ، تعالي معي سوف أريك أجمل زهرة فى البستان
جوهرة شافت فداك النص هي براسها مازال كتهجة فاللغة العربية وهو قراها بالزربة:كيف درتي ليها هادشي مايمكنش نت عاد بديتي تعلم
هارون:انا دكي
عائشة عنقات ولدها كتبوس فيه:تبارك الله ..الله يحجبك اولدي..خاص نبخرك لا يعينوك ليا الله يحفضك
هارون بتاسم:واش كتفتاخري بيا اماما
عائشة:بزااااف
هارون:فاش كنا فالمانيا كانو كيجيو الامهات مع ولادهم للمدراسة وحنا كنديرو مسراحيات وفاش كنساليو كل ام كتنوض تقول شي كلمة لولدها وكلهم كيقولو انا مفتاخرة بولدي كنت باغي تانا تقوليها عليا شي نهار فاش نشوفك
رجعات عنقاتوو ونزلو دموعهاااا ماكرهاتش كون كانت معاه فدوك اللحضات مابغاتوش يحس بداك النقص:انا مفتاخرة بيك وكنبغيك اولدي وانبقة ديما معاك تاتوصل لداكشي لي بغيتي ان شاء الله
هارون:تانا كنبغيك اماما
جوهرة:تانا كنبغيكم
عائشة جرات وليداتها عنقاتهم بجوج:نتوما هوما روح لي عايشة بيها كنبغيكم بزااف
يوسف كيشوف فيهم وهو مبتاسم هدي هي عائلتو صغيرة لي كان باغيها تجمع ولي قادر يفديهم بروحو
عائشة بعدات وهي كتمسح فعنيها:نوضو تعشاو باش تنعسو غدا لقراية
هارون وجوهرة:واخة
